Wednesday, June 20, 2007

ابعد عن التاج وغنيله



من أول ما بدأت تدوين وكل يوم بيعدى من غير ما يجيلى تاج كنت بشكر ربنا لأنى ماشى على المثل اللى بيقول

ابعد عن التاج وغنيله

لحد ما الدكتورة نور .. ظل قلم ورطتنى فى التاج ده فقلت أمرى لله

والتاج بصيغة المؤنث .. فأنا بعد إذنها هخليه بصيغة المذكر



إنت مين؟


أنا العبد السقيم من الخطايا

ده مشارى راشد كده


أنا ياسر سليم .. مصرى ..عندى 23 سنة .. كانت النشأة الأولى ليا فى السعودية لمدة خمس سنوات وبعدين رجعنا مصر وترعرعت فيها وقضيت سنتين من أسوأ ايام حياتى فى ليبيا فى مرحلة الإبتدائى وبعدين رجعنا مصر تانى عشان أترعرع فيها تانى لحد دلوقتى والصورة اللى انا حاطتها دى صورتى وانا صغير بلا فخر


مين أكثر 6 شخصيات بتحبهم ؟


ستة بس !؟

لاء دول لا يمكن عدهم على اصابع إيدى

ممكن إيدى وإيد حد كمان معايا

بس ممكن نقول سيدنا محمد صلى الله عليه وسلم رقم واحد

والصحابة والتابعين رقم إتنين

والإمام الشافعى والإمام حسن البنا والشيخ الشعراوى رقم تلاتة

والأهل والأقارب رقم اربعة

والأصدقاء رقم خمسة

وزوجات المستقبل رقم ستة


انت سعيد؟


ودى حاجة تزعلك !؟

بصراحة .. أنا مش فاكر أخر مرة كنت حزين فيها امتى


لو اجتمعت مع حسني مبارك في غرفة واحدة هتقوله ايه؟


وقعت ياريس ولا حدش سمى عليك


لو معاك مليون ونص هتعمل بيهم ايه؟


والله هو فى مشروع فى دماغى كده .. محتاج رأس مال محترم .. والمشروع ده هيبقى الغرض منه .. حل جزء من أزمة البطالة .. وزيادة كمية الإنتاج فى مصر .. وكام هدف كده كمان .. وبأرباح المشروع ده عايز اعمل كام مشروع تانى متفرع منه .. وليهم أهداف كبيرة برضة .. بس هما فين .. وأنا اعمل بيهم احلى شغل


بتحب مصر؟


اللى يروح ليبيا لازم يحب مصر


بتحب البنات؟


وهكرهم ليه بس


إنتي مسلمة؟


لاء .. مسلم


وليه؟


عشان انا ذكر .. والذكر بيبقى مسلم مش مسلمة


ايه أكثر موقف محرج اتعرضت ليه؟


اكثر موقف محرج ما افتكرهوش .. لو كنت قلت موقف وخلاص كنت قلتلك اى موقف محرج

واتصرفتي ازاي؟


هنرجع تانى للهجه دى .. وبعدين انا ما قلتش اى موقف اساسا .. إيه أتصرفت واتصرفتى دى بقة


إيه الامنية اللي بتدعي ربنا انه يحققها ليك؟


هو من ناحية الأمانى فهى كتيره جداً جداً

لكن اللى ديما بدعى ربنا انه يحققهالى انه يعلمنى القرآن وان يجعل القرآن العظيم ربيع قلبى ونور بصرى وجلاء همى وحزنى وأن يعلمنى منه ما جهلت ويذكرنى منه ما نسيت ويرزقنى تلاوته آناء الليل وأطراف النهار



ومش همرر التاج لحد .. كفاية انا
أحب لأخيك ما تحب لنفسك

at

46 comments:

  1. ولــــــــــوJune 20, 2007 at 4:28 AM

    بصراحه اجاباتك مشكله
    بس تصدق انا عمري مابصيت على بروفيل حد باقراله وكنت متصور انك معدي ال30
    يمكن عشان كلامك كبير
    يبقى اكيد اللي كاتبه كبير
    وبعدين


    بتحب مصر؟

    اللى يروح ليبيا لازم يحب مصر

    ده كلام ؟؟؟؟؟
    ههههههههههههه

    تحياتي

    ReplyDelete
  2. نـــــــورJune 20, 2007 at 4:59 AM

    :D

    ماكنتش اعرف انها ورطة كدا .. بس اجابات حضرتك جميلة جدا

    ربنا يرزقك ماتتمنى إن شاء الله

    على فكرة انا برده كانت نشأتي بقى
    كلها في السعودية لحد ما بقى عندي18
    سنة ... كانت أياااام

    تحياتي لحضرتك

    ReplyDelete
  3. يا مراكبيJune 20, 2007 at 5:39 AM

    عايز بس أقول لك إن اللي عمل التاج لازم يغير موضوع النص مليون جنيه ده .. دول ما يجيبوش حاجة اليومين دول

    هههههه

    إجابات جميلة وظريفة جدا

    ReplyDelete
  4. المجاهدةJune 20, 2007 at 9:08 AM

    :d

    ربنا يباركلك يا اخي
    :d


    اجابات لذيذة ربنا يعزك
    :)

    هما كانوا بيعذبوا الناس في ليبينا!!!

