Sunday, June 10, 2007

صديقى إلى النجاح




عندما يقلب الإنسان دفاتره القديمة وأوراقة المركونة .. يجد مجموعة من الذكريات و يطلع على أفكاره السابقة .. ورؤيته للحياه .. وربما يتعجب من شخصيته كيف كانت وكيف اصبحت

وانا اقلب دفاترى أمس وجدت كشكول وقد سميته صديقى إلى النجاح وعلى ما أظن ان الفكرة قد أخذتها من
د/ إبراهيم الفقى .. ولكنى أضفت إليها
وجدت فى بداية هذا الكشكول مجموعة من العبارات للنجاح وعلى ما أتذكر انها من بنات أفكارى
ـ
ـ
ـ النجاح لا يأتى لك طواعية .. إنما يجب عليك إستدعاءه
ـ إذا انتظرت النجاح أن يأتيك .. فإنى أدعوا لك بطول العمر
ـ أصعب النجاح ما جاء بكفاح فى مجتمع نام واستراح
ـ الفاشل فضل أن يستريح .. فهيئاً له
ـ
ـ
وقد قسم هذا الكشكول إلى 5 اجزاء

الجزء الأول : خاص بـ "حاسبوا أنفسكم قبل أن تحاسبوا " وفى بدايته ذكرت الآية القرأنية وَمَنْ أَعْرَضَ عَن ذِكْرِي فَإِنَّ لَهُ مَعِيشَةً ضَنكاً .. وقسمته إلى مجموعة من العبادات وحاسبت نفسى عليها بالدرجات

الجزء الثانى : وكان خاص بالقراءه والدورات وذكرت فى بدايته الآية القرأنية إِنَّ اللّهَ لاَ يُغَيِّرُ مَا بِقَوْمٍ حَتَّى يُغَيِّرُواْ مَا بِأَنْفُسِهِمْ وكتبت فيه مواعيد الدوارت التى كنت ملتحقاً بها فى هذه الفترة

الجزء الثالث : وقد سميته بر الوقت وهذا الجزء كان مخصصاً لكتابة 3 مواقف أو أفعال إيجابية بحد أدنى قمت بها فى اليوم الواحد

الجزء الرابع : وقد سميته أحلام الأمس حقائق اليوم وهو يخص اى افكار جديدة يمكن تنفيذها وفى هذا الجزء وجدتنى أنتويت القيام بتأليف كتاب وكتبت عناصر هذا الكتاب

الجزء الخامس : وكان مخصص لأهدافى ومخططاتى فى الحياه وكان عنوانه إذا حققت شيئا فلا بد أنه كان هدفاً فى البداية .. ووجدت فيه مجموعة من الأهداف وكيفية تحقيقها ووجدت اننى فعلاً قد حققت منها أهداف .. وإلى الآن فى الطريق لتحقيق هدف من الأهداف المكتوبة

71 comments:

غمض عينيك said...

فكرة جميلة فعلا يا ياسر ويمكن لو كل واحد فينا عمل كشكول لنفسة زي بتاعك والتزم بيه هيطاع مننا كلنا حاجات جميلة وهنعيش في نجاح

تحياتي ليك
محمد سمير

نسرين - أمة الله said...

السلام عليكم
بص يا عم انت حتعمل نسخ من الكشكول وتوزعها
اه صح اوعى تزعل نفسك لو حاجه محصلتش يعنى نقول
وعسى ان تكرهوا شيئا وهو خير لكم وعسى ان تحبوا شيئا وهو شر لكم
ربنا يوفقك
بجد جميل

رينـــــــــــا said...

السلام عليكم
ماشاء الله فكرة جميله جداجدا
هو اهم حاجة طبعا التنفيذ
ربنا يقدرك
انا هأخد الفكرة منك واعملها :D:D:D:D

Anonymous said...

