Monday, July 16, 2007

مثلث الرعب



الفقر
-
الجهل
-
المرض
-
عند إجتماعهم فى بلد أو دولة معينة فهذه الدولة تستحق لقب متخلفة بجدارة
وفى الفترة الأخيرة احتلت مصر مرتبة متقدمة بين الدول المتخلفة وبجدارة
فإذا تكلمنا عن الفقر فى مصر .. فحدث ولا حرج
والجهل .. فإنتشاره واضح حتى بين المتعلمين .. نعم هناك الكثير من المتعلمين على قدر عالى من الجهل
أما بالنسبة للمرض .. فكل شىء من حولنا يجلب الأمراض
و الذى استفزنى وجعلنى اكتب فى هذا الموضوع .. هو رسالة جاءتنى على بريدى الإليكترونى وسأترككم معها

-
-
إضغط على الصورة لتكبير حجمها





أنا لن أعلق عليها .. وأترك التعليق لكم
لأن كل جزء فيها يحتاج إلى تدوينة خاصة بها .. بداية من كتابة الآية القرآنية خاطئة .. إلى التحدث عن الشخص الذى قام بكتابة هذة الورقة بخط يده ثم طوعت له نفسه أن ينشرها
ولم تكن هذه أولى الرسائل .. فكمية الأحاديث غير الصحيحة المنتشرة بين الإيميلات وفى الرسائل لا تعد .. ولا يكتفى من يرسلها بأن يرسلها فقط .. إنما يستحلفك بالله ان ترسلها لكل من تعرفة .. ثم يحسب لك كم الحسنات التى سوف تنالها من وراء إرسال هذه الرسالة .. وبحسن نية لا يتأخر من تأتى له الرسالة أن يرسلها لمن يعرفة وهكذا .. إلى ان تصل لى وعندها يحترق دمى حزناً على شباب المسلمين المتعلمين الجاهلين

80 comments:

علاء said...

ياسر

ده موضوع التجمع ياريت أشوف رأيك

المدوّن خانة

ده كود دعوة المشاركة
ياريت تنشره على قد ما تقدر ربنا يكرمك عشان ناخد رأي أكبر عدد من الناس
http://www.fileupyours.com/files/112522/code.txt

همسة قلم said...

في الحقيقة لا انتبه لتلك الرسائل فأقوم بمسحها لا اعادة ارسالها لأحد لأني اعرف واثق تمام الثقة انها لا تعدو كونها رسائل مفتعلة وغير صحيحة

وللاسف الشديد ده الحال في مواجهة اى امر يحدث للامة الاسلامية خرافات خزعبلات وللاسف كتير بيصدق الكلام ده

المسألة دي محتاجة وقفة بجد

انا من اهوى ومن اهوى انا said...

ياسر:

بحييك يا اخى على نشر الوضوع دا وخصوصا ان فعلا موضوع الرسائل والاحاديث المغلوطه انتشر بشكل رهيب جدا

انت عارف المشكله فين ان بجد كلنا منعرفش ومش عارفين ومادرسناش علم حديث يعنى لانعرف دا صحيح ولا ضعيف ولا غلط ولا ايه بالظبط وبنقبل اى شىء زى ماهو من غير مان نفكر فيه ولا نعرف بجد المعلومه دى صح ولا غلط ، سيبنا نفسنا للأحلام والرؤيا وتركنا النصوص القرأنيه الصحيحه والسنه ، احنا نستاهل اللى بيحصل لنا

تحياتى

The Manager said...

الفقر
الجهل
المرض
فعلا تفشوا فى المجتمع المصري جامد
محدش ينكر كدة

وكلنا مشتركين فى سبب المشاكل دي
مش واحد لوحده

موضوعك خطير فعلا
وانا مش عارف اعمل إيه فيه غير انى انصح إللى قدامي وكل واحد ينصح إللى حواليه او اهل بيته حتى

او يخلي باله من نفسه ومش ينشر جهله بره

دا يبقى اسمه جهل مركب .. لأنه جاهل ومش عارف انه جاهل بيجهل جهله كمان

انما الفقر لو والواحد عامل إللى عليه يبقى إرادة ربنا

والمرض كذلك

دى وجهة نظري

tota said...

