Saturday, June 2, 2007

عندما كنت حكيماً



تمر بالإنسان لحظات يخطر فيها بباله بعض الخواطر .. وأحيانا يتعجب أن تصدر هذه الخواطر منه وإن لم يمسك بالقلم فى حينها ويقيد ما جال بخاطره فكأن شيئاً لم يكن .. فلن يتذكر شيئاً بمجرد مرور بعض الدقائق

وقد زادت هذه الخواطر عندى من حوالى ثلاثة سنوات .. فلم أدع خاطرة تمر إلا وقيدتها بالورقة والقلم وحسبت نفسى أيامها حكيماً .. ولم تكن الأمثلة الشعبية ببعيداً عن فكرى فى أيامها .. ففى يوم من الأيام كنت أزور جدتى .. وجدتى بجوار بيتها مسجد يقام على أبوابه مولد كل عام .. فقالت لى : المولد السنة دى مش زحمة زى كل سنة .. فقلت لها : والمولد من غير زحمة زى الطبيخ من غير لحمة !

مرت هذه الأيام بحكمتها وأمثالها الشعبية .. وأنتظرتها طويلاً لتعود .. فياليت الحكمة تعود يوماً

أترككم مع بعض الحكم الياسرية
-
-
-
-
لا تتوهم أن يحفظ سرك من أفشى لك سر غيرك
وفر حق الكشف واسأل المجرب بدل الطبيب
فلوس بلا صحة : بيت بلا سقف
علم بلا عمل : كاتب بلا قلم
أنت اسير للوقت ولست حراً فيه
أن تجعل فشل الأخرين تجربة لك خيرا من تجعل فشلك تجربة للأخرين
الشيطان أحيانا يوهمك أنه يتمنى لك الخير
الكتاب هو الصديق ؛ ولكنه أحيانا يكون صديق السوء
أن يكون للإنسان وجهين مطلوب أحيانا ولكن لا تكون هذه شخصيتك
أول خطوة لتحقيق حلمك هى ان تستيقظ من النوم
سقوطك من نظر نفسك أسوأ بكثير من سقوطك من نظر الأخرين
لا تلقى اللوم على أحد قبل أن تسأل نفسك : أنا لو كنت مكانه ؟
لكى يفهمك الناس فأنت تحتاج إلى وقت طويل ؛ ولكى تفهم نفسك فأنت تحتاج لوقت أطول
لو أن كل انسان أراد أن يكون له صديق خالياً من العيوب لما أختارك احد صديقا
الشيطان يسارع فى إعطاء النصيحة
عتاب العين أشد كثيراً من عتاب اللسان
الصمت أحيانا يتكلم
لكى يحبك الناس : أستمع إليهم
استمع لنصيحتك قبل أن تُسمعها للآخرين
إهدار الوقت جريمة ؛ لايعاقب عليها القانون
علم لا ينفع : قلب لا يحب
ليس القائد الحقيقى من يتحكم فى الآخرين ولكن من يتحكم فى نفسه
العمر محاولة واحدة .. إجعلها ناجحة
إذا كان عمرك مكتوبا ؛ فمن ما تخاف !؟
إسع للمكاسب واستعد للخسائر
الحقيقة : كالعطر عندما نضعه على الجرح .. يفيد ولكنه مؤلم
اسمع نصيحتى ولا تخطو خطوتى
شاهد بعينك ولا تشاهد بأذنك
دعنا نفترق ؛ لعل الفراق يزيدنا قربا
قف إلى جوارى ولكن لاتكن كالجدار
الجهل بالشىء احيانا ينقذ صاحبه
إذا لم يتفوق التلميذ على استاذه لما وصلنا لما نحن فيه
شكراً للأخرين .. فبعيوبهم ظهرت محاسننا
شكراً للفاشلين .. فقد اعطونى دروساً فى النجاح
كلماتنا شمعة .. إما تضىء للأخرين وإما أن تحرقهم
نحن لا نستمتع بأجمل لحظات عمرنا جيداً لأننا لا نعرف انها كانت أجمل اللحظات إلا بعد مرور السنين
أيامنا خطوات .. تمضى بنا شئنا أم ابينا
إذا صممت على رأيك ولم تسمع لآراء الأخرين فهذه لحظة حاسمة وفارقة إما أن تندم عليها وإما أن تتباهى بها
صديقك قد يكون سبباً لفشلك .. فتخلى عن الصديق ولا تتخلى عن النجاح
فكر كثيراً قبل أن تتكلم ؛ وتكلم قليلآ بعد أن تفكر

45 comments:

•«ρяoιd»•™ said...

