Monday, July 9, 2007

ما دورنا !؟

مع بداية ظهور الإنترنت وظهور المواقع الاسلامية التى تنشر الدين الإسلامى ظهرت عدة مواقع تعادى وتسىء للدين الاسلامى وفى الفترة الاخيرة زادت هذه الإساءة من خلال بعض المدونات بل وتعدى الأمر إلى الإرسال لأعداد كبيرة على بريدهم الإليكترونى وقد تلقيت الكثير من هذه الرسائل وتيقنت أنه ليس مجهودآ شخصياً من معادٍ ولكن الأمر اكبر من التصور

ما دورنا تجاه هذه المواقع والمدونات ؟
ـ
ـ
أولاً
ترك هذا الموقع فور معرفتى بأنه من هذه المواقع وحتى عدم التحاور معهم
قال تعالى ( وَقَدْ نَزَّلَ عَلَيْكُمْ فِي الْكِتَابِ أَنْ إِذَا سَمِعْتُمْ آيَاتِ اللَّهِ يُكْفَرُ بِهَا وَيُسْتَهْزَأُ بِهَا فَلا تَقْعُدُوا مَعَهُمْ حَتَّى يَخُوضُوا فِي حَدِيثٍ غَيْرِهِ إِنَّكُمْ إِذاً مِثْلُهُمْ إِنَّ اللَّهَ جَامِعُ الْمُنَافِقِينَ وَالْكَافِرِينَ فِي جَهَنَّمَ جَمِيعاً ) النساء/140
ـ
ـ
ثانياً
عدم نشر الموقع بنية التحذير منه .. لأنك بهذا الفعل انت تساعدهم على زيادة عدد زوار الموقع وأخاف ان تكون ممن قال فيهم الله تعالى
" إِنَّ الَّذِينَ يُحِبُّونَ أَنْ تَشِيع الْفَاحِشَة فِي الَّذِينَ آمَنُوا لَهُمْ عَذَاب أَلِيم "
ـ
ـ
ثالثاً
التيقن بأنهم لن يتفلتوا من عذاب الله
قال تعالى ( وَمِنَ النَّاسِ مَنْ يَشْتَرِي لَهْوَ الْحَدِيثِ لِيُضِلَّ عَنْ سَبِيلِ اللَّهِ بِغَيْرِ عِلْمٍ وَيَتَّخِذَهَا هُزُواً أُولَئِكَ لَهُمْ عَذَابٌ مُهِينٌ ) لقمان/6
ـ
ـ
رابعاً
الثقافة المضادة .. بنشر حديث صحيح لرسول الله والتأكد من صحته بنفسك
قال رسول الله(بلغوا عني ولو آية، وحدثوا عن بني إسرائيل ولا حرج، ومن كذب علي متعمدا فليتبوأ مقعده من النار). صحيح البخارى
وأخيرا احب أن أختم بهذا الحديث
قال رسول الله صلى الله عليه وسلم"توشك أن تتداعى عليكم الأمم كما تتداعى الأكلةُ إلى قصعتها، قالوا أومِن قلةٍ نحن يومئذٍ يا رسول الله؟، قال: لا بل أنتم يومئذٍ كثيرٌ ولكنكم غثاءٌ كغثاءِ السيل، ولينزعنَّ اللَّهُ المهابةَ من قلوبِ أعدائِكم، وليقذفنَّ في قلوبِكم الوهن، قالوا وما الوهن يا رسول الله؟، قال: حب الدنيا وكراهية الموت" صدق رسول الله صلى الله عليه وسلم

39 comments:

عازف الناى said...

الاخ ياسر اثناء تجولى فى المدونات دخلت مدونه شاب مسيحى يحكى قصه حب غير شرعيه وغير شريفه مع فتاه مسلمه وقد ذكر الحجاب فى كلامه
خرجت من المدونه وكلى اسف على الشباب المسلم الذى علق عنده
انا ازور مدونه مسيحيين ويزور مدونتى مسيحيين بكل احترام وادب وثقافه
واريد ان اسأل سؤال هل سمعت عن مسلم تكلم بسوء عن نبى من انبياء الله ؟؟؟؟؟
لقد فرحنا لنجاه سيدنا ابراهيم من النار وفرحنا لمولد سيدنا اسحاق وفرحنا لنجاه سيدنا يونس من بطن الحوت ونجاه سيدنا يوسف من السجن ومكر امراه العزيز وفرحنا لعوده البصر لسيدنا يعقوب وتاسفنا على انبياء الله الذين قتلهم قومهم وفرحنا لنجاه سيدنا موسى من اليم وكنا معه بقلوبنا حين كثرت طلبات بنى اسرائيل له وفرحنا لمولد سيدنا عيسى وسمينا بناتنا على اسم العذراء مريم

