Wednesday, June 6, 2007

فاشل ... ولن أتوقف

بعد تيقنى من فشلى الذريع فى كتابة الزجل .. ونصح الكثير لى بأن اتوقف وأن ارحم من فى الأرض لكى يرحمنى من
فى السماء .. وبعد تجارب كثيرة فاشلة
فإنى قررت ألا اتوقف وان أستمر مهما كانت التضحيات

ومن انتقدنى فسأكتب فيه هجاء

قل موتوا بغيظكم

فإن مات فسأكتب له رثاء


وكفانى فخراً أن المهندس وحيد الدهشان جبر بخاطرى مرة ونشرلى فى افاق عربية من عامين وقال لى
الصديق ياسر سليم تعال لنا كل يوم (ده أسم الزجل ) التى كتبتها تنم عن إستعداد للسير على درب الأدب
وقال لى فى النهاية :
ونتمنى لك مزيداً من التوفيق فى أعمالك المقبلة



فكتبت لمدونتى .. التى مهما كتبت لها وعنها فلن تمل منى وستقول هل من مزيد !؟



أخيرا هجمع ورقى وحجاتى
وفـ مكان واحد هحط كتباتى
مش هتفرق مين يقرا ومين لاء
مش هيفرق خصمى من اخواتى
مش هيفرق مين عجبه ومين طق
أنا هكتب
ولازم اسيب بصماتى
وعشان كده
وبالشكل ده
أنا هبقى مدوناتى
واللى عايز يفتكرنى بكام كلمة
بعد مماتى
يفتح النت ويقرا تدويناتى
واللى فيها زى ما انا مسميها
كلماتى
واللى يزورها كأنه زارنى فى بيتى
أهلا بيه
وخالص تحياتى

49 comments:

اسلام صديق said...

مين قال ان انت فاشل

ده زجلك رائع جدا ومعبر وفي احساس عالي


ولايهمك كل العظماء
كانوا كده ف الاول

رينـــــــــــا said...

امممممممممممممممممممممم
دا انت بئا بتمنع العين عنك :D:D:D:D

لا بجد جميل مش وحش خالص
استمر يابنى
وادينى مستحملين
قصدى
ادينا مستتقلين
قصدى
ادينا مستمتعين :D:D:D:D

أسوور said...

الزجل اللى انت كاتبه كويس
ممكن بقى نشوف الزجل اللى قالولك عليه انه وحش
وسموك فاشل بسببه

تحياتى

اسماء العريــان said...

جميل :)

قلمي الحر said...

السلام عليكم
اولاشكراعلى زيارتك مدونتي ،وجبرت
بخاطري ،واتمني تكون عجبتك
ثانيا ..اكتب ولا يهمك ،الزجلل كان والشعر ، دي حاجة بتعبر عنك وعن نفسك وانت لك مطلقالحرية فيأنك تقولها وتخرجها..غير أن فعلا اللي انت كتبه حلو..استمر
يبقي زور مدونتي لو مش هيضايقك ،بس المرة دي علق عشان يهمني رأيك مش تجبر بخاطري وبس

Mirage said...

طيب مانت كويس قوى اهو

ايه موضوع الفشل ده

دانت كلامك يوزن الدماغ

:)

نسرين - أمة الله said...

السلام عليكم
ليه ده كله لولا اختلاف الازواق لبار الزجل ههههههههههههه
يا عم اكتب اللى انت عايزه ولو معجبكش تعليق حد كأنك مشوفتهوش
وانا بقى الفتره ديه متفرجه قصدى معلقه فقط يعنى مش حكتب حاجه

نسرين - أمة الله said...

ايوه صح ومن دون الافلام كلها تتفرج
الأرض .. الزوجة الثانية .. إحنا بتوع الأتوبيس .. الكرنك .. شىء من الخوف
فى ايه

ياسر سليم said...

اسلام صديق

ياريت واحد بس اللى قال .. بس بصراحة هما ما بيقولوش انى فاشل كده فى وشى .. ولكن تعبيرات الوجة تفضح ..

والظاهر ان حضرتك بس حساس زياده عن اللزوم فحسيت بيا :)

وياريت الكل يفهم بقه زيك كده ان كل العظماء كانوا كده فى الأول

ياسر سليم said...

رينـــا

بالظبط كده .. وبالذات عنيكى .. :P

يعنى اخيرا لقيت حد هيستحملى ..

طيب انتوا اللى حكمتوا اهوه ... استحملوا بقه ..