عارف يا ياسر .. أنا قعدت فترة أفكر فى كلمات تعبر عن أمتنانى بشخصيتك وبأفكارك وخواطرك الجميلة اللى كل يوم بتزيدنا بيها سواء هنا أو فى الجروب بتاعك .. بس فعلا علشان أديك حقك لازم أكون شاعر علشان كلماتى تديك حقك .. ما أعتقدش أن فى حد فى سنك دماغه زى دماغك أو خطواته سريعه نحو التقدم والنجاح بإذن الله أنا بجد أتمنى أنى أرتب حياتى ووقتى وأقدر أقابلك وأتعلم منك أنت عندك كتير ممكن أنى أستفاد بيه . وأن شاء الله قريب هاتكون شخصيه ناجحه وكلنا هانفخر بيك. يلا أبدأ دلنا معاك على الطريق يمكن نوصل مع بعض .. وربنا يوفقك ويوفقنا

أمــانــى said...

مشــــاء اللـــه ولا حول ولا قوة الا بالله
هنستعين بالله ونحاول وحضرتك تحاول وكل من يقرأ يحاول حتى نقدر على تحقيق اى شئ منها
تحــياتى لحضــرتك
:D

انتظار مؤقت said...

صديقي العزيز ..تعرف انا عندي شنطه مليانه حاجات من الطفوله لغاية النهارده و انا راجل كبير لما بمسك الاوراق الي كاتب فيها بحس بحاجات جميله و بحس انو واحد تاني الي كان عايش انت اديتني فكره جميله اني اكتب عن الحاجات دي

عازف الناى said...

السلام عليكم ورحمه الله وبركاته
الاخ الكريم/ياسر
شكرا جزيلا لك على تعليقك فى مدونتى .اردت ان ارد عليك بعد الدخول الى مدونتك التى اعجبتنى بحق اعجابا شديدا وخاصه عباره..اصعب النجاح ما جاء بكفاح فى مجتمع نام واستراح..كما اعجبنى كشكولك جدا وعلى فكره انا زجال مثلك واحب الزجل جدا جدا ولكنى للاسف توقفت عن كتابته منذ وقت طويل ولكن عينى واذنى مازلتا تتلهفان على الزجل وشعر العاميه...اخى ياسر انا لا افتخر بجهلى ولاانا جاهل كما ان صاحب مدونه ميت ليس ميت اطال الله عمره...ولكن اسم جاهل كان يطلق على قريب عزيز استشهد فى حرب العزه والكرامه حرب 1973

david santos said...

بفضل خطة العمل الوطنية المتعلقة بالتصحر لها جيدا الاسبوع

حلم الحرية said...

عجبتني الفكرة اوووي

ربما اكون بانفذها علي نطاق صغير
بلوك نوت بالاهداف والخطط السنوية والشهرية والاسبوعية
يعني بيبقي فيه ملخص لما تم وما جاري السعي فيه وما سوف ابدأه
وباغير فيه باستمرار
غير ورد المحاسبة طبعا

عجبتني اوي الجزء بتاع بر الوقت
ناوية احطه في الخطة ان شاء الله
واهو ندي لحضرتك ثواب

جزاكم الله خيرا
وربنا يوفقك
منتظرين الكتاب اللي باسمك اللي كتبت عناصره

Anonymous said...

السلام عليكم

حلوة اوى الفكرة دي

سلاماتي

ياسر سليم said...

غمض عنيك

دى حقيقة يا محمد .. هى بس عايزة شوية عزيمة .. وإصرار وهتلاقى من نفسك حجات ما تتوقعهاش ..

ربنا يوفقنا جميعاً

ياسر سليم said...

نسرين - أمة الله

والله هى فكرة مش بطالة ..

واهو الواحد يطلع بمصلحة من ورا المدونات .. ما هو اكيد هحط هامش ربح .. ونشتغل بقه ..

لكن لو ما فيش حاجه ما حصلتش دى .. المفروض الإنسان اللى عايز ينجح يبقى عنده إصرار وعزيمة

ياسر سليم said...

رينـــا

وعليكم السلام
طبعاً التنفيذ اهم حاجة .. ما هو للأسف ناس كتيرة بتتكلم وتتكلم وتيجى عند اهم نقطة اللى هى العمل تلاقيها وقفت .. يبقى الكلام كله مالهوش لازمة ..
وخدى الفكرة وربنا ينفعك بيها ويقدرك على الإستمرار

ياسر سليم said...

