Monday, March 31, 2008

عودة لأرض الوطن



بعد تجربة دامت 4 شهور فى المملكة العربية السعودية وهى مدة كبيرة جداً اذا كانت التأشيرة للزيارة .. ومدة صغيرة جداً اذا كانت للعمل والإقامة
عدت إلى ارض الوطن وكلى حنين وشوق
عدت لأرى فارقاً شاسعاً بين المعيشة هنا والعيش هناك

وبالرغم انى لم اكن هناك للإقامة ولكنى تأقلمت بعض الشىء على العيش هناك .. فلم تكن هذه التجربة يوماً او يومين بل كانت 150 يوما .. تعلمت فى هذه الأيام الكثير والكثير وصدق الامام الشافعى حين قال



ما في المَقامِ لِذي عَقلٍ وَذي أَدَبِ مِن راحَةٍ فَدَعِ الأَوطانَ وَاِغتَرِبِ


سافِر تَجِد عِوَضاً عَمَّن تُفارِقُهُ وَاِنصَب فَإِنَّ لَذيذَ العَيشِ في النَصَبِ


إِنّي رَأَيتُ وُقوفَ الماءِ يُفسِدُهُ إِن ساحَ طابَ وَإِن لَم يَجرِ لَم يَطِبِ


وَالأُسدُ لَولا فِراقُ الأَرضِ مااِفتَرَسَت وَالسَهمُ لَولا فِراقُ القَوسِ لَم يُصِبِ


وَالشَمسُ لَو وَقَفَت في الفُلكِ دائِمَةً لَمَلَّها الناسُ مِن عُجمٍ وَمِن عَرَبِ


وَالتِبرُ كَالتُربِ مُلقىً في أَماكِنِهِ وَالعودُ في أَرضِهِ نَوعٌ مِنَ الحَطَبِ


فَإِن تَغَرَّبَ هَذا عَزَّ مَطلَبُهُ وَإِن تَغَرَّبَ ذاكَ عَزَّ كَالذَهَبِ
-------

عدت وأول ما رأيت ودهشت من الفرق الشاسع بين مطار الدمام الذى منه غادرت ومطار القاهرة الذى إليه وصلت من حيث الإمكانيات والمعاملة ومهما وصفت فلن اكون دقيقاً فى وصفي فلابد ان ترى بنفسك

خرجت من المطار لأجد الاختلاف الشديد بين الطرق فى مصر وطرق السعودية وسيارات مصر وسيارات السعودية .. حقاً لابد من هذه الفروق فدخل يوم واحد من بترول المملكة يكفى لإطعام مواطنى السعودية أرز لمدة عام كامل

ولكن عندما وصلت مدينتى لم يكن الإختلاف فى الطرق والسيارات فحسب ولكن فى المحلات التى تسمع الآذان ولا تغلق ابوابها كما يحدث فى السعودية .. حتى وان لم يصلى من يعمل بالمحل .. يغلق على نفسه المحل وقت الصلاة .. ليس هذا فحسب .. فقد تعودت على اللباس الاسود للحريم .. حتى وان كان هذا اللباس غير موافق لمن ترتديه او بمعنى اخر ربما هى ترتديه على غير اقتناع ولكنها فى النهاية ترتديه

وفى مصر الكثير والكثير من يمشى رجليه .. على عكس هناك .. فنادراً ما تجد فرداً يستخدم رجليه للمشى .. وغير ذلك من الاختلافات الكثيرة التى لاأذكرها لأبين جمال السعودية عن مصر .. ولكن اختلافات تستدعى التأمل

وبجانب هذه الاختلافات التى تلفت الانتباه .. فهناك اختلافات ايضاً تستدعى التعجب فى الشعب السعودى .. فهناك مهن ووظائف لاتجد سعودى يعمل بها .. وجنسيات اخرى هى التى تؤدى هذه المهنة .. فقبل مجيئى بأيام وجدت على قناة فضائية حلقة فى برنامج يتحدث عن مجموعة من الشباب السعودي تنازلوا وقبلوا ان يعملوا طباخين فى احد الفنادق الخمس نجوم وعملوا معهم لقاء صحفى واخذوا رأى الشارع السعودى فى هذه السابقة التى لأول مرة تحدث فى تاريخ السعودية

وغيرها من الوظائف التى يعتبرها السعوديين لاتليق بالمقام السعودي

فغالبية السعوديين عندما يفكروا ان يحصلوا على الدكتوراة .. يتجهوا إلى تخصص الادارة .. لأن السعودى خلق ليكون مديراً

ولا تتعجب اذا ذهبت الى السعودية ولم تقابل سعودياً .. فمن يعمل فى المطعم لبنانياً ومن يعمل على الكاشير ويحاسبك مصرياً ومن تشترى منه احتياجاتك هندياً ومن تشترى منه الخبز افغانياً ومن يكنس الشارع من بنجلاديش

سلامات يا مملكة من أرض الكنانة

19 comments:

دكتور حر said...

حمدالله عالسلامة يا عم ياسر

عودا حميدا
وربنا يوفقك ان شاء الله

radwa said...

بجد؟؟
حمدالله على سلامة حضرتك
بإنتظار جديد المدونه

عصفور المدينة said...

