بيعدى العمر وما نحسش بيه
رضينا أو لاء
ومن غير ليه
بتمر شهور .. وتمر سنين
تمر ساعات ومش حاسيين
جيل بيسلم للى وراه
وبيتنازل علـ معاه
غصبٍ عنه
مش برضاه
ناس بتموت من يوم موتها
كانت عايشة علشان قوتها
وفـ يوم موتها بيضيع صوتها
وناس بتعيش علشان فكرة
تحلم ديماً بأمل بكرة
مهما اتسجنوا
ومهما ادفنوا
بتخلدهم ديماً ذكرى
فرق كبير .. بين التفكير
واحد عايش علشان قرشه
وواحد عايش يربى فـ كرشه
وواحد عايش علشان كرسى
وواحد تانى بيقول نفسى
وغيره بيقول أرضى وطينى
وواحد بيقول وطنى ودينى
قصة بسيطة .. وفرق كبير
وما تحتارش فى التفكير
هى الدنيا يومين وتعدى
وزى ما خدنا .. لازم ندى
الكلام ده كبير
ReplyDeleteالكلام ده اوعى يكون الاخير
طب مانت زجال جامد جدا اهو
امال ايه يا عم التواضع ده
انت وصفت الدنيا بكل معانيها وكل افرادها
الاختلاف هو اللي مخلينا نستمر لغايه دلوقت والا كنا موتنا من الغل
بس برضه
مااستحق ان يولد من عاش لنفسه فقط
تحياتي
السلام عليكم
ReplyDeleteاشكر كل من تساءل عن غيابي
ووقف بجانبي في محنتي
تحياتي لكل شريف حر
السلام عليكم ورحمة الله وبركاته
ReplyDeleteكلام جميل ويحزن على حال بلدنا
وعلى العموم دول كلمتين كنت كتبتهم
وناوية احطهم باذن الله في مدونتي
اللهم انصر بنا الاسلام واعز المسلمين
بحبها ايوة بحبها
وبدوب في تراب ارضها
وبدمي اروي زرعها
وبروحي اطوف في جوهها
وما استحملش كلمة عنها
وهتعب واجاهد لحد ما اعزها
تقولوا متعصب تقولوا ارهابي
تقولوا اللي تقولوه
انا هفضل طول عمري اخواني
انا اخواني
اسجنوني عذبوني صفوني
هتلاقوا دمي اخواني
والسيف والمصحف عنواني
بتحاربوني ليه مضطهدينى ليه
اكمني اخواني
ولا اكمن اسلامي عنواني
سيبوني حر في بلادي
سيبوني اصلحها لاولادي
فساد وواضطهاد وكوسة
لحد ما خلتوها منكوسة
والفساد بقى هوة عنوانها
والحق بقى موضه قديمة في زمانها
ايوة انا اخواني
وهفضل طول عمري اخواني
و هعيش واموت لبلادي
دي هية كل مالي في حياتي
عايزينني اسيبكوا تفسدوا وتبردعوا
وتسرقوا وتنهبوا
لا والف لا
ولو حتي مت من الجهاد
يروح اخواني وييجي مليون الف اخواني
وبرضه هفضل طول عمري اخواني
أناااااااا أخواني
ماشاء الله يااخي الزجل حاجة ولا اروع
ReplyDeleteانا باحب اوي الشعر اللي من النوع ده مستنين منك اكتر
بدون تعليق :) :) :)
ReplyDelete(Y)
جميلة
ReplyDeleteماشاء الله زجل جميل فعلا ومعبر
ReplyDeleteربنا يبارك في قلم حضرتك ..
الحقيقة أنا أرسلت لحضرتك تاج ..