Mr. Emash
صديقى

ايه الكلام الكبير قوى ده اللى انا مش اده ..

يا عم بالراحة عليا لحسن اخد مقلب فى نفسى ..

انته يا محمد عندك امكانيات انك تبقى احسن منى بكتير .. لأنك ولله الحمد مخك نظيف وبتفهم بسرعة ..
انته محتاج بس شوية تنظيم وقت .. ومحتاج زى ما قلتلك قبل كده كتير ..

صحبة كويسة
ــــــــــ
ــــــــــ

شفت حطيت تحتها كام خط ..
وربنا يوفقنا جميعا لما يحب ويرضى

ياسر سليم said...

أمانى

للأسف أنا فعلا ما أستمرتش كتير فى الكشكول ده ..
بس على فكره ده مش اول كشكول ولا أخر ..
يعنى فى كتير كده بس بأشكال تانيه ..
بس هو ده اكتر واحد منظم ومقسم تقسيمات حلوة ..
وربنا يوفقك وتقدرى تستمرى معاه
تحياتى

ياسر سليم said...

انتظار مؤقت
فعلا الأوراق دى بترجع الواحد لذكريات كتيرة جدا ..

ومع انى مش كبير قوى فى السن .. بس انا بحب احتفظ بأى حاجه ..
فعشان كده تلاقى عندى ذكريات كتيرة ..

ومستنين حضرتك تكتبلنا عن ذكرياتك ان شاء الله ..

ياسر سليم said...

الجاهل
وعليكم السلام ورحمة الله وبركاته
نورت المدونة ..
واحب ان اوضح لك عندما تكلمت عن الجهل وكيف يكون الإنسان جاهل .. انا قلت ان الانسان عمره ما هيكون عنده خلفية عن كل شىء فى الحياة .. يعنى مثلا انا ما اعرفش صنعة معينه ابقى انا جاهل بها .. اجهلها .. ده القصد ..
يارب ديما اكون عند حسن ظنك ..
وتيجى تنورنى ديما جدا ..
وياريت تنعشنا بأزجالك ..
تحياتى لك

ياسر سليم said...

الحاج ديفيد

منور المدونة ..
ويارب تكونوا لقيتوا البنت اللى ضاعت ..
وبالنسبة للخطة الوطنية فكل حاجة تمام ..
لا تقلق

ياسر سليم said...

واحدة بتحب البلد دى

مش عارف انا بحس اللى بيقدر يمشى على خطط واهداف او حتى ورد محاسبة ويستمر فيه .. بحس انه بذور شخص ناجح ..

فربنا بكرمك بجزء بر الوقت وديما تعرفى تسمترى على متابعه النفس .. اين كانت واين اصبحت ..

وبالنسبة للكتاب فهو من ساعتها فعلا قيد التنفيذ ..
وربنا يسهل ممكن يبقى قدامه سنة ..
عشان هو هيبقى كبير لحد ما ..
بس اما اشوف كده هتشتريه ولا كلام وخلاص

ياسر سليم said...

mesh2dra

وعليكم السلام

نورتى المدونة ..

سلاماتى انا كمان

Anonymous said...

اخى الكريم

مستنى ايه؟؟؟حاول تطبق اللى انت عرضته فى واقعك ومجتمعك ولو مطبق فعلا انشر لينا بعض اعمالك عشان كلنا نقتضى بها

تحياتى

همسة قلم said...

ياااه
ده لو الواحد طلع الورق والكشاكيل اللى عنده ممكن يلاقي فيها حاجات كتيرة اوي كان بيحلم بيها وبيتمنى انه يعملها منها اللى اتحقق ومنها اللى لسه ومنها اللى مش ممكن ..:)

تدوينتك جعلتني أفكر أن أخرج أوراقي فأعيد ترتيبها اخى الكريم ياسر وافحها وامحصها بروية لعلني اجد فيها ما قد يعين في الايام القادمة :)

المجاهدة said...

