Wednesday, June 6, 2007

فاشل ... ولن أتوقف

بعد تيقنى من فشلى الذريع فى كتابة الزجل .. ونصح الكثير لى بأن اتوقف وأن ارحم من فى الأرض لكى يرحمنى من
فى السماء .. وبعد تجارب كثيرة فاشلة
فإنى قررت ألا اتوقف وان أستمر مهما كانت التضحيات

ومن انتقدنى فسأكتب فيه هجاء

قل موتوا بغيظكم

فإن مات فسأكتب له رثاء


وكفانى فخراً أن المهندس وحيد الدهشان جبر بخاطرى مرة ونشرلى فى افاق عربية من عامين وقال لى
الصديق ياسر سليم تعال لنا كل يوم (ده أسم الزجل ) التى كتبتها تنم عن إستعداد للسير على درب الأدب
وقال لى فى النهاية : ونتمنى لك مزيداً من التوفيق فى أعمالك المقبلة



فكتبت لمدونتى .. التى مهما كتبت لها وعنها فلن تمل منى وستقول هل من مزيد !؟



أخيرا هجمع ورقى وحجاتى
وفـ مكان واحد هحط كتباتى
مش هتفرق مين يقرا ومين لاء
مش هيفرق خصمى من اخواتى
مش هيفرق مين عجبه ومين طق
أنا هكتب
ولازم اسيب بصماتى
وعشان كده
وبالشكل ده
أنا هبقى مدوناتى
واللى عايز يفتكرنى بكام كلمة
بعد مماتى
يفتح النت ويقرا تدويناتى
واللى فيها زى ما انا مسميها
كلماتى
واللى يزورها كأنه زارنى فى بيتى
أهلا بيه
وخالص تحياتى
at

49 comments:

  1. اسلام صديقJune 6, 2007 at 1:26 PM

    مين قال ان انت فاشل

    ده زجلك رائع جدا ومعبر وفي احساس عالي


    ولايهمك كل العظماء
    كانوا كده ف الاول

    ReplyDelete
  2. رينـــــــــــاJune 6, 2007 at 2:24 PM

    امممممممممممممممممممممم
    دا انت بئا بتمنع العين عنك :D:D:D:D

    لا بجد جميل مش وحش خالص
    استمر يابنى
    وادينى مستحملين
    قصدى
    ادينا مستتقلين
    قصدى
    ادينا مستمتعين :D:D:D:D

    ReplyDelete
  3. أسوورJune 6, 2007 at 2:28 PM

    الزجل اللى انت كاتبه كويس
    ممكن بقى نشوف الزجل اللى قالولك عليه انه وحش
    وسموك فاشل بسببه

    تحياتى

    ReplyDelete
  4. اسماء العريــانJune 6, 2007 at 3:32 PM

    جميل :)

    ReplyDelete
  5. قلمي الحرJune 6, 2007 at 6:02 PM

    السلام عليكم
    اولاشكراعلى زيارتك مدونتي ،وجبرت
    بخاطري ،واتمني تكون عجبتك
    ثانيا ..اكتب ولا يهمك ،الزجلل كان والشعر ، دي حاجة بتعبر عنك وعن نفسك وانت لك مطلقالحرية فيأنك تقولها وتخرجها..غير أن فعلا اللي انت كتبه حلو..استمر
    يبقي زور مدونتي لو مش هيضايقك ،بس المرة دي علق عشان يهمني رأيك مش تجبر بخاطري وبس

    ReplyDelete
  6. MirageJune 7, 2007 at 12:55 AM

    طيب مانت كويس قوى اهو

    ايه موضوع الفشل ده

    دانت كلامك يوزن الدماغ

    :)

    ReplyDelete
  7. نسرين - أمة اللهJune 7, 2007 at 12:57 AM

    السلام عليكم
    ليه ده كله لولا اختلاف الازواق لبار الزجل ههههههههههههه
    يا عم اكتب اللى انت عايزه ولو معجبكش تعليق حد كأنك مشوفتهوش
    وانا بقى الفتره ديه متفرجه قصدى معلقه فقط يعنى مش حكتب حاجه

    ReplyDelete
  8. نسرين - أمة اللهJune 7, 2007 at 1:03 AM

    ايوه صح ومن دون الافلام كلها تتفرج
    الأرض .. الزوجة الثانية .. إحنا بتوع الأتوبيس .. الكرنك .. شىء من الخوف
    فى ايه

    ReplyDelete
  9. ياسر سليمJune 7, 2007 at 1:51 AM

    اسلام صديق

    ياريت واحد بس اللى قال .. بس بصراحة هما ما بيقولوش انى فاشل كده فى وشى .. ولكن تعبيرات الوجة تفضح ..