لماذا؟؟؟؟
لماذا؟؟؟؟
لماذايهاجمون رسول الله سيدنا محمد ودين الاسلام؟

المجاهدة said...

جزاك الله خيراً كثيرأً للتذكرة
:)
هوا فعلأً احنا لما نقعد ننشر السايتات دي و المدونات الي بتسئ للإسلام بغرض اننا بنحذر منها
احنا كده بنفيدهم اكتر
عدد الزوار بتاعم هيزيد بالتالي اي بحث بسيط على جوجل هيطلع الصفحة دي في اول الالصفحات بتاعت نتائج البحص..

الحل الوحيد اننا نتجاهلهم.... بس بيننا و بين بعض نزود السايتات الي فيها دعوة حقيقة لدين الله... صادقة و مخلصة

الي عاوز يدور على الحقيقة هيعرف يلاقيها... ااه ممكن يتخبط شوية قدام
بس بالعقل هيعرفوا يسيبو بقية الحاجات دي
:)

جزاك الله خيراً :)

المجاهدة said...

بالنسبة لكلام اخ عازف الناى
:)

هوا الطبيعي لينا اننا مانقولش اي سوء على اي نبي من انبياء الله... هما رسل و احنا ملزمين بتصدقيهم و احنا عارفين انهم مسلمين....
و الي بيتقال عليهم انهم يهود او نصارى او ديانات مختلفة ده غير صحيح... هما كلهم مسلمين..
و احنا مأمورين بالتصديق بيهم و اننا نمنع عنهم اي سوء من القول


هما بقى يقولوا الي يقولوه.. دي حاجة ماتخليكشتستغرب :)
بالعكس... هتستغرب لما تلاقيهم هاديين و مسالمين
:d


ربنا يردنا إليه جميعاً رداً جميلاً :)

الحلم العربي said...

جزاك الله خيرا على التذكرة و أنا بحب أوي الحديث الأخير لأنه بيحذرنا و يذكرنا بعدم التخاذل و لو اننا طبعا بنشوفه كتير في حياتنا من تخاذل عن نصرة قضايانا الإسلامية

بارك الله فيك
تحياتي

عصفور المدينة said...

جزاك الله خيرا وأضم صوتي لصوتك فيما دعوت إليه من عدم نشر أسماء مثل هذه المواقع
وكنت قد تكلمت في هذا الأمر في تدوينة لي
بعنوان

ولا يستخفنك

رينـــــــــــا said...

جزاك الله خيرا على التذكرة
وحسبى الله ونعم الوكيل فيهم بجد

تائهة فى أرض الأحلام said...

أنا فعلا مندهشة
من ساعة من الانترنت انتشر وبدأت معه كمية مواقع وموضوعات من عرب معظمهم يكفرون بالدين ويسبون ويلعنون كل من يحاول يظهر اسلامه
مش عارفة فيه ايه
بالضبط
على العموم أنا فعلا من فترة قررت انى لا أنظر حتى على هذه المواقع ولو حتى بدافع الفضول
لانهم مجموعة ناس تحس انهم مش طبيبعيين وحتى مش بيعرفوا ييقنعوا اللى حوليهم

تحياتى لك
واسمح لى أن اعيد نشر هذا البوست على مدونتى
حتى ننشر هذه الفكرة
و جزاك الله خيرا

إنـســانـة said...

حسبى الله ونعم الوكيل

عجبنى فى البوست ان حضرتك لم تكتفى بالشجب والتنديد وان الأمر غير شرعى ونظرية المؤامرة وهكذا .. الجميل ان حضرتك اقترحت حلول وان الحل 1 و2 و3 والمفروض ننفذهم

فجزاك الله عنا خير الجزاء

ولــــــــــو said...