:)

حضرتك فكرتني بكام حاجة زمان كنت بعملها
:)

في مرة لاقيت ورقة كنت كاتباها و انا صغيرة لتصوراتي ايه الي ممكن يتعمل عشان الدنيا تبقى احسن
و لما شفتها بعديها بكام سنة بجد كنت فخورة باللي كتبته قبل كده :) مع انه كان بطريقة اطفالي شوية و كلام سلس اوى
:)


ربنا يكرمك على الخطة دي و ان حضرتك كملت فيها لفترة
عشان تعرف ايه البداية و ايه النهاية و امتى توصل للي حضرتك عاوزه
:)
ربنا يكرمك يا اخي

:)

فن الحياة said...


جميلة اوي الفكرة دي .. وصحيح الكشكول كده هايكون منظم وشامل اكثر من حاجه :) (Y)

لكن الاجمل منه اكيد مدونتك .. ان شاء الله هاسجلها عندي وهاتبعك اول باؤل .. بارك الله فيكم ونفع بكم :)

ابو العربى said...

الافكار دى جميله وبنات افكارك احلى
(مبعكسش والله )
وربنا يوفقك فى ما تتمنى

انا من اهوى ومن اهوى انا said...

ياسر :

فكرة هايله جدا جدا جدا

جزاك الله خيرا عليها لانك عرضتها علينا علشان نستفيد منها لان معظمنا ممكن كان بيكتب زمان زى يوميات لكنك انت مقسمها بشكل كويس جدا ابواب فعلا فكرة عجبتنى جدا

وتحياتى

محمد فوزى

šσяšαяαα said...

السلاااااام عليكممم

اول زيارة ليا هنا وبجد ابهرنى اسلوبك فى الكلام وكمان البوست دا هاااايل جدااا بجد ربنا يجزيك كل خير على مشاركتنا افكارك

تحياتى ليك

ياسر سليم said...

ايمن مصطفى

أولا منور مدونتى المتواضعة ..

ثانياً انا ولله الحمد أوقات كتيره بمشى على خطط وأهداف .. ولله الحمد بستمر لفترات طويلة ..

وكل اللى حواليا ما ببخلش على حد بالنصيحة اللى أقدر عليها ..

ونفسى يبقى الكل ناجح ..

لأن نجاح غيرى عمره ما يأثر فى نجاحى انا

تحياتى لك

ياسر سليم said...

أختى الكريمة
همسة قلم

فعلاً فى ذكريات بتخلى الواحد يعيدترتيب أوراقه وأولوياته ..

والواحد ممكن يحط هدف وينساه .. بس عشان الإنسان يكون جاد على الأقل مع نفسة .. يكتبه

وكل شوية لازم يشوف الفرق بين تفكير الماضى وتفكيره الحالى

ياسر سليم said...

أختى الكريمة
المجاهدة

انا شايف انك مش بس هتفتخرى بالورقة اللى كنتى كاتباها وانتى صغيرة ..
لاء .. انتى كمان هتفتخرى بعد كام سنة بكل التدوينات اللى انتى كاتبها .. وبالمدونة كلها ..
الإنسان لما يسيب أثر وبالذات لو كان أثر كويس ده بيفرق معاه كتير

ياسر سليم said...

فن الحياة

بارك الله فيك ..
وجزاكم الله خيراً
انا كمان زرت مدونة حضرتك وماشاء الله جميلة ..
وبرضه ان شاء الله هسجل مدونتك عندى ..

وتشرف فى اى وقت .. المدونة بتاعتك :)

ياسر سليم said...

ضد الظلم
نورت المدونة ..

ويارب كده اكون ديما عند حسن ظنك ..

وبلاش تتكلم على بنات أفكارى كتير :)

وربنا يوفقك انته كمان إلى ما يحب ويرضا

ياسر سليم said...

أنت من تهوى ومن تهوى انت

نورت يا استاذ محمد المدونة ..

ويارب على اد ما عجبتك كده على أد ما تنتفع بيها وتفيدك فى حياتك ان شاء الله

تحياتى

ياسر سليم said...

sorsaraa

نورتى المدونة ..
ويارب ما تكونش اخر زيارة ..

و يارب ديما أفضل عند حسن ظنك

تحياتى ليكى

Anonymous said...

السلام عليكم فعلافكرةجميلة انك تعمل كتاب ايه رايك تستانف بعد الامتحان فكرة خواطر التفسير تحياتى ابن علام

هوندا said...

