لماذا أنت موجود على الأرض ؟
ما هى أكبر قضية وجدت لأجلها ؟
ما هو هدفك ؟
ما هو الطريق الذى سوف تسلكه للوصول إلى هدفك ؟
ما هى الخطوات التى سوف تمشى عليها ؟
ما هى العقبات التى سوف تواجهك ؟ وكيف تتغلب عليها ؟
.
.
ملحوظة : هذه الأسئلة ملطوشة للإستفادة وده مش تاج لحد يفهم غلط
لو هو مش تاج ومطلوب ان احنا نجاوب هنا صعب جدا
ReplyDeleteده فين ناس بيعيشوا ويموتوا وما يالوش نفسهم ولا سؤال من دول وعادي وزي الفل قصدي زي الحيطة
عذرا للتحليق خارج السرب ارجو منكم التضامن معي في حمله نقطه ماء تساوي حياه
ReplyDeleteتحياتي
السلام عليكم
ReplyDeleteانا شايف انكوا مازمينها
انا حليت الموضوع بوضع اجابات للاسئلة دي وبحاول علي قد ما اقدر اني التزم باللي قلته
انا موجود علي الارض لاعمارها وعبادة الله فيها
اكبر قضية وجدت لها نشر دين الله في الارض
هدفي ان احاول علي قد ما اقدراصلح نفسي وادعو الناس وشوية اهداف كتير ما ظنش انها تهمكوا
الطريق الذي ساسلكه كله مصاعب بس ولا يهمني
الخطوات انا محددها كويس بس برضه الكلام عنها يطول
العقبات كتييييييييييييييييييييييييييييييييييييييييير للاسف حليت جزء منها وبحاول احل الباقي
انا عارف ان ده مش تاج ومش المفروض الرد بس ما قدرتش امسك نفسي
سلامي
من
ارض الحرب
أخي ياسر أنا قاعد باظبط المدونات اللي على الجنب وحضرتك حطيت التعليق
ReplyDeleteوالله قدر عجيب
أنا باضيف الدونات عندي في rss
وباتابعها وبعدين باطلعها كل مدة من rss
احطها في المدونة وباشيل لو لاحظت مدونات كانت لا تستحق
اوعى تزعل والله قاعد باظبطهم
شوف دي المفضلة بتاعتي
ReplyDeletehttp://rpc.bloglines.com/blogroll?html=1&id=CleanBlogs
وليه أنا أنا بالذات ومش أي حد تاني؟
ReplyDeleteوأنا مين بالضبط؟
الأسئلة كتيرة قوي
بس بجد حلوالبوست
حتى لو الاسئلة ملطوشة
شكراً على الزيارة
تحياتي الشديدة
ليس المهم كثيرا كيف نجيب على هذه الأسئلة ؛ لأن أى انسان عاقل يجيبها ؛
ReplyDeleteلكن المهم : كيف نلتزم بالاجابة عليها ؟!!!!!!
ندعوكم للمشاركة بإستطلاع مدونة وطــــــــــني
ReplyDeleteهل تؤمن بوجود فتنة طائفية بمصر؟
اممممممممممممممممممممم
ReplyDeleteاسئله صعبه فى الوقت الحالى بالنسبه ليا على الاقل
السلام عليكم
ReplyDeleteطبعا الاجابه اكيد محتاجه كام ورقه
بس الجميل فى الموضوع ان الواحد يقعد كده مع نفسه ويفكر
هى الصوره دى بتاع سنه كام يعنى دى حاليا مرحله الابتدائى انت بتحطهم واحده واحده عشان تفاجئنا فى الاخر انا عارفه هههههه
بص انا عايشة اصلا بحاول احل فى الأسئلة دى .. وكل ما احل ارجع واسأل تانى واجاوب تانى عشان منساش انا جاية ليه وعايزة ايه ورايحة فين وحروح إزاى
ReplyDeleteربنا يعينا ع الدنيا ويخرجنا منها على خير يارب
اللهم اميييييييين
اسئله صعبة اوي يا ياسر
ReplyDeleteبس عارف يمكن الاسئلة دي بالظبط هي حياتك
يمكن لوعرفنا اجابتها الصحيحة مايكونش في تعب في حياتنا بس برده مش هتكون في متعة ولا لازمة اصلا لحياتنا
حياتنا هي اننا نفضل عايشيين عشان نجاوب على الاسئلة دي اللي اجابتها بتتغير طول مااحنا بنكبر
تحياتي ياباشا
محمد سمير
ياريت كنت الاقي حل
ReplyDeleteللاسئله
اعتقد اننا عايشيين عشان نحاول ندور على حل الاسئله دي
تحياتي
ياسر