والجايات اكتر من الريحات

ياسر سليم said...

ياسمين

أولا نورتى المدونة ..

يعنى اخد على الزجل بتاعى ده كده كام من عشره ؟

ومن ناحية انك تشوفى الزجل اللى قالوا عليه وحش فيارب ما تشوفيش وحش

وان شاء الله اوعدك انها ما تبقاش اخر مره وهنزل على المدونة زجل تانى وثالث ولحد ما انتوا اللى تزهقوا

ياسر سليم said...

الأخت اسماء

لتانى مرة تعلقى بكلمة واحدة أو كلمتين ..

عايزين نشوف رأيك وتعليقك على ما يكتب ..

مش هنقول بإستفاضة .. لكن لو يزيدوا كمان خمس كلمات ما ابقاش طماع

تحياتى

ياسر سليم said...

قلمك الحر

دا انا اللى اشكر حضرتك بجبران خاطرى وزيارة المدونة المتواضعة دى

وان شاء الله ما تكونش اخر زيارة ليا فى مدونتك ..

وهعلق لحد ما انتى اللى تقوليلى كفاية كده ..

وبالنسبة للزجل .. انا فعلاً مهما حصل ان شاء الله هكتب ومش هبطل ومش هسيب القلم :)

تحياتى

ياسر سليم said...

mirage

روح قول بقة للناس اللى بتطلع عليا اشاعات ..

الواحد يبقى قاعد فى مكانه وتلاقية يطلع عليه كلام واشاعات ..

وبدال كلامى يوزن الدماغ .. كل ما تحب توزن دماغك تعالى على المدونة علطول ..

ياسر سليم said...

الأخت نسرين

ياريت التعليق كلام يتقرى وخلاص

المشكلة فى التعليقات المباشرة ..
اسد ودانى ولا اعمل ايه بس :(

وبدال الفترة دى معلقة فقط ياريت ديما ألاقى تعليقاتك منورانى ديما ..

ومن ناحية الأفلام ..

فأنا مش فاكر اخر مره اتفرجت فيها على فيلم كامل امتى ؟
مده كبيـــــــــــــــره
وبالنسبة للأفلام دى فدول ممكن تقولى اتفرجت عليهم كاملين .. ولو عرفت ان واحد فيهم شغال هتفرج عليه تانى ..

ولو حضرتك خدتى بالك هتلاقيهم كلهم مشتركين فى حاجه ..
حزرى فزرى هى ايه ؟

جهاد خالد said...

ضارب بكلام الناس حيطة
ولا همك مين يعمل هيصة وزيطة
ماشي في طريقك
مادد تعابيرك
ومظبط اخر تظبيطة

أنا احب الناس الجدعان
تتبهدل وتقول كمان
كده هتوصل باذن الرحمن
اذا كان كده فاشل ؟؟؟ ربنا يزيدك فشل كمان وكمان


هههههههه

والسلااااااااااام

أخـــ مسلمة ـــت said...

جميل جدا

استمر

ياسر سليم said...

اخنى الكريمة : النجمة الصامدة

اعمل ايه فى كلام الناس
والناس مش عندها احساس
بيحبطوا ..
يضربوا بالفاس

وانا قلت انا همشى فى طريقى
واللى ما عاجبه ما يبقى صديقى

ياسر سليم said...

أخت مسلمة

جزاكم الله خيرا على المرور

وانشاء الله هستمر مهما كانت الصعوبات والإحباطات

tona said...

اكتب

حتي لو محاولاتك كانت في البدايه ضعيفه

اكيد هيجي وقت واسلوبك هيتتطور وينضج

بس خليك فاكر




من حقك تكتب
من حق الناس تقول رايها
من حقك تقبله
من حقك ترفضه

FadFadA said...

ياسر
زجلك عجبني
و اصرارك عجبني جدا جدا
فعلا , مش مهم الناس بتقول إيه أد ما أنا عايز إيه
و لا إيه ؟
محمد

مشروع انسان said...

مين قالك بس انك مش كويس سيبك من الكلام ده بس خلى بالك من القافية شوية لازم الكلام يبقى موزون وربنا يسهلك وتبقى شاعر كبير

المجاهدة said...