لا تتوهم أن يحفظ سرك من أفشى لك سر غيرك

سقوطك من نظر نفسك أسوأ بكثير من سقوطك من نظر الأخرين

لو أن كل انسان أراد أن يكون له صديق خالياً من العيوب لما أختارك احد صديقا

فكر كثيراً قبل أن تتكلم ؛ وتكلم قليلآ بعد أن تفكر

عجبوني قوي

مبروك انشاء المدونه

بالرفاء و البنين

:)

تحياتي

Anonymous said...

لو أن كل انسان أراد أن يكون له صديق خالياً من العيوب لما أختارك احد صديق

أعجبت بالكثير منها ولكن دى بالذات عجبتنى جدااا

حاول جاهدا ان تستمر فى تسجيل تلك االحظات والخواطر حتى وان قلت..

نسرين - أمة الله said...

السلام عليكم
جميل جميل فعلا يعنى ممكن تقول كده الواحد وقف على كل واحده شويه وشاف نفسه هو ايه بالظبط
لا تتوهم أن يحفظ سرك من أفشى لك سر غيرك
سقوطك من نظر نفسك أسوأ بكثير من سقوطك من نظرالأخرين
لا تلقى اللوم على أحد قبل أن تسأل نفسك : أنا لو كنت مكانه
وديه انا مقتنعه بيها جدا وعلى طول بفرضها فى نفسى عشان اقدر التمس للناس اعذار ترضينى من ناحيتهم
عتاب العين أشد كثيراً من عتاب اللسان
وساعات اكتر بيوجع
لكى يفهمك الناس فأنت تحتاج إلى وقت طويل ؛ ولكى تفهم نفسك فأنت تحتاج لوقت أطول
مش عارفه ليه حساها العكس محدش يقدر يفهم الواحد غير نفسه بس محدش يقدر يفهم اللى قدامه يعنى دايما فى حاجه خفيه جو نفس اى انسان ميعرفهاش غير هو بس انت ايه رأيك
الصمت أحيانا يتكلم
هو فعلا احيانا بس الاغلب تضيع حقوق صح
أيامنا خطوات .. تمضى بنا شئنا أم ابينا
فكر كثيراً قبل أن تتكلم ؛ وتكلم قليلآ بعد أن تفكر
بس الخوف من ان التفكير يأخد وقت اكتر ويضيع وقت الكلام
نحن لا نستمتع بأجمل لحظات عمرنا جيداً لأننا لا نعرف
انها كانت أجمل اللحظات إلا بعد مرور السنين
اكيد ولو عايزنها ترجع مش حترجع وحتقول لى يمكن تكون اللحظه ديه احسن من اللى راح طيب انا عايزه اللى راح حتقول لى اللى جاى احسن يمكن احسن
دعنا نفترق ؛ لعل الفراق يزيدنا قربا
طيب مش اللى بعيد عن العين بعيد عن القلب
ممكن فعلا
معلش انا رغايه
ربنا يكرمك خير ومبروك

ياسر سليم said...

•«ρяoιd»•™

نورت المدونة ..
والله يبارك فيك ...
وأى حاجة عجبتك ما تغلاش عليك :)

ياسر سليم said...

الفجرية

لو أن كل انسان أراد أن يكون له صديق خالياً من العيوب لما أختارك احد صديق

لو أفتكر الوقت اللى انا كتبتها فيه كنت خليته وقت تاريخى بدال عجباكوا كده وكنت كتبتها تلات اربع مرات فى البوست :)

أما بالنسبة للتسجيل .. فأنا بقيت ماشى علطول بورقة وقلم على أمل ان اى حاجة تيجى .. وربنا يسهل

ياسر سليم said...