حمدا لله على سلامتك

بالله المستعان > رؤية said...

ياسر الف حمد الله علي السلامه
يالا عايزينك تنزلنا بوستاتك اللي افتقدناها

ياسر عايزه اقولك ان مش ديما اللي بنالفه هو الصح

الاجمل ان الحد يقفل محله ويروح يصلي عشان هو عايز يعمل كدا ... مش عشان هو مفروض عليه من القانون انه يعمل كدا

الاجمل اني البس اللبس اللي بيناسبني وبيتاسب اسلوب حياتي مدام بتنطبق فيه الشروط الحجاب ... مش اني اطبق سنه بشكل اجباري

اختيارتنا هي ما تجعلنا مختلفين حقا


وحمد الله ع السلامه مره تاني

HelSiNg said...

حمد الله على السلامة

وحلوة الروح اللى فى السعودية دى

انك تلاقى من كل بلد وكل لون

مش فاهم فيها ايه

عشان مش بيشتغلوا بايديهم

عنهم ما اشتغلوا

يعنى اللى اشتغلوا خدوا ايه

وتحيا مصر

ana ga3an said...

يا عم مش تقول انك كنت هناك كنا عملنا معاك الواجب
امال لو كنت روحت الرياض كنت قلت اية
بس الدمام جميلة ووجودها علي البحر مديها تميز

انا بقالي سنة هناك
حقيقي مش عارف ازاي هاقدر اعيش في مصر تاني
يالا تتعوض في زيارتك الجاية

محمد شمس الدين said...

حمد الله عـ السلامة يا كبير

:)

semsem said...

الف الف حمدا على السلامه

radwa said...

هو حضرتك سافرت ولا ايه ؟؟

ايموشن واحد بيشد فى شعره

بالله المستعان > رؤية said...

شكلك سافرت تاني

Anonymous said...

ربنا يوفقك يياسر ويكتبلك الخير ديما وينور طريقك ياصاحب أرقي المدونات

Anonymous said...

ربنا يوفقك يياسر ويكتبلك الخير ديما وينور طريقك ياصاحب أرقي المدونات
سنة اولي دكتوراه

Anonymous said...

و يا ترى ده صح و لا غلط ؟؟

اسلوب الحياه هناك

و مش عارفه ليه حاسه ان البوست ناقصه او فى افكار مش اتقالت فيها ؟؟؟

او ممكن اكون انا بصيت للموضوع بعد مما هو اصلا

اوعى تفكر said...

اوعى تفكر فى الفرق بين مصر واى دوله تانيه
انت فى مصر
اكيييييد هتتعب

أحمد سعيد بسيوني said...

بسم الله
مها يكن
تبقى مصر ام الدنيا
يا حبيبتي يا مصر .. يا مصر
تحياتي

ولــــــــــو said...

حمدالله على السلامة مصر نورت
بس من اولها كده
ليه كل اللي يسافر يرجع مش عاجبه البلد
بس والله انت عندك حق دا اللي فيها من سنين برده مش عاجباهم

ربنا المستعان
بلدنا مش هاتتغير الا بيك وبيا
شد حيلك بقى علشان البلد محتاجه شغل كتير لحد ما تتظبط

Anonymous said...

the base 4 change is:
START FROM UR SELF
it gonna 2 b effective in our world specially it deedly need it
isa kol haga htkon ahsen elmohm nekon 3yzeen fe3lan ne3ml haga
rabna m3ana
سنة اولي دكتوراه

Hannoda said...

كل بلد جميل قوي فعين ولاده
وكل بلد مش جميل قد بلدي

يمكن أسافر و يعجبني العجب
و أتمتع بالركوب و التسوق و السكن و المرتب و الفسح

ومش بس كده
ألاقيني أ ُعامل كإنسان .. كرامتى متصانة و شأني مرفوع

بس كله إلا شده نفس تملى القلب ودمعة فرحة طالعة من عمق عمق العين

دول مش في حتة غير هناك

في بلدي
اللي فيها الغلبان يتهان
و بيوتها مالهاش بيبان
ولا الكرامة و العزة فيها حاجات تتصان

بس كله إلا الا هواها اللي بيعرف يتصاحب ع النفَس
فتلاقيه مالي صدرك براحة

مش بنرتاحها إلا هناك

وحشِتْني

Habib said...

أخي الحبيب ياسر .. عودا حميدا .. عجبتني جدا الكلمات اللي كتبتها عن المميزات اللي في السعودية .. من حيث الحجاب واغلاق المحلات ساعة الصلاة .. لكن بصراحة ما عجبتنيش جملة واحدة ( وغير ذلك من الاختلافات الكثيرة التى لاأذكرها لأبين جمال السعودية عن مصر ) .. الحقيقة إن كل بلد حلوة بأهلها .. أنا هنا في الامارات .. بالرغم من التقدم اللي هنا في دبي وجميع الامارات .. والحدائق والمتنزهات .. لكن بصراحة البلد هنا جافة بلا روح .. وأظن دول الخليج كلها نفس الشكل .. بعكس مصر بروحها وأهلها الطيبين

المهم .. الف سلامة ياسر الحبيب وإن شاء الله ننتظرك هنا بء في دبي الزيارة القادمة : )