اولا احييك على البوست بتاعك
ثانيا انا معاك ان احنا مش ننساق ورا المخطط بتاعهم ونرد باساءات فيترد علينا وهكذا وتصبح معركه محدش هايفوز فيها الاالمتعصبين
احنا ندافع عن ديننا بدون الخوض ف الديانات الاخرى
اخيرا ان بصراحه ماصادفتش مواقع زي اللي بتقول عليها والحمد لله انك نبهتني
جزاك الله خيرا على التذكره والنصيحه

نسرين - أمة الله said...

السلام عليكم
على فكره انا فعلا شوفت مواقع زى كده ومنهم كمان بيألفوا سور قرأن الواحد بصراحه حس ان نفسه ماعت والله واخدت فتره مكتئبه
بس فعلا قالوا لى ان اسلم رد عليهم اننا منتكلمش عن المواقع دى اساسا لان ده يعتبر دعايه ليهم وان احنا اللى حنوسع مجالهم
وزى ما بيقولوا
الرد على السفيه الصمت
ربنا يجازيك خير ويحمى دينا

wahed said...

عدم نشر الموقع بنية التحذير منه .. لأنك بهذا الفعل انت تساعدهم على زيادة عدد زوار الموقع وأخاف ان تكون ممن قال فيهم الله تعالى
" إِنَّ الَّذِينَ يُحِبُّونَ أَنْ تَشِيع الْفَاحِشَة فِي الَّذِينَ آمَنُوا لَهُمْ
عَذَاب أَلِيم
دي اهم نقطه زي مقلت
تحياتي ليك

اصرار أمل said...

مانحتاجه أولا الثبــــات ؛؛؛
والتيقن من أننا على الحق وأن الله ناصرنا ؛؛؛
ثم عدم الالتفات نهائيا لمثل هذه المواقع ؛ لأنه _ وعن تجربتى _ اذا انشغلت بها ستظل مكتئبا فترة لا بأس بها ؛
مع أنه بامكانك فى هذه الفترة أن تعلى راية الحق فى ساحة أخرى فى نفس الميدان ...
جزاك الله خيرا على هذه التذكرة ؛؛؛
ولا حرمك الأجر ...

semsem said...

حسبى الله ونعم الوكيل

فعلا عندك حق افضل شى مقاطعه الامواقع دى

only spot said...

حسبى الله ونعم الوكيل
اخى جزاك الله خيرا على البوست وبالفعل احسن حل ان الواحد يتجاهل تلك المواقع لانى حاولت فى فتره انى اوضحلهم صورة الاسلام الصحيح لكنى اكتئبت حقا بالرغم انى لو كنت تجاهلتهم كان افضل لى
تحياتى

m_elmenofy said...

eجزاك الله خيرا على التدوينة الجميلة ديه
ربنا يجعله فى ميزان حسناتك
طرحت قضية مهمة جدا و كمان وضحت حلها ربنا يتقبل منك و ينفع بمدونتك الاسلام و المسلمين
جزاك الله خيرا

الدبور said...

اتفق معك في كلمه قلتها يا ياسر
وجزاك الله خيرا

yasmina said...

الله يعطيك العافية
ويثبت كلامك

فعلا المقاطعة افضل من الجدال العقيم

mo'men mohamed said...

جزاك الله كل خير
بس انت نسيت
{ وأعدوا لهم ما أستطعتم من قوة ومن رباط الخيل }

يبقى كمان لازم نتعلم شغل الهاكر وإختراق المواقع عشان نقضى على حاجة زى دى
السلام عليكم

القادم من الريف said...

السلا م عليكم


احسن حل الاهمال
هم نكر ات فى الدنيا والاخره ومعظمهم ختم الله على سمعهم وبصر هم غشا وه

فلا نعطيهم شان وهم بلا شان
تحيا تى

Mirage said...

عازف الناى

طيب انا مش فاهم فين المشكلة

انا مغلطتش خالص لا فى الحجاب ولا فى الدين الاسلامى

فين المشكلة ؟

بحب الحرية said...

فعلا مع حضرتك حق .. داأقل دور ممكن نقوم به ..
وأهمها في نظري هي الثقافة المضادة ..

ربنا يكرمك ..

عازف الناى said...