الأخت نسرين بقه
احم احم
وعليكم السلام
طيب وكده ينفع يعنى .. تقفى على كلماتى !؟

لكى يفهمك الناس فأنت تحتاج إلى وقت طويل ؛ ولكى تفهم نفسك فأنت تحتاج لوقت أطول
بالنسبة لتعليق حضرتك عليها فيه شىء من الصحة ... لكن غالباً انا كنت أقصد هنا أن الانسان ممكن يبقى جواه حجات وبيتميز بصفات معينة وهو ما يعرفهاش واللى يعرفها هو أقرب الناس اللى حواليه ..

الصمت أحيانا يتكلم
بالنسبة للصمت معايا انا بيتكلم
ودى بتفرق من واحد للتانى :)

دعنا نفترق ؛ لعل الفراق يزيدنا قربا
هذه الجملة بالذات أنا مقتنع بيها جدا .. لأن الإنسان ما بيعرفش انه بيحب شخص معين إلا لما يبعد عنه ..
تانى حاجة انى هنا قلت لعل الفراق يزيدنا قرباً يعنى ممكن اه وممكن لاء
تالت حاجه .. الجملة دى ممكن يتعمل عليها قصص كتيرة جدا .. وأنا كنت بفكر اكتب فى الجملة دى قصة ..
إدعيلى

يارب أكون جاوبت على كل الأسئله بتاعت حضرتك .. وما قصرتش

نسرين - أمة الله said...

السلام عليكم
انا بشكر ليك فعلا سماحت نفسك لان كان ممكن تاخد موقف عشان علقت على بعض اللى انت قولته على اعتبار انه نقد بس انا بجد وربنا يعلم انا مقصدتش النقد انا قولت لحضرتك ان وقفت على كل واحده شويه ويمكن كل واحده كان ليها عندى او عند ناس اعرفهم احساس معين يمكن انا كنت بعبر من خلالهم وخلالى لانى بجد سرحت قوى
والصمت يمكن انا فعلا قصدت بيه نفسى يمكن عشان عدت عليا مواقف كان يمكن لو كنت اتكلمت كان افضل
ويمكن لعل الفراق بالنسبه لموقف تانى ممكن تعتبرها زى كده سؤال هو ممكن فعلا
مستنيه القصه

عمرو غريب said...

المدونة فيها موضوعات جميلة تحياتي ليك واتمني لك التوفيق

radwa said...

أن يكون للإنسان وجهين مطلوب أحيانا ولكن لا تكون هذه شخصيتك
ممممممم
معترضه عليه الى حد ما
ممكن ده يوصل لدرجة النفاق وتبقى وتبقى دى شخصيته

تحياتى لك

ياسر سليم said...

الأخت نسرين
وعليكم السلام
سيدنا عمر بن الخطاب قال رحم الله امرء اهدى إلى عيوبى ..
يعنى لو انتى بتنتقدى فى شخصيتى .. المفروض انا اتقبل .. دا انتى بتنتقدى فى كلمات .. والكلمات دى مش طالعة من طالعة من فيلسوف او عالم .. الواحد لسه فى بداية الطريق .. وحتى الطريق كمان وقف .. لكن ان حضرتك تقفى مع كل واحده ده فى حد ذاته ان الكلمات فيها ولو بعض التأثير .. وغير كده ممكن تقولى ان معظم الكلمات دى كانت عن خبرتى الشخصيه من مواقف معينه .. فكنت اكتب اللى ييجى على بالى ..
وبالنسبة للقصة .. فباين عليكى هتستنى كتير .. لأنى فى الفترة دى مشغول شويه .. وممكن كل اللى ينزل فى المدونة حجات مكتوبة قبل كده ..
جزاكم الله خيرا

ياسر سليم said...