بجد موضوع مستفز وبيقابل الكثير منا
خصوصا نوعيه الرسائل اللي بتقول لو نشرتها حتحصلك مفجأه خلال عشره ايام ولومانشرتهاش هتموت ومعرفش هيحصلك ايه؟؟
بجد تحس بقدر المأساه التي نحياها
احييك
سلامي

ولــــــــــو said...

الناس بقت فاضيه
وبسبب ده بيتفننوا ف انهم يألفوا حكايات ومعجزات وكرامات والمشكله ان فيه ناس بتصدق
ايه اللي المسلمين هايستفيدوه ان واحد مات خلاص يعني العالم الاسلامي هايهب من غفوته
وبعدين مين قال انه مات اصلا
لاحول ولا قوه الا بالله

النجمة الصامدة said...

مع همسة قلم


جزاكم الله خيرا

عصفور المدينة said...

ليه مثلث ده هو ضلع واحد الجهل
كفاية يودي في داهية
أنا كنت فاكر أن هذه البدع انتهت اقصد من حيث الكتابة بخط اليد وأنها ظهر بدل منها ال إس إم إس والإيميل والتصوير والطباعة

بس فيه ناس مصممة ترتكب الجهل على طريقته الأصلية
وتذكرت حديث النبي صلى الله عليه وسلم أن قبيلة دوس ستعبد صنم ذي الخلصة قرب قيام الساعة

وهو صنم كان لهم في الجاهلية فكنت أقول في نفسي يعني يضيق بالجاهل أو الشيطان الذي يوسوس له أن يبتكر طرقاجديدة!!
سبحان الله وهذه من سنن الله

اطمئن أخي لقد زادت حصانة الناس ضد هذه الأخبار العاطفية ولا نحتاج لزيادة إيماننا إلى مثل هذه الفرقعات ولا يشككنا في ديننا أن يعيش الذين امتهنوا القرآن منعمين ثم يكون حسابهم عند الله

Monzer said...

ياسر باشا سليم
هاكلم براحتى بس بعدين شوية كده :)

بس الاول عاوز أشكرك على تضامنك مع الجيزاوى ومعتز
جواكم الله خيرا

Mirage said...

هو انا مش شايف اى حجة من الرسالة

بس اتفق معاك ان احنا كل مادا بنتنيل اكتر واكتر من حيث الفقر والجهل والمرض

ياسر سليم said...

بشمهندس علاء

تشرفت بأن يكون تعليقى هو اول تعليق على المدون خانة

وان شاء الله اساعد

بس من غير توزيع ورق :)

ياسر سليم said...

همسة قلم

واللى حضرتك بتعملية ده هو الصح

تجاهل هذه الرسائل تماماً

وبالنسبة للوقفة فقد بدأتها

وأرجوا من الجميع المشاركة فيها

ياسر سليم said...

انا من اهوى ومن اهوى انا

الشاعر محمد فوزى

ما هو الصح بقه حاجه من الاتنين

لو انا فعلا نيتى انى عايز انشر الحديث

اتأكد من صحته بنفسى وهناك مواقع مختصه بذلك

او لو انا مش فاضى أتأكد من صحتة يبقى أتجاهل الرسالة ولا اعيد نشرها

ياسر سليم said...

the manager

كلامك فية شىء من الصحة

بالنسبة للفقر والمرض

لكن الكلام ده لو انته عايش فى مجتمع بيوفر كل حاجه للمواطنين .. رعايه صحية و مستوى معقول من الدخل

لكن يبقى 95 % من المجتمع محروم من مستوى معيشة محترم

يبقى دى بلد متخلفة

وهى اللى بتجلب (بعد الله) لمواطنيها الفقر والمرض

بالرغم ان فى بلاد تانية موفره مواطنيها كل وسائل الراحة ومستوى معيشة كويس

ياسر سليم said...

tota

ياريت بس على كده

ده فى رسائل فى أولها بيخليكى تقسمى بالله العظيم

وبعد كده يرغبك فى نشرها ويقولك لو ما نشرتهاش انته الخسران وهضيع عليك ثواب اد كده

وللأسف تلاقى واحد ما عندهوش حد ادنى من الثقافة الدينية وقاعد على النت ولما يقابله حاجه زى كده من هتكلفه اى حاجة وهياخد عليها ثواب عظيم

فيروح باعتها لكل اللى يعرفهم

ياسر سليم said...