    والظاهر ان حضرتك بس حساس زياده عن اللزوم فحسيت بيا :)

    وياريت الكل يفهم بقه زيك كده ان كل العظماء كانوا كده فى الأول

    ReplyDelete
  10. ياسر سليمJune 7, 2007 at 1:54 AM

    رينـــا

    بالظبط كده .. وبالذات عنيكى .. :P

    يعنى اخيرا لقيت حد هيستحملى ..

    طيب انتوا اللى حكمتوا اهوه ... استحملوا بقه ..

    والجايات اكتر من الريحات

    ReplyDelete
  11. ياسر سليمJune 7, 2007 at 1:59 AM

    ياسمين

    أولا نورتى المدونة ..

    يعنى اخد على الزجل بتاعى ده كده كام من عشره ؟

    ومن ناحية انك تشوفى الزجل اللى قالوا عليه وحش فيارب ما تشوفيش وحش

    وان شاء الله اوعدك انها ما تبقاش اخر مره وهنزل على المدونة زجل تانى وثالث ولحد ما انتوا اللى تزهقوا

    ReplyDelete
  12. ياسر سليمJune 7, 2007 at 2:01 AM

    الأخت اسماء

    لتانى مرة تعلقى بكلمة واحدة أو كلمتين ..

    عايزين نشوف رأيك وتعليقك على ما يكتب ..

    مش هنقول بإستفاضة .. لكن لو يزيدوا كمان خمس كلمات ما ابقاش طماع

    تحياتى

    ReplyDelete
  13. ياسر سليمJune 7, 2007 at 2:04 AM

    قلمك الحر

    دا انا اللى اشكر حضرتك بجبران خاطرى وزيارة المدونة المتواضعة دى

    وان شاء الله ما تكونش اخر زيارة ليا فى مدونتك ..

    وهعلق لحد ما انتى اللى تقوليلى كفاية كده ..

    وبالنسبة للزجل .. انا فعلاً مهما حصل ان شاء الله هكتب ومش هبطل ومش هسيب القلم :)

    تحياتى

    ReplyDelete
  14. ياسر سليمJune 7, 2007 at 2:07 AM

    mirage

    روح قول بقة للناس اللى بتطلع عليا اشاعات ..

    الواحد يبقى قاعد فى مكانه وتلاقية يطلع عليه كلام واشاعات ..

    وبدال كلامى يوزن الدماغ .. كل ما تحب توزن دماغك تعالى على المدونة علطول ..

    ReplyDelete
  15. ياسر سليمJune 7, 2007 at 2:13 AM

    الأخت نسرين

    ياريت التعليق كلام يتقرى وخلاص

    المشكلة فى التعليقات المباشرة ..
    اسد ودانى ولا اعمل ايه بس :(

    وبدال الفترة دى معلقة فقط ياريت ديما ألاقى تعليقاتك منورانى ديما ..

    ومن ناحية الأفلام ..

    فأنا مش فاكر اخر مره اتفرجت فيها على فيلم كامل امتى ؟
    مده كبيـــــــــــــــره
    وبالنسبة للأفلام دى فدول ممكن تقولى اتفرجت عليهم كاملين .. ولو عرفت ان واحد فيهم شغال هتفرج عليه تانى ..

    ولو حضرتك خدتى بالك هتلاقيهم كلهم مشتركين فى حاجه ..
    حزرى فزرى هى ايه ؟

    ReplyDelete
  16. جهاد خالدJune 7, 2007 at 7:36 AM

    ضارب بكلام الناس حيطة
    ولا همك مين يعمل هيصة وزيطة
    ماشي في طريقك
    مادد تعابيرك
    ومظبط اخر تظبيطة

    أنا احب الناس الجدعان
    تتبهدل وتقول كمان
    كده هتوصل باذن الرحمن
    اذا كان كده فاشل ؟؟؟ ربنا يزيدك فشل كمان وكمان


