كل ما أفتح الأخبار
أندهش
ألاقى نفسى محتار
وبرتعش
أكدب اللى بشوفه
وأقول معلش
يمكن ده هزار
معقولة أخ يضرب أخوه
بالنار !؟
هما أعدائنا خلصوا !؟
وبناخد بالتار !؟
يا أخوانا فهمونى
ولا على الحال ده هتسيبونى
مين بيضرب مين
فى بلاد المسلمين !؟
مين بيحرق إيه !؟
وليه !؟
وإحنا ليه ساكتين !؟
هنلاقيها منين بس
ولا نلاقيها منين
كل يوم همومنا تكتر
بدل الهم بيبقى اتنين
جوه بلادنا
متهانين
وبره اخواتنا
متخانقين
يا رتهم اخوانا متخانقين لكن دول متقطعين و محدش عارف اخرتهم ايه
ReplyDeleteتحياتي
:( اتكلم ؟
ReplyDeleteهقول ايه يعني .....
والله مش لاقيه حاجه اقولها
:(
هو بصراحه احنا نستاهل يحصلنا كده
ReplyDeleteفكره انك لو مش متفق معايا تبقى عدوي حتى مع اقرب الناس لينا بغض النظر عن اني ممكن اكون غلظ بقت مسيطره علينا بشكل مرعب
الغرور والاحساس بانك العالم ببواطن الامور وان المسأله انت اللي هاتحلها والا مش هاتتحل خلت رؤيتنا للامور توصل لحد الهجوم والحاق الاذى بالآخرين
علشان كده ماتستغربش لو جيت تفتح المدونه بتاعتك ف يوم ولقيت رساله بتقولك آدي جزاء اللي يكتب حاجه انا مش راضي عنها
وصوره واحد مطلعلك لسانه
ربنا يعافينا ويهديهم
بوست رائع
كالعاده
علي راي كليو الواحد مش لاقي حاجة يقولها
ReplyDeleteاللهما إلا الدعاء
اللهما ابصرهم للحق وأصلح بينهم والف بين قلوبهم وكن لهم ولا تكن عليهم
اللهم امين
السلام عليكم أستاذ ياسر
ReplyDeleteأنا سعيد جدا بالتعرف على مدونتك الجميله
بالنسبة للموضوع
لقيت حديث للنبي عليه الصلاة والسلام يصف حالتك في آخر الزمان
في قوله للصحابه عن اخبارهم بأن هناك زمن يجعل فيه الحليم حيرانا
فاللهم أرنا الحق حقا والباطل باطلا
فعلا
ReplyDeleteاحنا من ضعفنا في وجه أعدائنا بنحارب بعضنا
تحياتي
كنت في كربلاء
ReplyDeleteقال لي الشيخ أن الحسين
مات من أجل جرعة ماء ..
وتساءلت
كيف السيوف استباحت بني الأكرمين
فأجاب الذي بصرته السماء :
انه الذهب المتلألئ : في كل عين .
.............
إن تكن كلمات الحسين
وسيوف الحسين
وجلال الحسين
سقطت دون أن تنقذ الحق من ذهب الأمراء
أفتقدر أن تنقذ الحق ثرثرة لشعراء ؟
*****
ده كان الراحل أمل دنقل .. ومش هأقول أكتر من كده
هنلاقيها منين ولا منين
ReplyDeleteصدقت أخى
الواحد مش عارف يقول ايه على اللى بيحصل
ربنا ينصر الحق على ايد اللى بيدافعوا عن الحق
.......
والله كلان قليل بس جامد
ReplyDeleteفى الجون
كنت كتبيت فى الاخر وعجبى عشان تكمل
شكرا لزارتك مدونتى وكويس ان فى حتجة عجبتك زاحب اشوفك علطول
يمكن حاجة نانية تعجبك
تحياتى
انتظار مؤقت
ReplyDeleteربنا يعدى اليومين دول على خير وبأقل الخسائر
تحياتى
cleopatra
ReplyDeleteانا خدت بالى انك عديتى على كذا تدوينه وسيبتى فيها تعليق ..
ربنا يكرمك
وعندك حق ما فيش حاجه تتقال
ولـــو
ReplyDeleteهههههههههههههههههه
عجبتنى قوى حته انى ممكن فى يوم من الايام افتح ألاقى واحد مطلع لسانه دى ..