    ReplyDelete
  5. AnonymousJune 20, 2007 at 2:01 PM

    حلو السؤال بتاع انتى مسلمه ؟ لا مسلم
    بجد اجابه مفتكسه
    بس خلاص
    سلام

    ReplyDelete
  6. SallyJune 20, 2007 at 3:06 PM

    هههههههه
    ايه
    دا
    اجاباتك
    دمها
    خفيف
    اوووووي

    ReplyDelete
  7. غمض عينيكJune 20, 2007 at 4:03 PM

    باشا اجابات جامده جدا..كلها خفة دم وذكاء
    بس قولي ايه حكاية زوجات المستقبل دول... انت ناوي ع الاربعة ولا ايه
    خد بالك

    تحياتي

    محمد سمير

    ReplyDelete
  8. اه يا دماغىJune 20, 2007 at 4:18 PM

    ههههه
    طب الحمد لله انك ااستقريت بدل كل شوية فى بلد
    وصورتك طبعا وانت صغير زى القمر
    طبعا انا معرفش شكلك ايه دلوقتى
    ادعوك لزيارة مدونتى
    تحياتى

    ReplyDelete
  9. فن الحياةJune 20, 2007 at 5:31 PM


    عجبتني طريقة ردك على الاسئله .. وبالاخص ئلي فيه زوجات المستقبل .. وامنيتك :) (Y)

    عندي نفس تسأءل الاخ غمض عينك

    انتا ناوي تتجوز 4 ولا ئيه ؟
    شكلك كده متبع القاعدة ئلي بتقول
    ان الاصل في النكاح التعدد

    بلاش ندخل في التفاصيل علشان محدش يزعل :D

    :) اخوك

    ReplyDelete
  10. رينـــــــــــاJune 20, 2007 at 7:05 PM

    ههههههههههههههههههههههههههه
    هههههههههههههههههههههههههه
    هههههههههههههههههههههههه
    موتنى من الضحك الله يهديك
    زوجااااااااااااااااااااااات المستقبل
    زوجااااااااااااااات ياراجل!!!!!
    لو اجتمعت مع حسني مبارك في غرفة واحدة هتقوله ايه؟
    وقعت ياريس ولا حدش سمى عليك
    ههههههههههههههههههههههههههههههههه
    الله يهديك

    ReplyDelete
  11. الحلم العربيJune 20, 2007 at 11:51 PM

    اجابات ظريفة جدا
    اضحك الله سنك
    ربنا يرزقك حفظ القرآن و العمل به على مراد الله
    تحياتي

    ReplyDelete
  12. david santosJune 21, 2007 at 12:05 AM

    The Summer arrived. We go to wait that it brings light. That it brings hope. That it brings peace. That it brings the end of the curse.

    ReplyDelete
  13. جهاد خالدJune 21, 2007 at 12:53 AM

    إجابات جميلة
    :Dمع انها ما وصلتناش لحاجة
    بس دمها خفيف

    ربنا يكرمك ويعزك

    ReplyDelete
  14. The ManagerJune 21, 2007 at 7:47 AM

    ههههههههههههههه
    إجابات حضرتك اكثر من ممتازة يا فندم

    عجبنى كلامك جدا واتشرفت انى اعرف عنك اكثر


    بس إيه زوجات المستقبل دى ؟؟؟ انت ناوى على كام واحدة ؟؟

    :D

    تحياتى

    ReplyDelete
  15. همسة قلمJune 21, 2007 at 8:14 AM

    :D

    ماشاء الله
    صدق من قال تكلم حتى أعرفك
    الجميل انه التاج فعلا بيخلي الواحد يتعرف على جوانب اخرى من الشخصيات اللى بتكتب في المدونات
    اجابات جميلة اخونا الكريم ياسر وبالفعل تحمل نوع من السخرية والفكاهة :)