استاذ عمرو غريب
شرفت بزيارتك ..
وجزاكم الله خيرا على هذه الكلمات ..
وقد قمت بزيارة مدونتك وللأسف انا لا حب الكره .. وأكرهها كما أكره اليهود ..

ياسر سليم said...

الأستاذه radwa
نورتى المدونة

أن يكون للإنسان وجهين مطلوب أحيانا ولكن لا تكون هذه شخصيتك

أظن ان هذه الجملة كانت لأن الإنسان احيانا يكون فى قمة الحزن أو مرهق مثلاً وعندما يقابل احداً فى الشارع لابد وأن يقابلة بإبتسامة .. وخاصة الناس اللى زى حالاتى اللى الإبتسامة ما بتفارقهومش .. أول ما ابقى عادى خالص ألاقى اللى جاى يسألنى مالك ياياسر فى إيه مزعلك .. يعنى الموضوع بعيد عن النفاق خالص ..
وعشان كده انا قلت ولكن لا تكون هذه شخصيتك ..

أمــانــى said...

ما اصعبها كلمات حينما تبدأ فى النظر الى نفسك
تصدق حضرتك تقدر تنصح الناس بأفضل النصائح ولا تجد من ينصحك او انك تخاف من النصح لان النصحية مؤلمة او قد لا يعجبك
مـا اصعبها شئ حنيما تزل من نظرك انك فعلا محق
من منا لايرى نفسه وسط هذه الكلمات الموجعة لانها تذكرنا بأنفسنا
حنيما يزيد البعاد انت فقط تتوهم انه يزيد حبآ بل الطرف الاخر زاد جفاء وكانه طوى هذه الصفحة
وبـدأ فى صفحة جديدة
تــحــــياتى لحضرتك

ياسر سليم said...

الأستاذه أمانى

حقا .. عز فى هذا الزمان ان نجد الصديق الصدوق .. الذى يصدُقنى ولا يصدّقنى ..
وكم هى صعبة المواجهة بالعيوب ..

ولكنها يسيرة على من اراد الله به خيراً ... واراد ان بصلح من نفسه

وأظن ان حضرتك تتحدثين على
دعنا نفترق ؛ لعل الفراق يزيدنا قربا

فهى حقا تختلف من شخص لآخر ..
أنا ارى انى من الممكن ان اخسر صديقا إلى الأبد إذا رأيته كل يوم وظل على تصرفاته وأفعاله ..
فإذا افترقنا من الممكن ان ( لعلنا ) نزداد قربا ..

شكراً على الكلمات

سكوت هنصوت said...

لقيتك ماشي في كل المدونات تعزم الناس على المدونة الجديدة...و معدي كده ولا على بالك...قلت يا بت مبدهاش بقى..هو صحيح معزمكيش...بس احتمال يكون عنده شريط البت نانسي الجديد..ومشغل دي جي و جايب عروسة بتتنفخ( لا مش في القسم) دي بتتنفخ عشان ترقص بمناسبة الإفتتاح..واحتمال بقى لو حظي حلو...يوزعوا ملبس و بونبون..اصلي احب البونبون قوي... فينوبني من الملبس جانب يلا..العواف عليك يا عم ياسر...و حلوة حكاية الأمثال دي...استمر..وابقى اعزمني..المرة دي بس سماح..المرة الجاية..هجيب الرجالة..وندغدغلك المدونة عشان تعرف ان الله حق...عواف

اسماء العريــان said...

جميله اوى :)

ياسر سليم said...

الأخت سكوت عشان هتصوتى
أولا المدونة بتاعتك .. يعنى من غير عزومة المفروض تبقى حاضرة وموجودة .. ومش معقول هعزم أصحاب المدونة .. انتى والرجالة اللى هيدغدغوهالى أصحابها ..
وبعدين بصراحة انا قلت لو انتى ما جيتيش يبقى خير وبركة .. ما هى المدونة مش ناقصة صويت :)
أما بالنسبة للأمثال .. فربنا يكرم وقريب أبقى انزل قاموس امثال جديد

ياسر سليم said...