:) فكرة ايجابيه جدن وانا الى حد ما عامله حاجة قريبه منها جزء للعبادات وجزء بلخص فيه الكتب الى قريتها لنقط صغيرة عن طريق mind mapping
وجزء لاى عبارات عجبتنى او أدعيه
ربنا يوفقك

يا مراكبي said...

إنت كدة على الطريق الصحيح .. حتى لو من غير الكشكول .. المهم الفكرة نفسها وتنفيذها

أحييك على كده .. وإستمر على كده .. هتوصل لشء كبير بإذن اله تعالى

ibn nasser - ابن ناصر said...

موضوع رائع فعلا
وانا من عشاق الدكتور ابراهيم القي اللي مشواد حقه هنا خالص مع انه روعه.وشكرا ك انك عرضت حاجه من حاجاته
تحياتي

MAKSOFA said...

من يستطيع تنظيم حياته هكذا ، ويضع لنفسه حكم أو عبارات تعينه علي أقتحام الحياه هو أنسان يعرف أهدافه ويسعي الي تحقيقها
أحييك

yasmina said...

عارف انا طول عمري بحب الناس اللي بتكتب مذكراتها وبنبسط لما حد بيقرا منها وبيكون فاكر الحاجة اللي هو كاتبها
بس للاسف عمري ما كتبت فدفتر حاجات عن نفسي غير كلمات بسيطة جدا
تحياتي

gohayna said...

فكرتك حلوه بصراحه

بجد فكره جديده ومفيده في نفس الوقت

لو كل واحد عمل كشكول

بجد كانت الحياه والناس اتغيرت من زمان

تحياتي ليك ولكشكولك الي بتمني يكون عندي واحد زيه

تحياتي ليك

ياسر سليم said...

ابن علام

نورت المدونة ..
وان شاء الله نبقى نشوف بعد الإمتحان خواطر التفسير ( اوعى تكون فاكرنى الشعراوى )

تحياتى

ياسر سليم said...

honda

نورتى المدونة ..

أنا بصراحة ( بعيدأ عنى ) بعتبر اى حد بيكتب اهافه او بيحاسب نفسة او بيسجل خواطره .. انسان ناجح ..

وربنا يوفقك معايا

ياسر سليم said...

يا مراكبى

نورت المدونة ..

شكرا على الكلام الجميل ده ...

وانا بعتبر زيارتك لمدونتى ده فى حد ذاته نجاح ليا :)

تحياتى

ياسر سليم said...

ابن ناصر

نورت المدونة .. ويارب ما تكونش اخر زيارة ...

و د/ ابراهيم الفقى ده حبيبى ..

ياسر سليم said...

maksofa

نورتى المدونة ..

وكم سأكون سعيداً عندى تكررى الزيارة ..

وانتى فيها اهوه ابدأئى أكتبى

ياسر سليم said...

yasmina

ربنا يخليكى يارب ..

وأحنا فيها .. أبدأئى اكتبى من النهارده :)

ياسر سليم said...

gohayna
نورتى المدونة ..

ويارب تكررى الزيارة ..

ويارب تعلمى كشكول زى بتاعى :)

تحياتى ليكى

جهاد خالد said...

تأملت

واستفدت

ثم خلصت إلى كلمة

(جميل)


تحايا

الـفجـريـــة said...

أخى الكريم ياسر

خبرات جميلة

لكن السؤال لماذا لم تستمر؟؟
ربما مستمر فى شيئ افضل

فعن نفسى كثيرا ابدأ فى أحدها وياخذ فترة بنتظم فى التنفيذ والمتابعة وفجأة يتوقف..
وأكيد لذلك سبباً

المهم فى خلاصتها تجربة مفيدة والمقولات رائعة

قلمي الحر said...

السلام عليكم
هايلة فكرةالكشكول ديه.زبجد رائعة ..هاضطر اخد الفكرة بعد اذنك ..لازم اذنك عشان حقوق الملكيةالفكرية
على فكرة الإنسان لازم يتغير منوقت للثاني ولكن تغيير ايجايب لايتعارض مع القيم الاساسية والمثل

ولــــــــــو said...