    حقق الله لكم ما تتمنون ورزقكم الزوجات الصالحات :D

    ReplyDelete
  16. gohaynaJune 21, 2007 at 10:10 AM

    ماشاء الله عندك 23 سنه بس

    اللهم لا حسد كلامك اكبر من سنك

    اجباتك تحفه

    وكله كوم وسؤال بتحب مصر دا كوم

    موتني علي نفسي من الضحك

    تسلم ايدك

    وكل تاج وانت بالف خير

    تحياتي

    ReplyDelete
  17. خالد أبوالفضلJune 21, 2007 at 3:58 PM

    يا راجل ده أنا لو منك معملش حاجة غير إني أرد علي تواجيج
    إيه يا عم الإجابات الجامدة دي
    بجد عجبتني أوي
    وحلو حوار ليبيا ده ولكن من وجهة نظري .. أن تعيش في بلد راعيها عبيط خلقة أفضل من أن تعيش في بلد راعيها بيستعبط خلقة برضه
    سلااااااااااااااااام

    خالد أبوالفضل
    el-aseef.blogspot.com

    ReplyDelete
  18. DaliaJune 22, 2007 at 11:14 AM

    اجاباتك كلها حلوه اوى

    الحمد لله انك مامررتهوش لحد

    بس للاسف هو اتمرر لى فعلا من غمض عنيك

    عاااااااااااااااااااااااا

    ReplyDelete
  19. جهاد خالدJune 22, 2007 at 11:02 PM

    تسرنا دعوتكم لزيارة مدونة بناتيت
    www.banateet.blogspot.com

    ReplyDelete
  20. •«ρяoιd»•™June 23, 2007 at 5:54 AM

    مبروووووووووووووووووووك

    انت لسه عايش

    الحمد لله

    بطلوا تاجات بقي

    تحياتي

    ReplyDelete
  21. نسرين - أمة اللهJune 23, 2007 at 6:54 AM

    السلام عليكم
    تصدق كنت حاسه ان الصوره ليها علاقه بيك بس بجد اجاباتك لذيذه

    ReplyDelete
  22. ياسر سليمJune 23, 2007 at 1:07 PM

    اعتذر للجميع بشدة على تأخرى فى الرد

    لإنقطاع مفاجىْ فى خط النت

    ReplyDelete
  23. ياسر سليمJune 23, 2007 at 1:08 PM

    ولــو

    ديما منورنى بالرد الأولانى ..

    ربنا يكرمك وحاول تحافظ على المكانة دى

    تحياتى

    ReplyDelete
  24. ياسر سليمJune 23, 2007 at 1:10 PM

    الأنسه اللى ورطتنى فى التاج ده : نور

    لو الإجابات عجاباكى .. اتفضلى ما تغلاش

    انا مش فاكر اى حاجه فى الخمس سنين بتوع السعودية .. غير شوية مواقف كده بسيطة ..

    وانا رحت السعودية تانى من سنتين قعدت هناك 3 شهور كده وجيت ..

    تحياتى

    ReplyDelete
  25. ياسر سليمJune 23, 2007 at 1:11 PM

    يا مراكبى

    ده اللى بيعملوا التاجات دول بيعملوها عشان يقرفونا ..

    ما احان حلويين اهوه والحال ماشى واخر حلاوه

    ReplyDelete
  26. ياسر سليمJune 23, 2007 at 1:13 PM

    المجاهدة

    ربنا يكرمك

    ليبيا .. ما اقولكيش .. خليها مفاجأة

    ان شاء الله لما ربنا يرزقك الزوج الصالح ابقوا اطلعوا على هناك شهر وراحد بس كده سياحة و دى وصفه لأى حد ما بيحبش مصر

    وربنا هيكرمك اخر كرم ان شاء

    ReplyDelete
  27. ياسر سليمJune 23, 2007 at 1:14 PM

    حراس الحقيقة

    لو عاجبك اتفضلى .. ما يغلاش عليكى

    ReplyDelete
  28. ياسر سليمJune 23, 2007 at 1:15 PM

    بالله المستعان

    طيب وكده كويس ولا وحش !؟

    ReplyDelete
  29. ياسر سليمJune 23, 2007 at 1:16 PM

    غمض عينيك

    ربنا يخليك يا باشا

    بالنسبة للأربعة مش متأكد .. ممكن يزيدوا ..

    أفرض واحده منهم توفاها الله ..
    اعيش بتلات ازواج !؟

    ReplyDelete
  30. ياسر سليمJune 23, 2007 at 1:17 PM

    اه يا دماغى انا كمان

    اه الحمد لله استقرت السفينة فى مصر

    وربنا يخليكى .. كل الناس وهى صغيره بتبقى حلوة ..