:)
جميلة ماشاء الله و معبرة... الجميل فيها انها سلسلة في كلماتها و معانيها
:)


بالنسبة للكتابة... مش مهم ان حضرتك تكتب عشان تلاقي ترحيب من حد.. اهم حاجة تبقى كتابة مفيدة:)
سواء للي هيقراها.. و دي اهم حاجة.. عشان كتاباتنا تبقى في ميزان حسناتنا

او تبقى مفيدة لينا احنا.. اننا ننفس بعض الشئ من الي جوانا
:)

ف اياً كان الي حضرتك بتكتبه.. اكيد بينفس قليل عن الي جواك.. و ده في حد ذاته شئ طيب
:)

ربنا يكرمك و يفتح عليك

ياسر سليم said...

tona
شكرا على المرور
وانا الحمد لله مع الإستمرار مستوايا بقه احسن كتير من الأول ..
ومن ناحية انى ارفض او اقبل
فأنا اى حد بيحبطنى بتجاهله ..
واى حد بيشجنى يبقى حبيبى وصاحبى :)

ياسر سليم said...

محمد fadfada

أولا شكرا على الزيارة

وربنا يكرمك ويرفع من روحك المعنوية

اما من ناحية الإصرار فأنا مهما قابلنى إحباط ما بتفرقش معايا .. ماشى فى الطريق ..

لا تقلق

ياسر سليم said...

امام الجيل

نورت المدونة ..

وربنا يكرمك ويرفع من روحك المعدنية

وانا الحمد لله اتحسنت كتير عن الاول ..
وان شاء الله مستوايا يبقى احسن كمان سبع سنين من اكتر :)

تحياتى لك

ياسر سليم said...

الأخت الكريمة : المجاهدة
نورتى ..
وانا لما بكتب زجل بشتغل فى السهل الممتنع :)
ومن ناحيى الترحيب .. فأنا مش قصدى على الترحيب انا قصدى على التشجيع والإحباط ..
فى ناس بتحبط قبل ما تسمع اى حاجه .. ما تعرفيش بيبقى عندهم عقدة ولا إيه ..
والواحد بيحاول ان ديما يجدد النيه فى اللى بيكتبه ..
وربنا يتقبل :)

•«ρяoιd»•™ said...

شوف يا ياسر

مش من حق حد انه يقول لحد مش تكتب او تكتب

انا مقتنع داخلياً إن الكلام اللي بيطلع من القلب بيوصل للقلب بدون اي حواجز

لا تستمع لأحد

طالما انك واثق في قدراتك و في احساسك

استمر

تحياتي

yasmina said...

زجلك حلو يا ياسر
لازم تكون واثق اكثر من كلامك
ما دام خرج من قلبك ومن بنات افكارك اذا هو ملكك وصنيعك

اهنئك واشجعك والى الامام

سكينة said...

سيبك من مماتي واكتب ربنا يكرمك عن حياتي
في مماتي سأخلو فقط مع ذاتي وعندها لن تنفعني كلماتي
وكنا عجبنا مين من بداية السجلات
امض أخي ودع عنك المهاترات
:)
شفت أديني مش بخاف أهجص براحتي امال احنا سايبن الدنيا وطالعين الفضاء ليه مش عشان نرتاح منهم

cleopatra said...

السلام عليكم ورحمه الله وبركاته

أبيات جميله .. ومعبرة جدا :) وانت مش فشل ولا حاجه ... وحتي لو كنت فأحنا هنتحمل :D

غمض عينيك said...

بجد خالص تحياتي
ايه ياعم الكلام الجامد اللطيف اوي ده
مدونتك لذيذة اوي
اول زيارة ومش الاخيرة

سلام
محمد سمير

شروق الشواف said...

:)

استمر دائما

ياسر سليم said...

•«ρяoιd»•™

كلامك صحيح ممكن نقول 100 %

ومن ناحية انى لا أستمع لأحد .. فلا تقلق .. أنا ما بسمعش إلا للى بيشجع .. وبس :)

وإن شاء الله سأستمر

ياسر سليم said...

yasmina

شكراً على قبول الدعوة .. ومجيئك إلى مدونتى المتواضعة ..

وبدال عجبك كده .. خلاص بقه انا ممكن اخد مقلب فى نفسى ..

شكراً على التهنئة والتشجيع ودمتم مشجعين :)

تحياتى لكِ

ياسر سليم said...

سكينة

هضحك الأول هههههههههههههههههههه

ما تقلقيش مش كله على مماتى ..
فى حياتى .. كل فتره كده هوريكوا مواهب ..
وعلى رأى المثل الشعبى العظيم
هجص تعيش تاكل قراقيش

منوره ديما الفضاء بتاعى

ياسر سليم said...

cleopatra

وعليكم السلام ورحمة الله وبركاته

ربنا يخليكِ ويبارك فيكِ وديما كده تجبرى بخاطر الناس الغلابه اللى زييى ..