السلام عليكم
الفكره ممتازه والاحسن من الفكره هو المواظبه على تنفيذها انا حاولت كتير اني اعمل زيك قبل كده بس للاسف ماكنتش باصمد ويحصلي انتكاسه
وكمان انك بعد كل الوقت ده تلاقي بعض احلامك اتحققت ده اكيد احساس رائع
تمنياتي لك بتحقيق كل ما كان موجود ف الكشكول واكتر

Radwa said...

على فكره دى فكره جميله اوى وانا ان شاء الله لازم هنفذها من بكره بس انا هخلي الجزء الاكبر فيه للاخطاء اليوميه والدينيه

بيتهيألى لو كل واحد فينا عمل كده هيشتغل فعلا هيعمل عبادات كتيره هيعمل حاجات كتير صح لانه مش هيحب يجى فى اخر اليوم مكسوف من كشكوله لا الانسان دايما بيدور على الحاجه اللى تشرفه يعنى ممكن الانسان يعمل حاجه لاول مره لمجرد انه يكتبها فى الكشكول تشرفه وبعد كده تتحول لعاده او شئ طبيعى يومى

اتمنى انى اكون مش مخطئه

Hannoda said...

جميل جدا إن الانسان يكون قادر على أن يملك بداخله روح يقظة.. و جميل إنه يكون متصالح على هذه الروح

عارف الروح اللي جواك اللي تنط فجأه عند أي غلطة و تحولها لحساب شديد يخليك تحرم تقرب منهاتاني

لكن علاقتك بيها مش ضجر و لا خوف و لا تنافر.. إنما تصالح جميل و إتفاق دائم على إرضاء الله و إصحاح الصحيح

ده نعمة .. زوالها سهل جدا ودايما بين الانسان و بين هذا الزوال شعرة.. خما يعرفش يقطعها إلا الانسان نفسه و بايده.. ما حدش يعرف يقطعهاله

وأغبى إنسان على و جه الارض هو اللي بيقطعها



عشان كده بتمنالك دوام النعمة.. وتجددها مع تجدد العمر و الخبرات و تواليالأزمات و الأفراح

بس في حاجة عاوزة أسأل عنها


لاحظت في بوستاتك إنك دائم التذكر للحظات فاتت

يعني هنا إنت بدأت بدفاترك القديمة

و قبل كده كنت بتتذكر بعض اللحظات

مش عارفة

هل ده معناه إنك رافض واقع ما .. ولا أنا اللي أوهامي مسيطرة عليّ

سعدت بالتعرف على مدونتك

تحياتي

وأسفى على الرغي الكتييير

عمر عاشق القرآن said...

المهم مقلتلناش الكشكول ده وصلك
لايه ؟؟؟!!!

Dalia said...

فكره جميله اوى
تعرف حققت ايه النهارده و فاضل ايه بكره

بقولك ايه ماتسلفنى كشكولك ده شويه

:D:D

قلب أبيــض said...

الافكار كثيرة بس اهم شئ التنفيذ
ربنا يكرمك

كلبوزة لكن سمباتيك said...

ربنا يكتر من امثالك و يبارك فيك

تحياتي

الدمعه said...

السلام عليكم

ما شاء الله بجد فكرة خطيرة
واسلوب اجمل في التعبير
يا ريت كلنا نعمل احنا كمان كشكول النجاح

ويا رب نمشي عليه
بس فعلا احييك على افكارك

جزاك الله خيرا

ياسر سليم said...

أختى الكريمة : النجمة الصامدة

تأملتى

وأستفدتى

ثم خلصتى إلى كلمة

( جميل )

يعنى انا الحمد لله عملت اللى عليا وزيادة
وعدانى العيب و( قزح ) !!

ياسر سليم said...

أختى الكريمة : أسماء .. (الفجرية)

أنا لم استمر .. وهذا لم يكن اول كشكول ولا أخر كشكول ..

ولكنى اعتبر هذا اكثر كشكول تنظيماً

وبالنسبة لما بداخلة .. فأنا فعلاً الآن اسير على خطة قد وضعتها لنفسى .. وأهداف .. هذه الأهداف ليست على مستوى اليوم .. ولكنها اهداف سنوية .. ولله الحمد لا أتخلف عنها ..