وعلى فكره حلها سهل خالص .. انك ممكن تعمل مدونة تانيه وتقول للناس ان انته هنا .. وهما هيشوفوا صورة اللى مطلع لسانه فى المدونة القديمة .. هيعرفوا ان فى حاجه حصلت :)
ههههههههههههههه
خليتنى احكى قصة
تحياتى
بالله المستعان
ReplyDeleteآمين
ربنا يتقبل دعائك يارب
ربنا يكرمك ، ويباركلك في قلمك واشعارك الجميلة
ReplyDeleteانا بس عايزة اقول ، حاجة ظريفة جدا الاعلام الغربي بره مصور الصورة صح .. ان حماس بتطهر غزة من بعض الخونة من فتح .. مش الاعلام العربي الخايب بتاعتنا
اقتتال فلسطيني داخلي.. وحماس وفتح بيموتوا في بعض .. مش دي الصورة الصحيحة للأسف
مش بيمتوا في بعض وانما الاقتتال بين الخونة الدحلانيين وبين حماس .. والله يهدي الجميع
ربنا يصلح الحال..
ReplyDeleteاسلوب جميل في الكتابة يا اخي ماشاء الله
:)
وايه اللى محيرك بس ياياسر
ReplyDeleteفى ناس بتقول ع المؤمن كافر
وفى حكومه زى الوحش الكاسر
بتنهش فينا بالسنان والضوافر
بقينا عرب بالاسم بس
بقينا اعداء من غير ما نحس
زى ما يكون صابنا مس
من شيطان امريكى قادر
يزرع فتن ونجنى اهوال
يزرع مكر ونخسر رجال
يزرع حقد بين ابطال
ضحوا بكل نفيس ونادر
دكتور حر
ReplyDeleteتشرفت بزيارتك لمدونتى ..
وارجوا ان تتكرر الزيارة ..
وقمت بزيارة مدونتك ..
وحقاً لا نجد غير الدعاء
اللهم أرنا الحق حقاً وارزقنا اتباعه وارنا الباطل باطلاً وأرزقنا اجتنابه
الحلم العربى
ReplyDeleteوطبعاً العدو شمتان فينا ..
احنا بنخلص على بعض
تحياتى
يا مراكبى
ReplyDeleteيعنى الواحد يعمل ايه !؟
يتفرج وخلاص !؟
همسة قلم
ReplyDeleteآمين يارب
ربنا ينصر الحق .. ويبطل الباطل
اه يادماغى
ReplyDeleteالله يخليكى
وان شاء الله مش هتكون اخر زيارة للمدونة ..
ويارب ديماً فى تقدم
تحياتى
نـــور
ReplyDeleteربنا يكرمك ..
ما هو للأسف الإعلام العربى بيشتغل لهواه ولأغراضه و ليه مستهدفاته هو كمان إلا من رحم ربى
ربنا يزيل هذه الغمة عن الأمة
المجاهدة
ReplyDeleteيعتبر انتى الوحيدة .. أو ممكن حد كمان يتكلم عن اسلوب الكتابه
كل اللى اتكلم اتكلم عن الأوضاع ..
جزاكم الله خيراً
أخى الجاهل
ReplyDeleteدا انته طلعت زجال كبير ..
بسم الله ما شاء الله ..
انته فى منك امل كبير .. بس اكتب وورينا ابداعاتك
تحياتى
مش اخواااااااااات
ReplyDeleteمش اخوااااااااااااااااات
دول اهل وطن
وشوية خونة وعملاء
مش اخوااااااااااات
أقولها تاني
مش
ا
خ
و
ا
ا
ا
ا
ت
مش هزار على فكرة جد
:)
ربنا يرزقنا الهداية
أما عن الاسلوب
ReplyDeleteجميل
بس صغيرة
عيزين نفس طويل لو سمحت المرة الجاية
بصراحه حاله تكسف
ReplyDeleteبجد مش عارفه امتي نفوق والناس تعقل
امتي نبطل نخلي الناس تضحك علينا
العالم بيتفرج علي الاخوات وهيا بتدبح بعضها بدم بارد
والرؤساء يجتمعوا في شرم الشيخ علي البيسين
عشان البرونزاج السنوي بتاعهم وبالمره يناقشوا المشكله بين وقت الغداء والتدليك
حاجه تقرف يا سيدي
كلماتك بتوجع وساخرة جدا جدا
تحياتي ليك
دخلت المدونة باكية وإزدادت دموعى مع الكلمات
ReplyDeleteبجد حسبنا الله ونعم الوكيل
-------------------
كلماتك جميلة جدا ياخى ما شاء الله لا قوة الا بالله .. ربنا يزيدك
سلام عليكم
انا بصراحه مش عارفه هما بيضربو بعض ليه ؟؟
ReplyDelete:(
قبل كده كنت بقرا كتاب لمصطفى محمود مش فكره اسمه
ReplyDeleteكان بتكلم على الاخبار والجرايد انها بتحرق الدم وبتجيب شلل وبتتعب الاعصاب ... وقال وماله ما هو ده الوسيله الوحيده اننا نعرف ايه اللى بيحصل
مش عارفه افتكرت الكلام ده لما قريت البوست ... مش عارفه ليه
سألت سؤال فى المدونه عندى ويهمنى جدا اعرف رأى المدونين و ازاى هيجوبوه
ReplyDeleteعسى ان تعم الافاده
.