ولـــو

دى مثال لكم الرسائل اللى بتجيلى

مش عارف والله

انا مستهدف ولا ايه

بيجيلى رسايل من ملحدين

ومسلمين متخلفين

ياسر سليم said...

النجمة الصامدة

وجزاكم

ياسر سليم said...

عصفور المدنية

المثلث هو الفقر والجهل والمرض

والجهل هو ضلع من المثلث

وانا سميته مثلث الرعب

وفعلاً من الحاجات اللى تخلى الذهن يشت .. مين هو الشخص اللى كتب ورقه زى دى

وايه هى اهدافه

ونواياه

وهل هو مسلم ؟

واسئله كثيرة تدور فى ذهنى

لكن يبقى العيب على المجتمع الذى لا يوعى افراده
يبقى العيب على الأسرة التى لا تربى اولادها
يبقى العيب على الشخص الجاهل الذى لا يبذل مجهوداً لكى يتعلم

ياسر سليم said...

monzer

نورت المدونة

وبعدين يا بنى انا ما عملتش حاجة

هتلاقى يادوب بس الدولة شمت خبر انى عرفت وزعلت من حاجه زى كده

راحوا طلعوه علطول

وعملوا كده مع منعم ..

لما فكرت احط صورته عندى .. جالى خبر انه طلع

دولة بتخاف ما تختشيش

ياسر سليم said...

mirage

لو ضغط على الصورة

حجمها هيكبر وتعرف تقراها

Anonymous said...

لما تكون في عالم ملهوش حيطان مافيش مراقبه الا علي الحق عين المراقبه تترك الخزعبلات تسلك مجراها حيث تشاء فما القصه في الاول والاخير غير ان نبحر في ظل غوم الظلام رغم عن انوفنا ولكن انا لله وانا اليه راجعون

هاني جابر said...

فعلا هذا هو الجهل بعينه
حصلت كتير معايا
واحد يدلي ورقة زي ديه ويكون وزعها علي الناس
والناس تجري عشان تصورها وتوزعها
بس علي فكرة غلطتنا احنا
لازم نوعي الناس ديه كويس
عارف اصلا الحاجات ديه من المخطط الصهيوني
عشان يخلي المسلمين تفتكر ان الدين مجرد ورق بيتوزع

هاني جابر said...

علي فكرة انا سعدت جدا
بمقابلتك يوم الاحد
وياريت تتكرر تاني
إني احبك في الله

أمــانــى said...

المثلث ده اقوى من مثلث برامودا واشد خطر منه

والله شئ فى غاية الاستفزاز
مش عارفه ايه الهدف منه ولا هو وجع قلب وخلاص
فى طفلة بتجى عندى الشغل جابت الورقة زى دى فقالتلى يبقى يا مس صوريها قولتلها لالالا
قالتلى ليه يا مس انتى مش قرايت اللى مكتوب فيها قولتلها قرايت ومش هأصورها تانى فهمتها واقتنعت وقولتلها لو جات فى ايدك بلاش تصوريها تانى
تحياتى لحضرتك
ومستينة البوست

Anonymous said...

اعتقد ان الحل مع الرسايل دول هو التجاهل و اننا نفهم و ننشر لمستخدمى الانترنت خطورتهم على الفكر العام لانهم بجد دليل على جهل فظيع
و جزاك الله خيرا

mo'men mohamed said...

مكانش فى داعى انك تكتب مثلث الرعب
ممكن تقول
دولة من أمتثل بها فهو يستحق لقب المتخلف بجدارة
(( مصر ))

ده حاجة
تانى حاجة يا سيدى بالنسبة للمكتوب فى الورقة دى فعلا شىء يبكى
وللأسف فى ناس مقتنعة بالكلام ده مهما تنصح و تكلم فيهم ولا فى الدماغ
حسبى الله ونعم الوكيل
الناس بقيت بتتمسك بالجهل تمسكا غريبا كانهم استأنسوه واصبح وليفهم
السلام عليكم

عازف الناى said...

الاخ ياسر
دى ولا مثلث برامودا
ضلع واحد يودى وراء الشمس
اما بالنسبه للورقه هى بدعه قديمه متخلفه تعتمد على العاطفه الدينيه ولها اشكالها المتعدده معتمده على الاحداث الجاريه

سكينة said...