الأخت أسماء العريان

نورتى المدونة ..
وجزاكم الله خيرا على الزيارة..
ويارب ديما التدوينات كلها تبقى فى المستوى المطلوب ..

حواء said...

بصراحة كل الامثلة او الكلمات فظيعة يعنى حلوة اوى حسيت فيها كتير من الصدق ومش عارفة اختار مثل عشان اقول لك ده عجبنى اوى عشان هى كلها فعلا عجبتنى اوى .. عموما البداية قوية يارب اللى جاى كله يبقى كدة ,,, تحياتى

أدهم said...

كلام جميل
htt://adhamm.blogspot.com

سكوت هنصوت said...

بقى المدونة مش ناقصة صوات.....مممممم

علي يا حنتيرة..لم محمود كلبش..و جمعة بتاع فيلم التعذيب ده..اه بتاع البت هويدا طه..وبالمرة اطلع على الليمان هاتلنا الظابط العظيم اسلاك نبية( اسم الشهرة بتاع سمؤل سحلة) و هاتولنا المدونة دي على الأرض...شكلها كده هيكدر الأمن العام...

شرفت الفضاء السيبري يا فندم...بس يا رب تطول فيه

( ملحوظة: دي دعابة تمت هأهأ...)

ياسر سليم said...

bocycat

انا عاجز عن التعبير ..

وبيقولوا
ان قمة التعبير هو ان تعجز عن التعبير !

ياسر سليم said...

أدهم

الله يكرمك

وتمت الزيارة ومدونة جميلة ربنا يكتبلك النجاح

ياسر سليم said...

الاستاذه سكوت عشان هتصوتى

أنا مش عارف اقول ايه بصراحة

أنا مش مصدق نفسى

بقى معقول الكلام ده كله كان هزار

ومش هييجى على حنتيرة ولا محمود كلبش

احمدك يارب

كويس انها كانت دعابة .. انا ركبى وقعت فى رجلى

هأهأ

نـــــــور said...

الأخ الفاضل كلمات جميلة جدا
بورك في قلمك .. كلها أعجبتني

جزاك الله خيرا،،

سجدة said...

كمات رائعة محتاجنيها فعلا ومحتاجين تطبيقها
اهم حاجة أن الواحد يقتنع بالتغيير من جواه

Anonymous said...

نهارك أبيض ياأستاذ ياسر .. بقى أنا أقرب الناس ليك الفترة دي كلها .. وأتفاجأ هنا بمجموهة الأمثال الرائعة دي ، واللي مشفتش منها غير كام واحد قبل كدا ..
ماشي الكلام .. على العموم .. من الآن وصاعداً أنت محروم من كتاباتي وابداعاتي لحين اصدار المدونة .. وربنا يستر :)

ياسر سليم said...

الأخت نور

جزاكم الله خيرا على المرور الكريم

وشكراً على الرد الجميل ..

ياسر سليم said...

الأخت سجدة

جزاكم الله خيراً ..

وفعلاً طالما الإنسان مش مقتنع انه هيقدر يتغير يبقى هيفضل محلك سر وعمره ما هيتغير ..

شكراً على المرور

ياسر سليم said...

حبيبى

انته كنت هنا ...

انا مش مصدق ..

معقول !؟

طيب كنت ادينى مسد كوول ..

بس اهم حاجه ما تحرمنيش من إبداعاتك الله يكرمك ..

انا هقدر اتنفس ازاى من غيرها

koukawy said...

كوكو كمان جه يسلم عليك
اما بقي بالنسبه للخواطر و الحكم فلا تعليق لأنها جميله
و منطقيه و عقلانيه جدا
اشكرك علي البوست الجميل ده
و كوكو هيستناك تيجي تسلم كتير و تزور العشه
كاكان

Mirage said...

فلوس بلا صحة : بيت بلا سقف

أنت اسير للوقت ولست حراً فيه

أول خطوة لتحقيق حلمك هى ان تستيقظ من النوم


دى اكتر حاجة عجبتنى

واهلا بيك فى عالم المدونات

اسم مدونتك جمع اسم مدونتى انا :)

بالتوفيق

Maha said...