.
.
الدعوه عامه
النجميه الصامدة
ReplyDeleteخلاص عرفنااااا
عرفنااااا
ع
ر
ف
ن
ا
ا
وبالنسبة لطولها ..
فأنا فعلا ديما نفسى قصير وما باصبرش شوية ..
بس بإذن الله فى الأعمال القادمة تكون أطول من كده
gohayna
ReplyDeleteكلماتك انتى اللى بتوجع
مش عارف .. باين كل حاجة دلوقتى بتيجى على الجرح
ربنا يعدى اليومين دول على خير
إنسانة
ReplyDeleteنورتى المدونة ..
بس اللى انا استغربتله .. انتى كنتى داخلة المدونة اساسا باكية !؟
ليه يعنى !؟
تأثر بحاجة تانيه !؟
وربنا يباركلك على الكلمات الجميلة دى
تحياتى
Dalia
ReplyDeleteللأسف مش انتى بس
دا اللى عارفين أقلية جداً
وبقية الناس مش فاهمة ايه اللى بيحصل ..
عموماً انا لو عرفت ممكن ابقى اقولك
وانتى برضه لو عرفتى ما تنسيش تقوليلى
تحياتى
حراس الحقيقة
ReplyDeleteهو تقريباً احنا لو كشفنا على نسبة السكر عندنا هنلاقيها عالية وهنلاقى عندنا ضغط .. كل ده من الأوضاع الراهنة
وانا جاى مدونتك حالاً ان شاء الله
تحياتى
الحمدلله انا مبقتش اتفرج ع التلفزيون عشان مرارتى اتاكلت عملت مقاطعه ههههههه
ReplyDeleteالي اولئك الذين المهم صور اقتتال الاخوة الاشقاء في فلسطين
ReplyDeleteالي كل من تخيل ان الاخوة الاشقاء باعوا القضية لاعدائهم واجهزوا علي ماتبقي منها
الي كل من انجر وراء حملة التضليل الاعلامي التي ساقوها علينا
الي كل ساع الي الحقيقة
الي كل هؤلاء اهدي
التبيان في اقتتال الاخوان
تجدونه فقط
في
ارض الحرب
HoNdA
ReplyDeleteممكن نقول ده حل كويس ..
بس مش كويس قوى ..
لأننا المفروض نهتم بأخبار المسلمين
عمرو المصري
ReplyDeleteماشى يا استاذ عمرو
شكراً على الدعوة
تقول لمين وتعيد لمين
ReplyDeleteعلى رأي جدتي
الناس خيبتها سبت وحد واحنا خيبتنا ماوردتش على حد
أتمنى تشريفك لي في مدونتي
هاتنور بزيارتك ليها
دعوة لزيارة مدونة شاعر تستحق الزيارة
عفوا
ReplyDeleteنسيت أعطيك لينك مدونة الشاعر المصري المغترب
http://mosaiiic.blogspot.com/
كلماتك جميلة اوي ياياسر وبتوصف فعلا حالة الذهول والدهشة اللي الةاحد بيشوف بيهم اللي بيحصل في فلسطيو وكاننا انتصرنا على كل الناس ومبقاش فاضل غيرنا
ReplyDeleteتحياتي
محمد سمير
للاسف يا ياسر كلامك صحيح
ReplyDeleteالمسلمين بيقتلوا فبعض فكل مكان
واحنا مش عارفين نهاية الصراعات الداخلية
لا حول ولا قوة الا بالله
تحياتي
فرجه قريب
ReplyDeleteربك يفرجها من حيث لا نتوقع
ربما تكون الصورة بتغمق قوي , بس أكيد مسيرها هتنور , و هتنور قوي ان شاء الله
إن الله لا يغير ما بقوم حتى يغيروا ما بأنفسهم
إن تنصروا الله ينصركم
محمد
ويستمر نزيف الأمة
ReplyDeleteونحن بلا حراك
تحياتي للتدوينة القوية
والمدونة الرائعة
... ان بعد الليل فجر
ReplyDeleteاسمحلى اقول لحضرتك
ReplyDeleteيخطىء من يظن ان حماس تحارب فتح ولكن الذى يحدث عملية تطهير لغزة من الخونة والمرتزقة والعملاء تأخرت كثيرا لكى يقف حمام الدم السائل على ايدى الخونة اللحديين عملاء أمريكا واسرائيل
هل أنت مسلم مهتم لأخواتك المسلمات؟
ReplyDeleteهل تؤمن بدور المرأة في تربية وإصلاح المجتمع؟
هل تحلم بجيل من الفتيات كالخنساء ورفيدة؟
إذا شاركنا مقترحاتك وآرائك ورؤيتك
على مدونة
بـنـاتـيـت
www.banateet.blogspot.com
حسن ارابيسك
ReplyDeleteنورت المدونة ..