هل مثلث الرعب متساوي الأضلاع؟؟ لا أظن هذا فزاوية الجهل هي الأوسع والأخطر فأحيانا يكون الفقر والمرض مرققات للقلوب ومبعدات للإنسان عن الفتن فرب ضارة نافعة إلا الجهل قاتله الله فهو يلهيك عن مزايا مرضك وأنه درجات إن صبرت واحتسبت ويضاعف من أثر فقرك فلا تستطيع تدبر أمرك
ومعك حق أسوأ جهل هو جهل أشباه المتعلمين

رينـــــــــــا said...

لآ حول ولا قوة الا بالله
نفسى الناس يكون عندها ثقه فى الله اكبر من كدا
يعنى كلمتين على ورق هما اللى هيخلوا احلامنا تتحقق
ان لله وان اليه راجعون
انا الموضوع دا بيستفزنى جدا
ربنا يهدينا ويهديهم

المجاهدة said...

للأسف منتشرة جدا جدا الحاجات دي!

بس اصلاً فيه حاجة... يعني حتة صيغة البتاعة دي لو حد فكر شوية هيلاقيها غلط جدا

الاية مش صح
طريقة الكتابة مريبة شوية... عاوزين يخلوها اسلامية و خلاص

لو كانوا اكتفو بخبر انه مات محروق.. كان هيبقى ماشى

لكن انهم يقولوا الحكومة بتتكتم

و الاخبار اللي تجيب الشلل ان واحدة حلمت و الي هينشر هيتبسط اربع ايام
اشمعني اربعة صحيح!!!
و الي مش هينشر هتخسر تجارته و بطيخ كده غريب بيحبو ينقلوه


الحاجات دي بتبقى واضحة جدا صدقها من عدمه
و للاسف انها منتشرة و الناس بطلت تفكر بقليل من العقل!


اعتقد ان دورنا لا يقتصر بس اننا نعمل دليت للرسايل دي
احنا ممكن نعمل كوبي لليستة بتاعت الناس الي اتبعتتلهم الرسالة دي قبلي
و ابعتلهم كلام محترم بطريقةو كويسة يتقبلوها ان الكلام ده لا اساس له من الصحة
و نطلب من كل حد يوصله الكلام ده يبعته لبقية الناس... عشان من رأي منكراً يغيره

مش مجرد مسحها من عندي

بن توفيق said...

انت جمعت 3 حاجات .. هما سبب التخلف وسبب الرجعية اللى احنا فيها


:(

mariam said...

مش عارفه اعلق
انا بيجيلى ايميلات كتيره بالحال ده
و فى رأيي للأسف ان الناس دى
شايفه الدين بشكل سطحى جدا
و فى رأيي انهم بيسيئوا للأسلام اكتر من افادته
انا لما بشوف حاجه زى كده
بمسحها قبل ما اقراها
و الحمد لله مش بيحصلى حاجه
لأن الأسلام مش كده

تحياتى

صاحب البوابــة said...

بالفعل شئ يحزن للغاية

تلك الرسائل تجعلني اغضب كثيراً

تحياتي عزيزي

Anonymous said...

أرجو رأيك في هذا الموضوع
http://yakut.blogspot.com/2007/07/blog-post_893.html

نـــــــور said...

فعلا معاك حق ! مثلث رعب مميت كمان

أما عن الورقة دي فبجد انا بحسبن على الي بينشر خزعبلات زي دي وهيا كتير جدا للاسف .. ربنا يهديهم يارب

احنا مش ناقصين تخلف

وربنا يبارك في قلمك ، كلما دخلت هنا اضيف إلى معلوماتي الكثير .. فجزاك الله خيرا

wahed said...

للاسف هذه الايام فيه تدين ينقصه الثقافه وكمان تدين الايام دي بيكون في المسجد فقط لكن خارج المسجد يكدب وينافق ويسرق ,المهم عندي تكون فيه ثقافه في الدين وليس الصلاة والصوم فقط عشان كده تلاقي ان فيه ناس كتيره بتخدع بهذا الكلام اللي في هذه الورقه

بجد بوست في منتهي الروعه وديما بوستاتك كده احييك علي قلمك المبدع

اسلام رفاعى said...