أتمنى تقبله:)
جميلة جدا
ReplyDeleteفعلا الحياة دي مرحلة قصيرة أوي
يا رب نعرف نعدي منها على خير علشان ربنا يسهلنا في المراحل اللى بعدها
و يا رب نكون من اللى بيعيشوا علشان دينهم و وطنهم و يموتوا من أجل أهدلفهم و فكرتهم السامية
جزاك الله خيرا على الأبيات الجميلة
ماشاء الله موهبة ممتازة
إلى الأمام
ولــو
ReplyDeleteمن تواضع لله رفعه
وبعدين انا اهوه بقول يا هادى ..
وبالنسبة للزجل اديك جبت من الاخر اهوه
مااستحق ان يولد من عاش لنفسه
ديما منورنى
صاحب البوابة
ReplyDeleteحمدلله على سلامتك
وعلى سلامة الوالد
وده كان أقل واجب
مسلمة
ReplyDeleteمنورة المدونة ..
وألف مبروك عليكى المدونة ويارب يجعلها فى ميزان حسناتك ..
بالنسبة لكلماتك .. فيها معانى جميلة .. بس عشان نعتبرها زجل عايزه إلتزام اكتر بالوزن .. وانا كنت ناوى اساعدك فى تضبيط الوزن ونطلعها على المستوى المطلوب .. بس انا دلوقتى فى فترة امتحانات .. لو تستنى كمان 10 ايام .. ان شاء الله اضبطلك الوزن بتاعها ..
لكن حضرتك محتاجة تقرى اكتر فى الشعر العامى والزجل وبإذن الله ده هيفرق معاكى كتير ..
وربنا يكرمك ويوفقك لما يحبه ويرضاه
عمرو المصرى
ReplyDeleteنورت المدونة ..
والف شكر على المرور الجميل ده ..
وان شاء الله كل فتره هنزل شعر عامى من اللى قلبك يحبة
ويارب ديما اكون عند حسن ظنك
فن الحياة
ReplyDeleteديما منور المدونة ..
ولية بس بدون تعليق ..
ابقى قولى اى تعليق ان شالله حتى تقول تعليق :)
تحياتى
sharm
ReplyDeleteديما منورنى ياباشا
وانته اللى أجمل ..
تحياتى
نــور
ReplyDeleteشكراً على الكلام الجميل ده ..
وربنا يباركلك .. ويارب تكونى خلصتى امتحانات على خير ..
وبالنسبة للتاج .. ان شاء الله أرد علية قريب
جزاكم الله خيراً
الحلم العربى
ReplyDeleteبصراحة ساعات بحس انى مش قادر ارد على الكلام المشجع ده ..
بحس ان التفكير عجز عن ايجاد الكلمات واليد توقفت عن الكتابه على الكيبورد وحالتى بقت صعبة خالص ..
فلن اجد غير
جزاكم الله خيراً
هي الدنيا يومين وتعدي
ReplyDeleteهي دي الحقيقة اللي كلنا مش حاسينها أو بننساها أو بنتناساها
الزجل المرة دي بجد جميل ومتسلسل
فضفضة جميلة أخي الحبيب
ReplyDeleteكلمات عامية بسيطة معبرة مفهومة
توصل فكرة
وتصحح فكر
تحياتى :)
ReplyDeleteكلامك رائع
كويسة الفكرة رغم انها مش جديدة
ReplyDeleteاما المعالجة بقى فمحتاجة منك شوية مجهود
تحياتى ليك
الاخ ياسر
ReplyDeleteجميله جدا جمله
ناس بتموت من يوم موتها
وقد توقفت عندها وقلت طيب ما كل الناس بتموت من يوم موتها ولكن سريعا ما تذكرت ان الموت نهايه جسد والاعمال والسيره الحسنه باقيه
لك تحياتى
جميل كالعاده في تعبيراتك
ReplyDeleteتحياتي
كالعادة ارفع القبعة لجمال كلامك الموزون
ReplyDeleteمن الاخر كلام جامد جدا وفعلا بيوصف الحياه بكل ما فيها
تحياتي ليك
محمد سمير
كلمات جميلة اوى
ReplyDeleteقليلة ومعناها قوى جدا
مبروك على المدونة الجديدة
حلوة القصيدة
ReplyDeleteبس مش رائعة
اعتقد اللى يكتب الكلام ده
يقدر يكتب احسن منه
الله المستعان
ReplyDeleteالبشمهندس : يا مراكبى
ReplyDeleteللأسف ..