وللعلم : انه من مفاتيح النجاح العشرة الإستمرار .. و ده اللى بيفرق الإنسان اللى بيقدر ينجح فى حياته عن العادى

ياسر سليم said...

قلمى الحر

اتفضلى خدى الفكرة ..

بس ياريت تقدرى تمشى عليها بإستمرار

وانا اساساً حاطتها للإستفادة ..

ربنا يعينك وتوصلى للى عايزاه .. ويوفقنا للى يحبه ويرضاه

ياسر سليم said...

ولـــــو

منور المدونة ..

وتعليقك نور اكتر ..

وفعلاً الإستمرار ده شىء صعب .. مع انه بيبقى سهل فى الحجات اللى ممكن ترجعنا لورا .. تلاقى مثلا اللى بيشرب سجاير مواظب على الشرب ومستمر فيه واللى بيروح يقعد على القهوة مواظب انه يروح كل يوم وفى وقت معين ..
فهمتنى ..
فالإنسان اللى عنده هدف فى الحياه لازم يخلى الإستمراريه عنده فى الحجات اللى تفيده ..
تحياتى لك ويارب ديما تنورنا

ياسر سليم said...

sendrlla

أولا شكراً على الزيارة الجميلة دى ..

كلامك تمام ..
وفعلاً الإنسان العاقل أو المتوازن لازم يحب انه يصلح من نفسه وعايز يشوف إيه اللى غلط فيه ويصلحه .. يعنى ما يكونش عايش كده ومش عارف ايه عيوبه ولا ناوى فى يوم انه يصلح من نفسه ..

ياريت ديما تنورى المدونة .. وأنا زرت مدونتك جميلة .. بس ياريت تكبرى الخط شويه عشان نظرى ضعيف :)

ياسر سليم said...

hannoda

أولاً شكراً على الزيارة الجميلة دى ..

الكلام اللى انتى قلته ده بدون مجاملة فى قمة الروعة ..
وباين عليه عن تجربة ..
وممكن تقولى انا حسيت بيه .. ويارب ديما الواحد يبقى بعيد عن الغفلة ..

أما بالنسبة انى ديما بتذكر الماضى .. ده لأنى لسه حديث العهد بالتدوين ولأنى دخلت التدوين فى فترة إمتحانات وما عنديش وقت اكتب حاجه جديدة فشغال فى القديم على ما أخلص ..

يارب ديما تبقى متبعانى وتنورينى بتعليقاتك الرائعة دى

ياسر سليم said...

مشروع بطل

بصراحة يا عم عمر انا بطلع من كشكول ادخل فى واحد تانى ..

بس لله الحمد ليهم فايدة وبيعملوا شغل ..

وياسر من سنتين مثلا مش هو ياسر دلوقتى فى فرق شاسع

ياسر سليم said...

dalia

ههههههههه
يعنى مش كفاية علكيى مسلفك الفكرة عايزه كمان الكشكول ..

ما تقدريش تتصرفى فى جنية من اى مكان وتشتريلك واحد ..

منورة المدونة ويارب ديما اشوف تعليقاتك

ياسر سليم said...

قلب أبيض

دى فعلاً حقيقة ..

ربنا يعين على التنفيذ

شكرا على المرور وياريت يتكرر

ياسر سليم said...

sampateek

جزاكم الله خيراً على التعليق

وشكراً على المرور ..

واستجاب الله دعائكم

ياسر سليم said...

الدمعة

وعليكم السلام

شكراً على الكلام الجميل ده ..

وجزاكم الله خيراً على المرور ..

ويارب ديما تنورينى بتعليقاتك ..

cleopatra said...

تـــــــبـــارك الله


ايه ده اصلا

انا حقيقيلا مزبهل ..

اوقات بعمل كده .. بس مش كده للدرجه .. يعني حاجات بسيطة

بجد تـبـــارك الله .. ربنا يحفظك .. وتكون في ارتقاء دائم

بس يا تري علاقتك بصديقك الي النجاح استمرت قد ايه ؟؟ وايه اللي انهاها ؟؟