وكويس انى لاقيت الناس اللى تستحملنى :)

تحياتى

ياسر سليم said...

غمض عنيك

نورت المدونة ..

ربنا يخليك ويكرم أصلك ده من ذوقك يا استاذ محمد ..

ويارب ديما اكون عند حسن ظنك

جزاكم الله خيرا على المرور

ياسر سليم said...

الأخت شروق الشواف

نورتى المدونة ..

وإن شاء الله هستمر ومش هبطل .. مش هسيب .. بس هسافر ان شاء الله :)

اروي الطويل said...

اه والله دا حلو اوي
زي ما رينا قالت بيمنع العين :))

Anonymous said...

" فاشل ولن تتوقف "
دليل قوي على انك انسان ناجح في حياتك ومتفائل وطموح
اصرارك وعزيمتك نعمة كبيرة فاحمد الله عليها وأساله أن يديمها عليك وعلينا
جميعاً
أتمنى لك المزيد من التوفيق والنجاح
ولا تحرمنا من كلماتك البسيطة والمعبرة سواء كانت في صورة زجل او نثر او غيره

.::. عابر سبيل .::.

ياسر سليم said...

أروى الطويل

نورتى المدونة ..
وما تحلفيش .. مصدقك من غير حلفان :)

ويعدين ما انتى شايفه عين رينا عاملة ازاى .. فكان لازم اخد بالى :D

ياسر سليم said...

عابر سبيل
أولا مرحباً بك فى المدونة ..
وإن كانت اول مرة يارب ما تكون اخر مرة ..
وحضرتك استنتجت الكلام ده كله من كلمتين ..
يارب اكون عند حسن ظنك ..

وإن شاء الله فى زجل قريب هيزل ..

منة الله said...

ياسر سليم


ادعوك للمشاركة في استفتاء اكثر 10 مدونات تاثيرا في قرائها

عل مدونتك تكون واحدة منهم

اليك الرابط

http://www.6ef.blogspot.com/

§a§a said...

السلام عليكم

جميل جدا وحتى لو فى فشل مفيش حد بيتعلم بدون فشل

بجد المدونه جميله لسه هاخد فيها لفه كدا تانى ان شاء الله

ياسر سليم said...

منة الله

شكرأ على الدعوة إن شاء الله سأشارك ..

وغالباً لن اكون واحدة منهم لأنى حديث العهد بالتدوين ..

جزاكِ الله خيراً

ياسر سليم said...

sasa

نورت المدونة ..

كلامك سليم 100 % ..

وتيجى فى أى وقت وتلف فى المدونة براحتك خالص .. وما حدش يقدر يكلم معاك .. قولهم ان انته تبعى بس ..

انا من اهوى ومن اهوى انا said...

ياسر :

فاشل ولن اتوقف نفس الكلمه اللى قلتها لنفسى بعد ما اتقالتلى كلمه فاشل دى ييجى ربعميت مرة وازعل ويتقالى يا فاشل يا فاشل وازعل تانى ويتقالى يا فاشل بتزعل من كلمه فاشل طب يا فاشل يا فاشل وهكذا سيل من الاحباط رمى بى من على جرف هار وانا اقاوم واقاوم ومازالت الكلمه تلازمنى ختى ظننت ان الله كتب على ان انادى فى الدنيا بكلمه فاـــــشل

بس لو الكلمه دى هاتقوينا وتخلينا نقول ونكتب ونعافر يبقى اهلا بأى واحد يقول يا فاشل ياريت لو هالتتقالى كل ساعه كل دقيقه بس اكتب وافضفض اعبر وازجل وارثى وامدح واهجو شغال وايه المانع

تعالى نعمل جمعيه اسمها جمعيه الادباء الفاشلون حتى الموت .
وتحياتى

محمد فوزى .

Anonymous said...

ياسر صاحب أحلى كلام
شاعر قيمه وشاب همام
يكتب لينا كلام محسوب
منه بنسرح وندوب دوب
يللا يا شاعر علي الهمه
واوعى تفكر غير في القمه
ده انت حبيبنا وعينا عليك
اكتب تاني الله يخليك


حبيبي"ياسر"
شرفت كثيراً بمعرفتكـ يوم المحاكمة العسكرية .
وأسعدني بشدة حديثي معكـ ...

تقبل كلماتي المتواضعة -تلك-
...و...
ود