ما هو الواحد كل مرة فى تقدم بقة ..
وان شاء الله المرة الجاية يبقى احسن من المرة دى
تحياتى
بهاء
ReplyDeleteجزاكم الله خيراً على المرور
وعلى هذه الكلمات الطيبة
تحياتى
ahmed_h
ReplyDeleteجزاكم الله خيراً على المرور
ويارب ديماً تنورنى كده وتسعدنى بتعلقياتك ..
تحياتى
عين ضيقة ..
ReplyDeleteنورتينى ..
بس للأسف انا مش فاهم قصدك ..
يعنى هنقول انى فهمت انها فكرة كويسة ومش جديدة ..
طيب حضرتك تقصدى ايه بالمعالجة ؟
يعنى كان الأفضل ان حضرتك توضحى اكتر .. تقصدى الوزن ولا القافية ولا الكلمات ولا ايه بالظبط ..!؟
اخى الجاهل
ReplyDeleteشكراً المتابعة وشكراً على التوقف ..
لك منى خالص تحياتى
انتظار مؤقت
ReplyDeleteشكراَ على المرور
وجزاكم الله خيراً على التعليق
غمض عنيك
ReplyDeleteكده برضه مش هتخلينى اعرف ارد على الكلام الكبير ده ..
بالراحة عليا عشان ما اخدش مقلب فى نفسى
barbie girl
ReplyDeleteاشكرك على الكلمات الجميلة دى
وانتى اتأخرتى على الإفتتاح ليه ؟
فاتتك الحاجة الساقعة
الوردة السمراء
ReplyDeleteشكراً على المرور ..
وانا حاولت ازور مدونتك بس للأسف كان بييجى كلام مش عربى خالص .. وكل ما احاول ما فيش فايدة
وانا مش عارف الكلام اللى انتى بتقوليه ده تقصدى بيه مدح ولا ذم ولا تشجيع ولا ايه بالظبط ..
عموما على كل حال متشكر .. وياريت لو فى نقد معين احب انك توجهولى
Arabian GiRl(caaaaat
ReplyDeleteاشكرك على المرور
وياريت يبقى فى تعليق ..
يعنى الحاجة اللى كتبتها دى حلوة وحشة اى كلام ..
وتحياتى
ويارب ديما تنورينا بتعليقاتك
بدايا شكرا علي تشجيعك ومرورك بمدونتي
ReplyDeleteانا اول مرة اعدي علي مدونتك
اسم المدونه حلو اوووي
حياتنا كلمات
وكلمات كلمات
ما اجملها من كلمات
كلمات متميزة
غبر باقي الكلمات
برااااافو
:D
وكلماتك كلمات
ReplyDeleteما اجملها من كلمات
كلمات متميزة
غبر باقي الكلمات
الشاعر ياسر سليم
ReplyDeleteقلبت في المدونة واخدت بالي من بوست كده قال ايه في ناس مش عاجبهم زجلك ومش عاوزينك تكمل فيه
طب يعني هما مقروش الجمال اللي انت كاتبه ده :
قصة بسيط وفرق كبير
وما تحتارش فى التفكير
هى الدنيا يومين وتعدى
زى ما خدنا لازم ندى
طبعا انا حزفت الواو في اول اخر بيت على سبيل الفزلكة الوزنية
سيبك منهم ياشاعر
كمل وربنا معاك
سلمت يداك
قصه بسيطه وفرق كبيــــــر
ReplyDeleteفعلا
هو قصه الصح والغلط قصه بسيطه جدا والفرق بينهم كبير جدا
مدونه رائعه
وكلام اروع
جميل قوى كلامك واهم حاجة فيه التسلسل وانك جبت الخلاصة فى الأخر