ReplyDeleteأنا موجود على الأرض علشان حاجة مهمة جدا
أكبر قضية هي قضيتي التي وجدت من أجلها
هدفي هو ما أريد الوصول إليه
الطريق الذي سأسلكه هو الطريق الذي سيصلني إلى الهدف
الخطوات هي الخطوات الموجودة على الطريق
العقبات هي التي ستحاول منعي , و سأتغلب عليها بأسلوبي
بجد بقى :أسئلتك لو عرفنا نجاوب عليها بصدق و بدأنا في تنفيذ الاجابات أظن ستتغير حياتنا كثيرا
تحياتي أخي الحبيب
محمد
ننظر الإجابات ولا نجاوب
ReplyDeleteبصراحة
أنا خايف أجاوب لأنى هفحمك
لأن إجابات العلماء تكون قوية
ها أجاوب
هه أجاوب
يلا سلام
هو بصراحة يا ياسر
ReplyDeleteهو فعلا مش تاج
ده تعشيق
انت كده بتعشقلنا
انن انجواب
هو احنا جايين هنا نتسأل ولا ايه
ايه الحركات ده
مدونين صحيح :)))
ربنا يكرمك يا معلم
ياسر عندي اقتراح
ReplyDeleteنخليه تاج بس بطريقه مختلفه
يعني الناس ترد ع الاسئله
ونحط لينك الايجابات
ودي هتبقي وسيله جامده جدا اننا نتعرف علي اهداف بعض
ويسلام بقي لو حد شاف او قراء حاجه حس انها هتفيد حد من اللي كتبوا الكلام دا وبعتهاله
كدا وبتاع
ايه رايك؟؟؟؟؟؟؟
ممكن نقول احسن اجابات على الاسئله دى
ReplyDeleteبس غالبا مش هتكون اللى جوانا بجد
فالاسئله بجد صعبه
و لازم نفوق و نجاوب من جوانا عاشان نعرف نعيش صح
عارف رائى فى الاسئله دى ايه ؟؟
ReplyDeleteممكن ناس كتير وخصوصا المتدينين يقولولك احنا موجودين هنا عشان نعبد الله .. ويقولوا ان اهم قضيه هى نصرة الدين ..وهدفى انى اكون عابد لله.. والطريق اللى همشى فيه هو طاعة الله .. والمشكلات اللى هتواجهنى هى وسوسه الشياطين
فى حين ان السؤال على الايجابات دى هى ... وكيف تكون عبادة الله ؟
وكيف ننصر الدين وفيما النصرة ؟
و اى عابد احب الى الله ؟
وما شكل طاعة الله ؟
جزاكم الله كل خير ... فعلا موضوع مهم
اسئلة صعبة
ReplyDeleteواجاباتها اصعب
حياتنا مليئة بالتساؤلات
وكثيرا ما لا نجد اجاباتها
سلام
اسئلة مهمة جدا والوقفة مع النفس ضرورى جدا
ReplyDelete....................
سعيد بزيارة مدونتك اتمنى تشرفنى فى مدونتى
ما هو الطريق الذى سوف تسلكه للوصول إلى هدفك ؟
ReplyDeleteصلاح سالم إن شاء الله
ولو مقفول هطلع الدائري
ولو زحمة اقابلك في الهايكستب بقى وخلاص
:)
والله انت عسل
(( وما خلقت الجن والإنس إلا ليعبدون ))
ReplyDelete(( وإذ قال ربك للملائكة إنى جاعل فى الأرض خليفة ))
إعمل لدنياك كأنك تعيش أبدا واعمل لآخرتك كأنك تموت غدا
الدنيا إختبار
لابد أن ننجح فيها
ولا تنسى انه عليك أن تعيش من أجل نفسك أيضا ومن أجل الآخرين
السلام عليكم
وقفـــة مع نفسى
ReplyDeleteأكيد لازم تكون كل فترة
وغالباً مع تكون من اصعب الوقفات
الاسئلة ليست صعبة فى محتوها
بل ما هو اصعب الرد عليها
لانه حينها يحتاج وقفة مع نفسى
:)
والحقيقة بحاول مع مش اقف معها الايام دى كتير
:D
اسئله سهله جدا عميقه جدا
ReplyDeleteوصعبه جدا
لاننى كلما اتعثر فى قضيه ما اشعر انها الكبرى
وكلما اضع امامى هدف معين
يمكننى ان اغيره فى منتصف الطريق اذا وجدت الافضل
اما العقبات التى سوف تواجهنى
اذا عرفتها لن تكون عقبه
لانك بالتاكيد سيكون لك حل لها
وان لم يكن
واستحال الحل
وليس هناك محال
فتغيير الطريق وارد
This comment has been removed by the author.