Mirage
بتسأل فين المشكله؟؟؟؟؟؟؟؟؟؟؟
لا مفيش مشكله
انت لو ليك فعلا علاقه بهذا الشكل استر صاحبتها
وليس هناك داعى لذكر السرير وارتداء الحجاب
وتخيل لو شاب مسلم على علاقه من هذا النوع مع فتاه مسيحيه كنت هتفرح اذا ذكر الصليب مقترن بالسرير

اعتذر للاخ ياسر عن الكلام فى هذا الموضوع فى مدونته
واعتذر لكل الاخوه المسحيين الذين نحترمهم ويحترمونا

مسـتنـية الفـرج said...

زمان من حوالي سنه ونصف او اكتر كنت بدخل البالتوك بشكل مستمر
وكنت مشرفه في عدة غرف
وكان في غرفه كنت ادخها زائره تدعوا الي الاسلام
وبالمقابل كانت هناك غرفه تدعوا الي المسيحيه
دخلتها مرتان او ثلاث
وصدقا
وجدت ان كما قلت " لابد ان نعرض عنهم"
فالافتراءات والاكاذيب والنكات سيئه جدا
والمسلمين الاغبياء الذين يدخلون لا يفعلون شىء سوى السب بافظع الالفاظ وهو محرما شرعا اصلا؛ فقد اوجعه ان يسمع عن السيده عائشة اتهاما او حرفا فأخذ يسب ويلعن الكل؛ وهو خطأ
الي جانب ان تلك الامور تثير الشكوك والتساؤلات ؛ وغير مستبعد زعزعة العقيدة
وهنا مكمن الخطر
رغم ان كل شىء يقولوه يوجد عليه ردود
الا انه مع ضعف الثقافة المنتشره ؛تحدث الكوارث.

فعلا لابد من هجرة تلك المواقع والاماكن وتركها لأهل الخبره؛ خصوصا انهم يقذفون افتراءات ويزيفون الحقائق ولا يتناقشون نقاش الباحث عن الحقيقة

نـــــــازك الملائكة said...

السلام عليكم ورحمة الله وبركاته
صراحة بعد ما قريت الكلام دا كله ..ما توصلتش لحل مقنع ..المفروض الدور اللى علينا ولا على دولة اساسا ولا على الازهر اللى بيطلعوا فتاوى ولا على المجتمع الاسلامى باسره
كل واحد يعمل دوره الدولة اتخلت بمسؤليتها على الازهر واحنا كمان بحجة انهم احسن مننا في معرفة التفاصيل بالدين والحكم بالافتاءات هم ادرى
بس لو كل اسرة ربيت ابنائها على اسس صح ما كنتش خلت بنت مسلمة تبنى علاقة بواحد من غير ملتها واساسها حراام
انا شايفاه دورنا ان احنا نزود تقافتنا بدينا الاول ونتكلم بيه لو حد اعترضه موقف او موقع يدافع عنه ويرد الافتراءات باحترام الملل الاخرى وبدون اهانة ليهم ولا لينا ..وانك لن تهدى الاحبة والله يهدى من يشاء
ادعولهم بالهداية

و القادم....أجمل said...

جزاك الله خيرا
فعلا دا المفروض نعمله
لأننا فعلا ممكن نكون بننشر المواقع دي
تحياتي وتقديري

The Manager said...

كلامك سليم بصراحة

اعداء الإسلام خصوص الملاحدة كتروا شوية وعلينا اننا مش نسيبهم كدة ونفتح لهم الباب

إللى بيغيظك قوى ان الناس بتحبهم اكمنهم اعداء للنظام ايضاً

زى ما بعض الإخوان بيطالبوا بالإفراج على كريم إللى هو اعلن إلحاده وسب الذات الإلهية وسب مقدسات إسلامية تانية

لكن اكمنه سب مبارك كمان يبقى لازم نحبه !!! ونظالب بالإفراج عنه !!!

موضوعك مهم جدا جدا ووعد بالبدأ فيه حالا :)

جزاك الله عنى خيرا

محمد شمس الدين said...

ربنا يجعله فى ميزان حسناتك
وهي قضية من نتاج زمن العولمة لذلك سيظل الحل الأوحد في المجابهة هو نشر الإسلام بصورته الصحيحة من خلال مثل هذه المدونات النيرة
ربنا يتقبل منك و ينفع بمدونتك الاسلام و المسلمين

عيلة و عايزة افهم said...