ReplyDeleteهى الدنيا يومين وتعدى
وزى ما خدنا .. لازم ندى
صح كدة وكمان عضبٍ عنه اكيد :) بجد لو الواحد فهم كلامك دة صح هيفلح إن شاء الله ويدخل الجنة
ربنا يجعلك يا اخى من اهلها ويبعدك عن النار
والبلوج بتاعك عجبنى جدا وواضح إنى إن شاء الله هبقى دائم الزيارة عندك ربنا يقدرنا بس :D
جزاك الله عنى خيرا
ياسر سليم :
ReplyDeleteبكل بساطه بتكتب بكل بساطه بنفهم كلامك جميل وليه هدف وبعد ماقريناة فهمنا الفرق الكبير ، عارف دا اللى انا بتكلم عنه شعر سهل خالى من العقد بيتكلم عننا وبيمسنا وبنلاقى جواة معانى مش شرط الوزن والقافيه واللعبكه تعالى شوف اغانى اليومين دول نفسى يا ياسر الناس تفهم كلامنا وتحس بكل حرف فيه جاى منين ورايح فين وتعبنا فى كتابته قد ايه يارب يوفقك انا فرحت جدا لما لقيت ان الناس بيتابعو وبيحبو يدخلو عندك دا شىء بجد اسعدنى وحسسنى اننا ممكن نوصل فى يوم من الايام ربنا معاك ومعانا
تحياتى بجد ومش مجرد مجامله والله على ما اقول شهيد .
محمد فوزى .
الله
ReplyDeleteجبت هموم الناس فى كام بيت
ربنا يعزك يا جميل
السلام عليكم
ReplyDeleteالكلام ده من الكشكول
انا حاخد الكشكول ده شويه
عارف لما بتقول هى الدنيا يومين وتعدى زى ما اخدنا لازم ندى
فكرتنى بواحده كان دايما تقول كله سلف ودين حتى المشى على الرجلين
الله المستعان
ReplyDeleteياترى كل لحظه عدت علينا
اكتبت لينا والا علينا
هو دا اللى المفروض نفكر فيه
كله محسوب
ومكتوب
ووقت الحساب
يكرم المرء او يهان
اللهم اجعل كل ما مر بنا لنا لا علينا
كلام جميل
جزاك الله خيرا
انا اراه تذكرة اكتر منه اى شىء تانى
وصلى كدا
زجل رائع
ReplyDeleteناس بتموت من يوم موتها
كانت عايشة علشان قوتها
وفـ يوم موتها بيضيع صوتها
وناس بتعيش علشان فكرة
تحلم ديماً بأمل بكرة
مهما اتسجنوا
ومهما ادفنوا
بتخلدهم ديماً ذكرى
كان عندى زجل كتبته فى بداية التدوين يحمل معنى مقارب
حول بقاء الفكرة حتى وان فنى الجسد
اذا كانت خالصة ونافعة وضحى من أجلها
بالله المستعان
ReplyDeleteنورتى المدونة ..
ويارب يديم الزيارات ..
ولو عاجبك اسم المدونة اتفضلى ..
فى كتير يعنى ..
ده اقل حاجه عندى :)
الشاعر : أحمد سلامة
ReplyDeleteنورت المدونة وخطوة سعيدة ..
بجد انا اعتز بالشهادة بتاعتك ..
راجل زجال كبير زيك كلمته وسام على صدرى ..
ربنا يكرمك .. ويارب ديما تنورنا بزيارتك
حراس الحقيقة
ReplyDeleteنورتى المدونة ..
وربنا يكرمك ويارب ديما تنورينى بتعلقياتك
تحياتى
the manager
ReplyDeleteنورت المدونة ..
وأسعدنى جداً تعليقك ..