ياسر هو احنا متخلفين من شوية

ياسر سليم said...

انسان

حقاًً

إنا لله وإنا إليه راجعون

ياسر سليم said...

هانى جبر

عندك حق فيما قلته

وادينى بدأت توعية اهوه

ياريت كلنا بجد نعمل حاجة

وانا كمان سعدت بمقابلتك

واحبك الله الذى احببتنى فيه

ياسر سليم said...

أمانى

بنت الجنوب

عندك حق .. انه اخطر من مثلث برمودا

واحنا فعلاً لازم نبدأ بتوعية الناس اللى حوالينا

وتحياتى لحضرتك

_____________
بوست ايه اللى حضرتك مستنياه ؟

ياسر سليم said...

مريم

دى طبعاً خطوة إيجابية

وياريت كلنا نبدأ فيها

وأدينى قلت يا هادى وعايز كلكم تمدوا معايا الأيادى

وجزاكم

ياسر سليم said...

مؤمن اللى بيتكلم فى الممنوع

تختلف المصطلحات ونتفق المفاهيم

أما بالنسبة للأشخاص اللى بينشروا فهما ممكن يكونوا بيعملوا كده بنية طيبة

وانهم عايزين يعملوا حاجه لدينهم

بس للأسف ما لقوش اللى يوجههم صح

ياسر سليم said...

عازف الناى

كيفك اخى الكريم

شوفت صورتى يا عم عند منذر (حين البأس) اللى مشردنا ؟

وبالنسبة للورقه فهى فعلاً تختلف فى ما تحتويه ولكن تتفق فى تخلفها وجهلها

ياسر سليم said...

سكينة

حمدلله على السلامة

بقالى كتير ما استمتعتش بتعليقاتك المتميزة

عندك حق فى اللى بتقولية

هو ليس متساوى الأضلاع

ياسر سليم said...

رينـــا

الموضوع ده مش بيستفزك انتى لوحدك

دا انا ببقى عايز اشوف اللى باعتلى الإيميل واخنقه


يارب يهدى الجميع

ياسر سليم said...

المجاهدة

ما انا بقول ان كل حاجه فى الرسالة دى عايز تدوينة لوحدها

وفعلاً موضوع اننا نعمل فورود للناس اللى اتبعتلهم دى خطوه ايجابية فعلاً

بس ياريت كلنا نشارك فى مقاومة حاجه زى كده

ياسر سليم said...

بن توفيق

امال انا مسميهم مثلث الرعب ليه ؟

ما هو عشان كده

ياسر سليم said...

mariam

انا مش بس بيجيلى

دا انا مش مرحوم من الإيميلات دى

بأشكال وألوان مختلفة

وهما فعلاً كده على رأى المثل

جه يكحلها عماها

تحياتى

ياسر سليم said...

صاحب البوابة

نورت التعليقات

والرسايل دى بتخليك تغضب

انا بقه بتحرقلى دمى

وبترفعلى الضغط

ياسر سليم said...

نــــور

كلماتك وسام على صدرى

اعتز بها

وحقاً نحن لا نملك إلا ان ندعوا لهم بالهداية

ياسر سليم said...

wahed

شكراً على هذه الكلمات الجميلة فى حقى

وأرجوا ان اكون دائماً عند حسن الظن

وحقاً الدين ليس صوماً وصلاة فقط

الدين اكبر وأشمل من ذلك بكثير

ياسر سليم said...

اسلام رفاعى

لاء من شوية

من كتير يا اسلام

rana 3amra said...

يا نهار اسود يا جدعان

ايه الهم اللى احنا فيه دة

يالهوى انا فضلت متنحة كتير اوى

بس اللهم صلى ع النبى انت بدل ما تبعتها ل خمسة عشرين واحد بعتها لمصر كلها
:)))))))))))))))

yasmina said...

عارف انا صرت اسمع كثير حكايات غريبة فعلا
لما بدهم يعملو شي بس بيصوروا انه من الاسلام او الرسول وهو لا يمت له بشيء

حقيقة كل هذه التفاهات لا اصدقها واعتبرها اهانة بداية لنا كمسلمين اذا ما ادخلنا الرسول في مثل هذه التفاهات وفي احلام رجل لا ندري من هو

فعلا الجهل هو قمة التخلف

الشهيد الحي said...