حلول رائعة و يجب أن تنفذ

جزاك الله خيراً

mazagat said...

رائع يا ياسر


وخطوات عملية تمام


تحياتي يا صديقي



... مزاجات

مريم said...

النت مليان بلاوى واحنا فعلا لازم نتجاهلهم
ونكتب عندنا بقى اللى احنا عايزينه
عشان انا دايما شوف ان فى ناس بتحب تخبط عشان تلفت النظر ويبقى حوار طرشان

تخاريف said...

تمام....

جزاك الله كل خير

اسلام رفاعى said...

ياسر جزاكم الله خيرا على التنبيهات دى بس لازم ندرك ان زى مافى الخير لازم يبقى فى الشر ونا اعتقد اننا ايه المشكلة لو دخلنا على هذه المدونات والمواقع وكان عندنا الوعى الكامل ان احنا نرد ونناقش ونوضح لاأعتقد ان فيها مشكلة

طـعـمـة said...

الغريب يا أخي الكريم إن نادرا لما تلاقي حد بيشتم في اليهودية أو المسيحية
لكن غالبا تلاقيهم بيشتموا في الإسلام
حتى العلمانيين إللي مالهموش دين أصلا
مالهومش شغلة ولا مشغلة غير سب الإسلام
ومافتكرش إن فيه حد ذكر البوذية أو الهندوسية بسوء !!!!

بس نرجع ونقول :
" إن الله لا يغير ما بقوم حتى يُغيروا ما بأنفسهم "

نصيحة باقولها لنفسي قبل ما اقولها لغيري
علينا باتباع سنة المصطفى في كل شيء
حتى في الجزئية دي
الرسول اتسب واتهان واتهم في عرضه
ماردش
كان كل همه توصيل الدعوة وبس
ونجح فعلا بفضل من الله

ياريت إحنا كمسلمين يكون كل همنا إصلاح أنفسنا وتوصيل الإسلام الصحيح للغير
ونسد ودانا عن اي شيء تاني

الله المستعان

نسرين - أمة الله said...

السلام عليكم
انت فينك مفيش حاجه جديده

نسرين - أمة الله said...

السلام عليكم
انت فينك مفيش حاجه جديده

بحب الحق said...

ماشاء الله

تذكرة ممهمة اوووووى فعلا

جزاكم الله خيرا

وفى انتظار الجديد :)

ياسر سليم said...

السلام عليكم

أشكر كل من علق على هذه التدوينة

وانا أعتذر عن عدم الرد على تعليقات هذه التدوينة .. بالرغم من انى متابع لها أولاً بأول

ولكنى أرى انى قد قلت ما أراه فى الموضوع

وأشكر لكل من أضاف على الخطوات العملية خطوات أخرى

والأهم من القول العمل

وفقنى الله وإياكم لنصرة ديننا الإسلامى

غمض عينيك said...

اوافقك وبشده
جزاك الله خيرا

محمد سمير

Anonymous said...

بصراحة ومن غير زعل انا استغربت لما لقيت ردود غريبة جدا استفزتني وخاصة كلام معين. ياجماعة الموضوع كله نصيحة وتحذير مش مجرد كلام مش ان كل واحد يوصف ايه اللي بيحصل وبطريقة مش حية احنا متأكدين ان الاسلام عمره ماكان ضعيف ولا هيكون سواء بينا او بغيرنا لان الموضوع محسوم لان ربنا هوه اللي صاين الاسلام ووصانا ان احنا نحافظ عليه وعارفين كمان ان من ايام الرسول عليه الصلاة والسلام ان الاسلام والمسلمين والرسل وكل الانبياء اتعرضوا للاذي تبقي المشكلة فينا احنا ,احنا مش عارفين نحافظ علي دينا يبقي ليه بنلوم الباقيين؟
تقدروا تقولولي كلكم ليه المسلمين في نزاع وحروب وبلاوي وهما مسلمين؟
باختصار لان مفيش تطبيق ولا حفاظ ع الدين
ادعو من الله عز وجل ان يكون كلامي مفهوم وادعوه ان يهدينا دائما لأقوم الطرق
اللهم امين