ويارب ديماً تشرفنى يزياراتك
تحياتى
أخى محمد فوزى
ReplyDeleteانته ما تعرفش كلماتك دى اد ايه غالية عليا جداً .. وانا أعتز بيها .. ويارب ديما أكون عند حسن ظنك ..
تحياتى
mohamed
ReplyDeleteنورت المدونة ..
ويارب تكون عجبتك وما تكونش اخر زياره ..
وانا جيت ادخل مدونتك ما لقيتهاش .. لعل المانع خير !؟
تحياتى
نسرين - أمة الله
ReplyDeleteالاول حمدلله على سلامة الرجوع إلى التدوين ..
والكلام ده ما كانش لسه اتحط فى اى كشكول ..
ايوه .. اصل انا عندى كشاكيل .. مش واحد بس ..
ومش عارف والله انتى بتألسى لما بتقولى بتاع حتى المشى على الرجلين دى ولا هزار ولا ايه بالضبط !؟
عموما .. اى حاجه تيجى من حضرتك كويسة ..
تحياتى
رينــا .. كل ده وقت تسيبينا
ReplyDeleteحمدلله على السلامة .. وايه الكلام الجامد اللى بتقوليه ده .. يارب اجعل ما مر بنا لا علينا .. امين ..
واللى انا كاتبه .. كاتبه علشان يوصل .. مش مهم وصلك ازاى .. المهم انه وصل :)
تحياتى
الفجرية : الأخت اسماء
ReplyDeleteدى شهادة انا اعتز بيها من حد بيكتب زجل زى حضرتك .. لأن اللى يعرف يقدر بجد هو اللى بيعرف يكتب لأن اللى بيكتب هو اكتر واحد يتذوق ..
وانا بالفعل قرأت الزجل اللى كاتباه
وبالفعل فى تقارب فى المعنى ..
تحياتى
ندعوكم للمشاركة معنا فى
ReplyDelete( الملتقى )
ملتقى امدونين
ملتقى الافكاروالاراء
فى مدونة واحدة تجمع افكارنا
تسعدنا مشاركاتكم معنا
كلامك بجد كبير و ليه الف معنى و معنى و دايما رائع في تعبيراتك
ReplyDeleteتحياتي ليك
عندما تأخذني بساطةالتعابير
ReplyDeleteإلى حيث المقولة (أن النهضة قائمة بنا أو بغيرنا فلننل شرف قيامها على أكتافنا)
ساعتها أقول لكم اخي
جزاك ربي الجنة
إخوانى فى الملتقى
ReplyDeleteشكرأ على الدعوة
وتمت الزيارة
وبإذن الله سنشارك معكم
انتظار مؤقت
ReplyDeleteجزاكم الله خيرا على هذه الكلمات المشجعة والرائعة
دمتم مشجعين
النجمة الصامدة
ReplyDeleteحمدلله على السلامة والعودة الى المتابعة ..
وعندما تدعوا لى بالجنة ..
فإن لم ادعوا انا .. فسيكون هناك من يقول .. ولكِ مثله
سلام
ReplyDeleteانا اسفة اني برد متاخرة بس كان عندي ظروف
المهم
الزجل رائع يا ياسر
وانت جمعت الكثير في كلمات قليلة
وطبقت المقولة
خير الكلام ما قل ودل
تحياتي لك واستمر هكذا والى الامام
بصراحة
ReplyDeleteفعلاً سعيد بزيارتك لمدونتي
وسعيد أكتر بزيارتي لمدونتك القيمة
فعلاً انت تمتلك قريحة مبدعة ومبتكرة
وتمتلك ايضاً قلماً محترماً ومميزاً
أمتعتنا بإبداعاتك
أنا أكون سعيد جداً حينما اقابل من هم أصحاب فكر صادق اصحاب رؤية تستطيع التواصل معهم
قرأت مدونتك كاملة
وأنتظر المزيد من اعمالك خصوصاص من الشعر والزجل
دعوة لزيارة مدونة شاعر تستحق الزيارة
http://mosaiiic.blogspot.com/