السلام عليكم
احب ابلغك شكر اخي الجيزاوي

علي سؤالك عليه

وللتواصل معي eltaeb_2@yahoo.com

semsem said...

تخلف بعيد عنك

ربنا برحمنا اصل احنا ناقصين هبل

كل ما نطلع من مصيبه نقع فى اكبر


اه يانى

ياسر سليم said...

rana 3amra

تقريباً دى أول مرة تعلقى هنا

منورة يا مواليد 91

وانا لما بحطها عندى هنا .. بحطها عشان احذر منها

وما اظنش ان واحد هقرى الكلام اللى انا كاتبه دا
وبعدين ينشرها تانى

ياسر سليم said...

yasmina

للأسف دى مش أول مره توصلى حاجة زى كده

دا بتوصلى كتير وبأشكال مختلفة

يعنى العالم دى عندها الجهل اشكال وألوان

ياسر سليم said...

الشهيد الحى

شكراً على ايميلك

بس ياريت لو تدينى ايميل الهوت ميل
عشان انا ماليش فى الياهوو

تحياتى يا فندم ليك وللجيزاوى

ياسر سليم said...

semsem

مش حاجة فعلاً تحرق الدم !؟

ربنا يهدى الجميع

صاحب البوابــة said...

اعتذر عن التحليق خارج السرب

لكنني أريد رأيكم للأهمية في آخر موضوع لي

بعنوان

شكــر وإعتــذار

تحياتي

دكتور حر said...

سلاماتي

طنش يا كبيييير

كل الحاجات دي لا يزيدها أهمية إلا حديثنا عنها

لكن ربنا يهدي ونحاول ننشر معلومات مضاده لكل ما ينشر
والله المستعان

طـعـمـة said...

والله يا أخي الكريم احنا تعبنا مع الناس دول
إللي بينشروا معلومات وأحاجيث لا أساس لها من الصحة
لدرجة إن أخ لينا - جزاه الله خير الجزاء - عملموقع علشان يرد على الافتراءات دي كلها وسماه : فتبينوا

http://www.bab-albahr.com/internet_lies/index.htm

والله المستعان

mazagat said...

موضوع جيد ياسر

وبالنسبة لحكاية الورقة

فهذا من قمة الجهل عندنا وما على شاكلتها من هذا الورق


نسأل الله أن يعافينا من مثلث الرعب




... مزاجات

gohayna said...

والله الي بيحصل دا عشان ضعف الايمان

عشان خلاص بقينا بنمسك في اي حاجه

زي موضوع الشجره المباركه
والشيخ ذات الانوار

دا برضه مثال
عب مدي التخلف الي وصلناله

تسلم ايدك علي موضوعك الشيق دا

وبعتذر لتاخيري

تحياتي ليك

مدونه انا بحبك يا مصر said...

حزبى الله ونعمه الوكيل البلد وصلت الى هذة الدرجه
احمد الجيزاوى

omar مشروع بطل said...

انا الموضوع ده لوحده شفته فى ورقة وشفته على النت وشفته فى رسالة محمول وايميل و كذا واحد قالهولى ؟؟

طب ما كان اولى ان اسرائيل تباد بالواريخ او ان المحاصرين فى حماس ينزل عليهم اكل من السما او اللى بيحفروا تحت الأقصى تنزل عليهم طير ابابيل !!!

يا اخونا انتهى العصر ده .. الدين ده مش هينصر الا باهله لما يرجعوله .. انه لن يعز أخر هذه الأمة الا بما عز بها أولها ..

ربنا يحفظ مصر وسائر بلاد المسلمين

ياسر سليم said...

صاحب البوابة


ولا يهمك


وعلقنا يا فندم


انته بس تأمر

ياسر سليم said...

دكتور حر

ما هو ده الغرض من انى بنشرها

ان احنا نشوفلها حل

وان احنا نوعى الناس

تحياتى ليك يا كبير

ياسر سليم said...

طعمة

مش حضرتك لوحدك اللى تعبتى

انا عندى جروب على الياهوو

وبعت للجروب تحذيرات كتيره وللأسف كأنى بدن فى مالطا

وانا قابلنى موقع فتبينوا

دخلتوا

شكراً على الإهتمام والتعليق

ياسر سليم said...