    هههههههه

    والسلااااااااااام

    ReplyDelete
  17. أخـــ مسلمة ـــتJune 7, 2007 at 11:40 AM

    جميل جدا

    استمر

    ReplyDelete
  18. ياسر سليمJune 8, 2007 at 12:15 AM

    اخنى الكريمة : النجمة الصامدة

    اعمل ايه فى كلام الناس
    والناس مش عندها احساس
    بيحبطوا ..
    يضربوا بالفاس

    وانا قلت انا همشى فى طريقى
    واللى ما عاجبه ما يبقى صديقى

    ReplyDelete
  19. ياسر سليمJune 8, 2007 at 12:18 AM

    أخت مسلمة

    جزاكم الله خيرا على المرور

    وانشاء الله هستمر مهما كانت الصعوبات والإحباطات

    ReplyDelete
  20. tonaJune 8, 2007 at 2:15 AM

    اكتب

    حتي لو محاولاتك كانت في البدايه ضعيفه

    اكيد هيجي وقت واسلوبك هيتتطور وينضج

    بس خليك فاكر




    من حقك تكتب
    من حق الناس تقول رايها
    من حقك تقبله
    من حقك ترفضه

    ReplyDelete
  21. FadFadAJune 8, 2007 at 5:43 AM

    ياسر
    زجلك عجبني
    و اصرارك عجبني جدا جدا
    فعلا , مش مهم الناس بتقول إيه أد ما أنا عايز إيه
    و لا إيه ؟
    محمد

    ReplyDelete
  22. مشروع انسانJune 8, 2007 at 6:00 AM

    مين قالك بس انك مش كويس سيبك من الكلام ده بس خلى بالك من القافية شوية لازم الكلام يبقى موزون وربنا يسهلك وتبقى شاعر كبير

    ReplyDelete
  23. المجاهدةJune 8, 2007 at 7:01 AM

    :)
    جميلة ماشاء الله و معبرة... الجميل فيها انها سلسلة في كلماتها و معانيها
    :)


    بالنسبة للكتابة... مش مهم ان حضرتك تكتب عشان تلاقي ترحيب من حد.. اهم حاجة تبقى كتابة مفيدة:)
    سواء للي هيقراها.. و دي اهم حاجة.. عشان كتاباتنا تبقى في ميزان حسناتنا

    او تبقى مفيدة لينا احنا.. اننا ننفس بعض الشئ من الي جوانا
    :)

    ف اياً كان الي حضرتك بتكتبه.. اكيد بينفس قليل عن الي جواك.. و ده في حد ذاته شئ طيب
    :)

    ربنا يكرمك و يفتح عليك

    ReplyDelete
  24. ياسر سليمJune 8, 2007 at 7:29 AM

    tona
    شكرا على المرور
    وانا الحمد لله مع الإستمرار مستوايا بقه احسن كتير من الأول ..
    ومن ناحية انى ارفض او اقبل
    فأنا اى حد بيحبطنى بتجاهله ..
    واى حد بيشجنى يبقى حبيبى وصاحبى :)

    ReplyDelete
  25. ياسر سليمJune 8, 2007 at 7:31 AM

    محمد fadfada

    أولا شكرا على الزيارة

    وربنا يكرمك ويرفع من روحك المعنوية

    اما من ناحية الإصرار فأنا مهما قابلنى إحباط ما بتفرقش معايا .. ماشى فى الطريق ..

    لا تقلق

    ReplyDelete
  26. ياسر سليمJune 8, 2007 at 7:33 AM

    امام الجيل

    نورت المدونة ..

    وربنا يكرمك ويرفع من روحك المعدنية

    وانا الحمد لله اتحسنت كتير عن الاول ..
    وان شاء الله مستوايا يبقى احسن كمان سبع سنين من اكتر :)

    تحياتى لك

    ReplyDelete
  27. ياسر سليمJune 8, 2007 at 7:36 AM

    الأخت الكريمة : المجاهدة
    نورتى ..
    وانا لما بكتب زجل بشتغل فى السهل الممتنع :)
    ومن ناحيى الترحيب .. فأنا مش قصدى على الترحيب انا قصدى على التشجيع والإحباط ..
    فى ناس بتحبط قبل ما تسمع اى حاجه .. ما تعرفيش بيبقى عندهم عقدة ولا إيه ..
    والواحد بيحاول ان ديما يجدد النيه فى اللى بيكتبه ..
    وربنا يتقبل :)