وان شاء الله هجيلك زيارة ..
وشكراً على اللينك
تحياتى
غمض عنيك
ReplyDeleteربنا يكرمك ويرفع من روحك المعنوية زى ما انته دايماٍ رافع من روحنياتى
تحياتى
yasmina
ReplyDeleteالشاعرة الكبيرة
زيارتك ليا ديما بيبقى ليها شكل خاص
تحياتى ليكى
وديما بتنورى المدونة
تحياتى
fadfada
ReplyDeleteعندك حق ..
لازم بعد الظلام فجر ينور
ربنا يفرجها من عنده
تحياتى
صاحب المدونة
ReplyDeleteجزاكم الله خيراً على المرور
وشكراً على هذه الكلمات الطيبة
واتمنى ان تسعدنى دائماً بتعليقاتك
تحياتى
Arabian GiRl(caaaaat)
ReplyDeleteرنين الصمت
حقاً
ان بعد الليل فجراً
اسلام الرفاعى
ReplyDeleteكلامك سليم
ولكن انا لم اقصد فلسطين فحسب
تحياتى لك
النجمة الصامدة
ReplyDeleteجاى ان شاء الله اشارك
بس بلاش حكاية انتى البنوتة رقم كذا دى
عشان انتى عارفة الناس عندنا فى البلد
السلام عليكم
ReplyDeleteليه كده بس انت غاوى تتعبنا
بس برضه انت مش جايبه من بره
ربنا يرحم المسلمين
بالظبط كده
ReplyDeleteأعدائنا خلصوا
عارف ليه
لأن فى مينا أخدوا اعدائئهم اصدقاء وبكة ميبقاش قدامنا غير اخواتنا نقتل فيهم
السلام عليكم
شئ طبيعى يا فندم
ReplyDeleteطالما مفيش توكل على الله
وطالما ان كل واحد نفسه مش صافيه وله غرض مش كويس بيخليه يستحل يأذى أخوه يبقى خلاص إللى بيحصل عادى جدا
وربنا يصبرك ويصبرنا إن شاء الله
بس كلماتك إللى عجبتنى جدا والله
جزاك الله خيرا :)
لو هزار يبقى هزار دمه تقيل
ReplyDeleteوللاسف هو مش هزار للأسف
بس عايز اقولك حاجة .. أحيانا بيكون أعداءك و أعداء الوطن من بنى جلدتك ((والحدق يفهم بقى ))
نسرين - أمة الله
ReplyDeleteانتى قلتى اهوه ..
انا مش جايب الكلام من عندى
ربنا يجمع شمل المسلمين
mo'men mohamed
ReplyDeleteمنور المدونة ..
العدو خلاص بقه بيتفرج علينا واحنا بنضرب فى بعضنا وهو قاعد ما بيتعبش نفسه
تحياتى
The Manager
ReplyDeleteربنا يرزقنا التوكل عليه
ويصبرنا جميعاً
شكراً على الكلامات الجميلة ..
تحياتى
omar مشروع بطل
ReplyDeleteههههههههههههههه
انته اول واحد يعلق على العنوان
بس تعليق جميل والله ..
شكرا لك ومنور ديما المدونة
تحياتى
بسم الله الرحمن الرجيم
ReplyDeleteلاجابه حماس
إنت كان سؤالك في البوست هو: فهموني ليه كده
ReplyDeleteوأنا جاوبتك ليه
دلوقت إنت بتسأل سؤال تاني خالص: طيب نعمل إيه؟ نتفرج وخلاص؟
للأسف أيوة .. لأن المنكر ده تغييره بيكون باليد وده أكبر من حدودك إنت اللي هي تغيير المنكر بالقلب واللسان
كنا زمان بنقول احنا محتاجين صدمة تفوقنا
ReplyDeleteلكن من الصدمات شوفنا كتير
ومفيش فايدة
مشكلتنا الرئيسية أننا نسينا ثقافة الصراع اللى اتكلم فيها هيكل
احنا محتاجين نرجع تانى نغرس ثقافة الصراع فى أولادنا ونعرفهم ان أعدائنا هم اسرائيل وامريكا بس وعمر ما السنة أو الشيعة هم أعدائنا ونرجع تانى نحكى حكاية الأسد والثيران الثلاثة
يمكن تقول انى بتكلم فى نقطة سطحية عيالية هههههههه لكننا فعلا محتاجينها
لاننا وصلنا لمرحلة مابقناش قادرين نحدد مين هو عدونا الحقيقيى