    وان شاء الله جاى على مدونتك دلوقتى

    ReplyDelete
  31. ياسر سليمJune 23, 2007 at 1:19 PM

    فن الحياة

    ربنا يكرمك يا باشا

    بالنسبة لتسآءل الأخ غمض عنيك فأنا جاوبت عليه ..
    عشان ما نكررش الرد وحد يزعل برضه :)

    تحياتى

    ReplyDelete
  32. ياسر سليمJune 23, 2007 at 1:21 PM

    رينـــا

    هههههههههههههههههههههههههه
    هههههههههههههههههههه

    ضحكتينى من كتر ضحكك ..
    فيها ايه يعنى زوجات المستقبل

    حد عارف المستقبل مخبيله كام زوجه

    ههههههههههههههه
    وبالنسبة للريس الناس قالولوا كل حاجه ممكن تتقال ..
    فأنا هعمل بقه
    هههههههههههههههههههه
    الله يهدينى

    ReplyDelete
  33. ياسر سليمJune 23, 2007 at 1:22 PM

    الحلم العربى

    ربنا يكرمك
    واضحك الله ضرسك
    وربنا يستجيب دعوتك يارب ويتقبل

    تحياتى

    ReplyDelete
  34. ياسر سليمJune 23, 2007 at 1:23 PM

    ديفيد

    مساء الخيييييييير
    انته فاضى ياريس ولا ايه !؟

    طيب بدال كنت هنا ارزعنى تعليق على التاج

    ReplyDelete
  35. ياسر سليمJune 23, 2007 at 1:25 PM

    النجمة الصامدة

    يعنى كنت اقول ايه عنى اكتر من كده .. دا انا كمان وريتكوا صورتى وانا صغير

    اكتر من كده يبقى طمع

    ReplyDelete
  36. ياسر سليمJune 23, 2007 at 1:30 PM

    the manager

    ربنا يكرمك ..

    بالنسبة للزواج ده مش بإيدى .. وانا مش عايز احصر نفسى فى زوجة واحده .. لازم الواحد يبقى حاطط فى دماغه كل الإحتمالات .. إلا بقه لو اتجوزت واحده ولقيتها بأربعه .. مش هطمع بتلاته .. ساعتها ايه اللى يخلينى افكر فى الجواز تانى ..

    طبعا ده كله كلام وساعة الجد بيبقى فى كلام تانى
    هههههههههههه

    تحياتى

    ReplyDelete
  37. ياسر سليمJune 23, 2007 at 1:32 PM

    همسة قلم

    ربنا يكرمك ..

    ويستجيب لكِ الدعاء D:

    ReplyDelete
  38. ياسر سليمJune 23, 2007 at 1:35 PM

    gohayna

    الكلام مش اكبر من السن ولا حاجة ..

    بس للأسف احنا اتعودنا ان الإنسان بيفضل هايف لحد سن كبير ..

    لكن الأصل ان الأنسان بيبقى راجل من سن الرشد يعنى 21 والمفروض انه يعتمد عليه وكلامة يبقى كبير

    تحياتى ليكِ

    ReplyDelete
  39. ياسر سليمJune 23, 2007 at 1:36 PM

    خالد أبو الفضل

    نورت المدونة ..

    ويارب ديما نلاقيك منورنا بتعليقاتك ..

    بالنسبة للتاجات انا فعلا ما بحبهاش .. ورديت عليها غصبٍ عنى ..

    بس يلا .. ان شاء الله ما حدش يبعتلى تانى

    تحياتى

    ReplyDelete
  40. ياسر سليمJune 23, 2007 at 1:38 PM

    dalia

    ربنا يخليكِ

    انا لا عايز ابعت لحد تاجات ولا حد يبعتلى تاجات ...

    احنا كده كويسين

    ReplyDelete
  41. ياسر سليمJune 23, 2007 at 1:39 PM

    النجمة الصامدة

    ألف مبروك ..

    وتمت الزيارة ..

    ReplyDelete
  42. ياسر سليمJune 23, 2007 at 1:40 PM

    •«ρяoιd»•™

    هههههههههههههههههههه

    انته شكلك مفتقدنى ..

    ان شاء الله اجيلك زيارة ..

    ReplyDelete
  43. ياسر سليمJune 23, 2007 at 1:41 PM

    نسرين - أمة الله

    احساسك كان فى محله يا استاذه نسرين

    ReplyDelete
  44. cleopatraJune 23, 2007 at 4:32 PM

    الاجابات هلكتني من الضحك .. ايه ده اصلا ,, ليبيا ومش ليبيا .. ومسلمة .. ولهجة .. بجد تحفه

    ربنا يباركلك

    ReplyDelete
  45. المجاهدةJune 24, 2007 at 7:16 AM

    ن شاء الله لما ربنا يرزقك الزوج الصالح ابقوا اطلعوا على هناك شهر وراحد بس كده سياحة و دى وصفه لأى حد ما بيحبش مصر

    وربنا هيكرمك اخر كرم ان شاء


    lol
    :d

    اضحك الله سنك
    :d

    ReplyDelete
  46. radwaAugust 8, 2007 at 4:28 PM

    احم
    انا لفت نظرى كلمة زوجات المستقبل
    مستغرباها جدااااااا

    ReplyDelete

اتكلم براحتك - تعليقك أكيد فيه إضافة .