    ReplyDelete
  28. •«ρяoιd»•™June 8, 2007 at 8:46 AM

    شوف يا ياسر

    مش من حق حد انه يقول لحد مش تكتب او تكتب

    انا مقتنع داخلياً إن الكلام اللي بيطلع من القلب بيوصل للقلب بدون اي حواجز

    لا تستمع لأحد

    طالما انك واثق في قدراتك و في احساسك

    استمر

    تحياتي

    ReplyDelete
  29. yasminaJune 8, 2007 at 1:14 PM

    زجلك حلو يا ياسر
    لازم تكون واثق اكثر من كلامك
    ما دام خرج من قلبك ومن بنات افكارك اذا هو ملكك وصنيعك

    اهنئك واشجعك والى الامام

    ReplyDelete
  30. سكينةJune 8, 2007 at 2:26 PM

    سيبك من مماتي واكتب ربنا يكرمك عن حياتي
    في مماتي سأخلو فقط مع ذاتي وعندها لن تنفعني كلماتي
    وكنا عجبنا مين من بداية السجلات
    امض أخي ودع عنك المهاترات
    :)
    شفت أديني مش بخاف أهجص براحتي امال احنا سايبن الدنيا وطالعين الفضاء ليه مش عشان نرتاح منهم

    ReplyDelete
  31. cleopatraJune 9, 2007 at 1:35 AM

    السلام عليكم ورحمه الله وبركاته

    أبيات جميله .. ومعبرة جدا :) وانت مش فشل ولا حاجه ... وحتي لو كنت فأحنا هنتحمل :D

    ReplyDelete
  32. غمض عينيكJune 9, 2007 at 2:05 AM

    بجد خالص تحياتي
    ايه ياعم الكلام الجامد اللطيف اوي ده
    مدونتك لذيذة اوي
    اول زيارة ومش الاخيرة

    سلام
    محمد سمير

    ReplyDelete
  33. شروق الشوافJune 9, 2007 at 3:44 AM

    :)

    استمر دائما

    ReplyDelete
  34. ياسر سليمJune 9, 2007 at 9:38 AM

    •«ρяoιd»•™

    كلامك صحيح ممكن نقول 100 %

    ومن ناحية انى لا أستمع لأحد .. فلا تقلق .. أنا ما بسمعش إلا للى بيشجع .. وبس :)

    وإن شاء الله سأستمر

    ReplyDelete
  35. ياسر سليمJune 9, 2007 at 9:40 AM

    yasmina

    شكراً على قبول الدعوة .. ومجيئك إلى مدونتى المتواضعة ..

    وبدال عجبك كده .. خلاص بقه انا ممكن اخد مقلب فى نفسى ..

    شكراً على التهنئة والتشجيع ودمتم مشجعين :)

    تحياتى لكِ

    ReplyDelete
  36. ياسر سليمJune 9, 2007 at 9:43 AM

    سكينة

    هضحك الأول هههههههههههههههههههه

    ما تقلقيش مش كله على مماتى ..
    فى حياتى .. كل فتره كده هوريكوا مواهب ..
    وعلى رأى المثل الشعبى العظيم
    هجص تعيش تاكل قراقيش

    منوره ديما الفضاء بتاعى

    ReplyDelete
  37. ياسر سليمJune 9, 2007 at 9:44 AM

    cleopatra

    وعليكم السلام ورحمة الله وبركاته

    ربنا يخليكِ ويبارك فيكِ وديما كده تجبرى بخاطر الناس الغلابه اللى زييى ..

    وكويس انى لاقيت الناس اللى تستحملنى :)

    تحياتى

    ReplyDelete
  38. ياسر سليمJune 9, 2007 at 9:46 AM

    غمض عنيك

    نورت المدونة ..

    ربنا يخليك ويكرم أصلك ده من ذوقك يا استاذ محمد ..

    ويارب ديما اكون عند حسن ظنك

    جزاكم الله خيرا على المرور

    ReplyDelete
  39. ياسر سليمJune 9, 2007 at 9:47 AM

    الأخت شروق الشواف

    نورتى المدونة ..

    وإن شاء الله هستمر ومش هبطل .. مش هسيب .. بس هسافر ان شاء الله :)

    ReplyDelete
  40. AnonymousJune 9, 2007 at 10:46 AM

    اه والله دا حلو اوي
    زي ما رينا قالت بيمنع العين :))

    ReplyDelete
  41. AnonymousJune 9, 2007 at 11:02 AM

    " فاشل ولن تتوقف "
    دليل قوي على انك انسان ناجح في حياتك ومتفائل وطموح
    اصرارك وعزيمتك نعمة كبيرة فاحمد الله عليها وأساله أن يديمها عليك وعلينا
    جميعاً
    أتمنى لك المزيد من التوفيق والنجاح
    ولا تحرمنا من كلماتك البسيطة والمعبرة سواء كانت في صورة زجل او نثر او غيره

    .::. عابر سبيل .::.