بسم الله ما شاء الله

بداية مشجعة جدا للمدونة .. دي تاني تدوينة وما شاء الله جميلة تبارك الرحمن

أنا إذا مكتبتش الخواطر في ساعتها بكسل أكتبها بعد كده

في انتظار باقي التدوينات

همسة قلم said...

كلمات جميلة وحكم تستحق الوقوف عندها اخونا الكريم ياسر

اعجبتني بصدق وذكرتني بوقت مررت فيه بحالة من الحكمة التي تمر باالنسان فترة من الفترات فيتمنى لو تنتهى ثم يحن اليها :)

لا تتوهم أن يحفظ سرك من أفشى لك سر غيرك

حكمة ايماني بها كبير

حيا الله هذا القلم وتلك الكلمات ..

ياسر سليم said...

koukawy

أنا مش عارف بس ارد الجميل ده إزاى

وبالنسبة للخطواطر فده من ذوقك ..

وبتشكرينى على إيه بس ..

وانشاء الله زيارتى للعشة تتكرر كتير
بس ياريت العشة تبقى مستعدة ديماً لإستقبال الضيوف ..

ياسر سليم said...

عم david santos

وبعدين يعنى !؟

المفروض انى اعمل إيه ؟

الأخ يهودى ؟

لو كنت يهودى فياريت ما توسخش المدونة بتاعتى تانى ..

ياسر سليم said...

الأستاذ Mirage

نورت المدونة ..

واعتبر مدونتى كأنها بتاعتك بالضبط ..

هى ملك عام لكل المدونين ..

:)

جزاكم الله خيراً على المرور

ياسر سليم said...

الأستاذه maha

ربنا يكرمك ..

ويجبر بخاطرك ..

بالنسبة لكتابة الخواطر فعلا إذا ما مسيكتيهاش قبل ما تطير فهطير زى العصافير ..

ومش هترجع تانى ..

عشان كده لازم الواحد يبقى ديما معاه قلم وورقة .. اى حاجه تيجى على باله .. يلحقها .. الله اعمل هترجع تانى ولا لاء

جزاكم الله خيرا على المرور الطيب

ياسر سليم said...

أختى الكريمة
همسة قلم

جزاكم الله خير على هذا المرور

وكم كنت فعلاً لا أقدر قمية هذه المرحلة .. وتذكرت أنى سأظل طوال عمرى هكذا ... حكمياً :)

ولكن املى فى الله كبير أن تعود ..

وكفانى فخرا بالكلمات انها حازت على إعجابك

تحياتى

جهاد خالد said...

حكم رائعة بالفعل
تنم عن شخصية تحمل بداخلها الكثير

دمت ... حكيما

نهى جمال said...

الصمت أحيانا يتكلم

بل الصمت أحيانا يصرخ

أيامنا خطوات .. تمضى بنا شئنا أم ابينا

صح

ليتنا نملكها


تحياتي لكَ

ياسر سليم said...

النجمة الصامدة

وكأن الكلمات انتهت .. وليس هناك ما أمتلكه من كلمات لكى اقابل التعليق برد ..

جزاكم الله خيرا على المرور

دمتِ ... بخير

ياسر سليم said...

نهى جمال

جزاكم الله خيرا على هذا المرور الطيب ..

وحقا ليتنا نملك الأيام .. نوقفها وقتما نشاء ..

تحياتى

Anonymous said...

بمناسبة البروفايل

الفيلم اللى بتاع جواز عتريس من فؤادة باطل

اسمه شىء من الخوف
وكان ممنوع من العرض فترة حكم عبدالناصر لأنه اعتقد ان الفيلم اسقاط سياسي لفترة حكمه
وأفرج عنه بعد النكسة على أوائل عام 1970

تحياتى

ياسر سليم said...

شهروزة

شكراً على المرور

شكراً على الإضافة

وسامحينى عشان انا ثقافتى الفنية على ادى .. ومش بركز قوى فى الحجات دى

وعموما خلاص كده .. عرفت اسم الفيلم وهعدله فى البروفيل ان شاء الله