ReplyDeleteسلاماتي
ReplyDelete1- قال تعالى "إني جاعل في الأرض خليفة"
2- قال تعالى " وما خلقت الجن والإنس إلا ليعبدون"
3- قال تعالى " إن أريد إلا الاصلاح ما استطعت"
4- قال تعالى " قل هذه سبيلي أدعو إلى الله على بصيرة أنا ومن اتبعني"
5,6 قال تعالى " يبني أقم الصلاة وأمر بالمعروف وانه عن المنكر واصبر على ما أصابك ان ذلك من عزم الأمور
السلام عليكم ورحمة الله وبركاته
ReplyDeleteتعليقا على التدوينة وردا على هذه الأسئلة التي اعتقد اننا يجب ان نقف مع أنفسنا وقفة لنجيب عنها
فإني وبعد إذن حضراتكم
ادعوكم
ان تشاركونا
في إصلاح أمتنا في برنامج للشباب من 16- 28 عاما عملته الشركة لكي تستطيع أيها الشاب أن:
تزيد دخلك في فترةالصيف استعدادا لمصاريف الدراسة
- تحصل على كورسات زدني المعتمدة في مهارات البيع ومهارات الأتصال
sales skills & communication skills مجانا
-احضر ورشة عمل مكثفة عن الإدارة وكيفية بناء مشروعك الخاص (وأنضم لفريق
مشارعنا أثناء العام الدراسي)
-دورة تدريبية لمدة أسبوع بعدها تنضم لفريق عمل ماي واي (مصر أو السعودية)
ولكي تتعرف أكثر على البرنامج بإذن الله سيعقد أجتماع في فرع الشركة في ميامي
78 ش أبو العرب بجوار كافيتريا البارون- ميامي-الأسكندرية
يوم الأحد 5/8 السادسة مساءا
وللشركة فروع أخرى في 11محافظة ولأي أستفسار الأتصال على: 0128014305 اللهم استعملنا لنصرة أمتنا وفقنا الله وإياكم إلى ما يحب ويرضي
وقفة هامة جدا
ReplyDeleteدائما نحن بحاجة إلى مراجعة
سواء مراجعة الهدف والغاية
أو مراجعة الوسائل المتخذة للوصول اليها
المهم
أن نتخذ اللازم من الاستمرار او التطوير او حتى الرجوع
عند المراجعة
والا نكابر
تحياتي
اممممم
ReplyDeleteبحس ان الاسئلة دى لازم الواحد يسألها لنفسه كل فترة عشان يشوف هو فين
وبتبقى وسيلة كويسة اوى لتجديد النية اوووووى
يعنى زى ما امل قالت
المهم الثبات على الاجابات
لأن الطريق بيبقى اصعب كل لما تزيد الهمة
جزيتم خيرا
بوست مميز
اسئله صعبه جدة الوصل لاجابه
ReplyDeleteولكن غالبا كل الاسئله دي بدور في انفسنا وتفكيرنا
والحمد لله انه مش تاج
تقبل تحياتي
خلق الانسان لتادية رساله ... وليعلم ان الله لم يخلقه عبث ... فدعوة الله في اشد الحاجه الي من ينشرها ... وتعاليم الاسلام في اشد الحاجه الي من يطبقها ... ونفوسنا في الاول والاخر هي التي يجب ان تتغير... دمتم بود
ReplyDeleteيا بنى ده عايز كتب عشان تجاوب عليه ومينفعش يبقى تاج حتى
ReplyDeleteربنا يكرمك
بس هيبقى تاج تحفة
يقلب المواجع
بما ان التاج اللى كنت بعته لحضرتك جاوبت عليه
ReplyDeleteممكن حضرتك تستلم التاج ده
مش انا اللى كاتباه
بس حبيت امررهولك d:
اجابات الاسئلة دى صعبة اوى بالنسبة حاليا ):
ReplyDeleteبجد يا ياسر
ReplyDeleteكلام حميل جدا
ربنا سخليك لينا و تكتب كمان و كمان
مجمد سلام
motken.maktoobblog.com
السلام عليكم
ReplyDeleteشكراً لكل مع تفاعل مع هذه التدوينة
وآسف لعدم الرد والتواصل فى الفترة الماضية لإنشغالى الشديد
خالص حبى وتحياتى