    ReplyDelete
  42. ياسر سليمJune 9, 2007 at 12:41 PM

    أروى الطويل

    نورتى المدونة ..
    وما تحلفيش .. مصدقك من غير حلفان :)

    ويعدين ما انتى شايفه عين رينا عاملة ازاى .. فكان لازم اخد بالى :D

    ReplyDelete
  43. ياسر سليمJune 9, 2007 at 12:44 PM

    عابر سبيل
    أولا مرحباً بك فى المدونة ..
    وإن كانت اول مرة يارب ما تكون اخر مرة ..
    وحضرتك استنتجت الكلام ده كله من كلمتين ..
    يارب اكون عند حسن ظنك ..

    وإن شاء الله فى زجل قريب هيزل ..

    ReplyDelete
  44. منة اللهJune 9, 2007 at 1:37 PM

    ياسر سليم


    ادعوك للمشاركة في استفتاء اكثر 10 مدونات تاثيرا في قرائها

    عل مدونتك تكون واحدة منهم

    اليك الرابط

    http://www.6ef.blogspot.com/

    ReplyDelete
  45. §a§aJune 9, 2007 at 2:52 PM

    السلام عليكم

    جميل جدا وحتى لو فى فشل مفيش حد بيتعلم بدون فشل

    بجد المدونه جميله لسه هاخد فيها لفه كدا تانى ان شاء الله

    ReplyDelete
  46. ياسر سليمJune 10, 2007 at 1:30 AM

    منة الله

    شكرأ على الدعوة إن شاء الله سأشارك ..

    وغالباً لن اكون واحدة منهم لأنى حديث العهد بالتدوين ..

    جزاكِ الله خيراً

    ReplyDelete
  47. ياسر سليمJune 10, 2007 at 1:31 AM

    sasa

    نورت المدونة ..

    كلامك سليم 100 % ..

    وتيجى فى أى وقت وتلف فى المدونة براحتك خالص .. وما حدش يقدر يكلم معاك .. قولهم ان انته تبعى بس ..

    ReplyDelete
  48. انا من اهوى ومن اهوى اناJune 12, 2007 at 5:52 AM

    ياسر :

    فاشل ولن اتوقف نفس الكلمه اللى قلتها لنفسى بعد ما اتقالتلى كلمه فاشل دى ييجى ربعميت مرة وازعل ويتقالى يا فاشل يا فاشل وازعل تانى ويتقالى يا فاشل بتزعل من كلمه فاشل طب يا فاشل يا فاشل وهكذا سيل من الاحباط رمى بى من على جرف هار وانا اقاوم واقاوم ومازالت الكلمه تلازمنى ختى ظننت ان الله كتب على ان انادى فى الدنيا بكلمه فاـــــشل

    بس لو الكلمه دى هاتقوينا وتخلينا نقول ونكتب ونعافر يبقى اهلا بأى واحد يقول يا فاشل ياريت لو هالتتقالى كل ساعه كل دقيقه بس اكتب وافضفض اعبر وازجل وارثى وامدح واهجو شغال وايه المانع

    تعالى نعمل جمعيه اسمها جمعيه الادباء الفاشلون حتى الموت .
    وتحياتى

    محمد فوزى .

    ReplyDelete
  49. AnonymousJuly 22, 2007 at 9:24 AM

    ياسر صاحب أحلى كلام
    شاعر قيمه وشاب همام
    يكتب لينا كلام محسوب
    منه بنسرح وندوب دوب
    يللا يا شاعر علي الهمه
    واوعى تفكر غير في القمه
    ده انت حبيبنا وعينا عليك
    اكتب تاني الله يخليك


    حبيبي"ياسر"
    شرفت كثيراً بمعرفتكـ يوم المحاكمة العسكرية .
    وأسعدني بشدة حديثي معكـ ...

    تقبل كلماتي المتواضعة -تلك-
    ...و...
    ود

    ReplyDelete

اتكلم براحتك - تعليقك أكيد فيه إضافة .