مزاجات

يارب

وزى ما اخوانا المدونين قالوا

ان اخطر ضلع فى المثلث هو الجهل

ربنا يعافينا

تحياتى

ياسر سليم said...

gohayna

دا فعلاً ضعف ايمان

وجهل زائد عن الحد

اما بالنسبة لموضوع الشجرة المباركة ده ما فتش عليا وما اسمعتش عنه ولا الشيخ ذات الأنوار

ياريت تزودى معلوماتى فيه بعد اذنك

يعنى بيقولوا فيه ايه ؟

ياسر سليم said...

احمد باشا الجيزاوى

حزب الله .. دا بتاع لبنان ولا ايه ؟

ياسر سليم said...

مشروع بطل

شكراً على التعليق الجميل بتاعك ده

اللى ما فيش تعليق علية

ومنور ديما

اصرار أمل said...

ثلاثية متلازمة حقا ؛
لا يمكننا التنبؤ بأن أحدها دون الآخر هو السبب فيما وصلنا اليه !!!!
ولكن ؛ لعل الجهل يظل الأكثر ألما بين هؤلاء ....
فالجهل هو الذى يجعل من شخص ما انسانا كهذا يلجأ الى ورقة كهذه ؛
والجهل المركب أن يجد من يصدقه !!!!
فلنتــــــــعلم ؛
فهذا سلاحنا الأبقى ؛؛؛
موضوع قيم جداااا
جزاك الله خيرااااا

فن الحياة said...



السلام عليكم ورحمة الله اخي في الله ياسر سليم
فعلا مثلث الرعب .. ومصر الحاجة الوحيدة المتفوقة فيها هي الثلاث حاجات دول ..

بالنسبة للورقة التي وصلتكم .. هي وصلتني انا كمان .. بس تم حذفها ..
وكل ئلي يبعتهالك او يبعتلك حاجه غلط .. اعمل
Reply All
والواحد يكتب النصيحة لوجه الله :)

ويضغط Send
ستصل لكل من وصلته هذه الرسالة .. لحد ما توصل لاول واحد عملها
واظن والله اعلم انه بيكون من غير المسلمين .. كاليهود او النصاري .. بيتسلوا علينا ياعني .. وطبعا في ناس مش فاهمة .. او سنها لسة صغير .. او لسه جديدة على النت وعندها ايمال جديد .. بتفرح بالايمال ئلي هايبعته للناس لكن مش فاهم هو بيبعت ئيه

فاظن ان replay All
حل من الحلول ئلي ممكن الواحد يساعد بيها .. وهاتوصل للاغلب الناس ئلي ارتكبت الغلط


وجزاكم الله كل خير ..
اخوكم

ياسر سليم said...

اصرار أمل

حقاً

الجهل من أصعب المشكلات فى المجتمع

وقال أحد المدونين المعلقين .. ان مثلث الرعب ده كده مثلث مش متساوى الأضلاع

لأن ضلع الجهل ده اكبر ضلع

ياسر سليم said...

فن الحياة

لحقت تعلق .. قبل ما نقفل باب التعليق

والحل اللى انته بتقوله صح

بس للأسف تلاقيى اللى بيوصله الرساله دى والرسالة بتاعتك ..

يبعت الرسالة دى وما يبعتش بتاعتك

يعنى انته كده عملت اللى عليك .. بس اللى بيوصله رسالتك ما بيعملهاش فورورد

بس والله انا اتبسطت من الإيجابية بتاعتك
ربنا يكرمك ويتقبل

غمض عينيك said...

والله يا ياسر صورة الرسالة اللي انت حاططها دي هي نموذج للجهل والتخلف اللي احنا بنعاني منه
ناس دماغها تعبانة والادهى ان ناس كتير بتوزعها وبتنشرها فعلا

ربنا المستعان على اللي احنا فيه

تحياتي ليك
محمد سمير

شقاوة شعب said...

صلاة النبى أحسن .......
بقى الراجل اتحرق هو وعيلته
والسلطات الدانماركية مخبية ووكالات الانباء مخبية
والشعب الدانمراكى كله مخبى

أومال سيادته عرف منين؟؟