Thursday, June 28, 2007

NLP البرمجة اللغوية العصبية

ـ


البرمجة اللغوية العصبية علم جديد لا يزيد عمره عن عشرات السنين ويُطلق عليه البعض ( علم النجاح ) وقد وفقني الله أن ألخص بعض إفتراضيات هذا العلم في هذه السطور
ـ
ـ
- الخريطة ليست هي المنطقة

الخريطة : تصورك ، والمنطقة : العالم الحقيقي
وتقوم على إفتراض : ما هو تصورك عن العالم ؟
فتصورك عن العالم يختلف عن تصوري .. يختلف عن تصور شخص آخر
كم شيء تود تغييره إلى الأفضل أو بما يتفق مع رغباتك ؟
:: ببساطة  ::
بتغيير عقلك .. يتغير العالم
ـ
ـ
- إحترام رؤية الشخص الآخر للعالم

بما إن خرائطنا تختلف فمن غير المتوقع أن يتصرف الآخرون طبقاً لرؤيتنا للأمور
:: ببساطة  ::
خريطة مختلفة = تصرفات مختلفة
ـ
ـ
- توجد نية إيجابية وراء كل سلوك

أنت لم تدخل في نية أي شخص ولا تعرف
( لماذا فعل ما فعل )
وتذكر دائما :
أي تصرف لأي شخص في أي وقت لا يعبر عن الشخصية الكلية لهذا الشخص

فلا تدع تصرف ما لشخص ما في وقت ما .. يكون تصورك أو إدراكك الكلي لشخصيته .
ـ
ـ
- يبذل الناس أقصى جهودهم طبقاً للمصادر المتاحة لديهم

هل مررت بتجربة ما ثم قلت بعدها
(  أنا كنت غبي ياريتني فعلت كذا  )
لكنك لم تتذكر أنك حينما أقدمت على هذا الفعل كنت تتصور وقتها أن هذا هو أفضل تصرف ممكن ! أليس كذلك ؟
وهذا لأن المعلومات التي توفرت لك وقتها كانت تدفعك إلى هذا التصرف ولو توفرت لك المعلومات الكافية التى توفرت لك فيما بعد لأختلف التصرف ..!
لو طبقت هذا المبدأ على الأخرين ستمتنع عن إصدار أحكام مباشرة .. لأنهم يتصرفون طبقاً لما لديهم من معلومات .
:: فقط عليك أن :
تساعدهم أن يتفهموا أوضاعهم وأحوالهم بشكل أفضل .
ـ
ـ
- لا وجود للفشل وإنما هناك تراكم خبرات

لا يوجد شىء فى حياة الإنسان يسمى فشل
وكما قال اديسون عندما قيل له : لقد فشلت .. حاولت 999 مرة أن تصنع المصباح ولم تنجح .. أنت فاشل ؛ فقال : إننى لم أفشل .. أنا فقط إكتشفت 999 طريقة لا يمكن صنع المصباح بها ..!
:: وهناك مثل صيني يقول :
يأتى النجاح من القرارات الصائبة .. والقرارات الصائبة تأتي من الخبرة ..
والخبرة تأتي من التجارب .. والتجارب تأتى من التقدير الخاطىء للأمور!
ـ
ـ
- إذا تمكن شخص ما من فعل شيء ما .. فإن أي شخص آخر من الممكن أن يفعل الشيء ذاته

العقل لايضع ضمن أهدافه .. أهداف مستحيلة
إذا كان في مقدور شخص أن يفعل شيئاً .. فتأكد أنه في متناولك أيضا مهما كان هذا الشيء
ثق بقدراتك .. فأنت شخص فريد من نوعك ولا يوجد شخص آخر يشبهك .. لا هنا ولا فى مكان آخر
وأبذل أقصى جهدك لترتقى بحياتك .. وتكن كما تحب أن تكون .
ـ

63 comments:

mo'men mohamed said...

راق لى الموضوع كثيرا اخى
جزاك الله كل خير
اما عن موضوع الظن فربك و ربى و رب العالمين أجازها فى كلمات بسيطة وهى (( يأيها الذين أمنوا اجتنبوا كثيرا من الظن ان بعض الظن اثم ))

اما عن التجرب و النجاح فأنا اتفق معك تماما
السلام عليكم ورحمة الله وبركاته

The Manager said...

:)

اول حاجة اقولها انى استفدت جدا جدا من الموضوع دة يا استاذ ياسر

واقول كمان فى حاجات كتير انا مؤمن بيها من الأول فى كلامك دة
لكن اول مرة اعرف ان دى ليها علاقة بالبرمجة اللغوية العصبية

موضوعك عبارة عن حكم لازم ناخدها فى الأعتبار دايما

جزاك الله عنى خيرا :)

غمض عينيك said...

موضوع جامد جدا يا ياسر وخصوصا في نقطة حترام تصور الاخرين وارائهم ونقطة التجريب والخطأ فعلا كلام جميل وكله افاده

تحياتي يافندم
محمد سكير

يا مراكبي said...

الموضوع ده رائع بجد .. أنا بأحب المواضيع اللي زي كده اللي بتدفع الناس بإيجابية

حقيقي مهم جدا إننا ننشر الكلمات اللي تشعل الناس بالأمل والعمل والجد لتحقيق الأحلام البعيدة ويمكن المستحيلة كمان

أحييك

الدمعه said...

العقل لايضع ضمن أهدافه .. أهداف مستحيلة
إذا كان فى مقدور شخص أن يفعل شيئاً .. فتأكد أنه فى متناولك أيضا مهما كان هذا الشىء
ثق بقدراتك .. فأنت شخص فريد من نوعك ولا يوجد شخص آخر يشبهك .. لا هنا ولا فى مكان آخر
وأبذل أقصى جهدك لترتقى بحياتك .. وتكن كما تحب أن تكون

بجد انت فلسفتك هايله فعلا
وكلامك صح
بس مين ينفذة ويثق في نفسه كدة
طبعا اتمنى اننا نعمل كل دة
ووقتها هنتغير فعلا فعلا
بوستك هاااااااايل
تحياتي

الحلم العربي said...

موضوع شيق
أنا بحب المواد العلمية اللى بتحاول تفسر تصرفات الانسان و تعلمه ازاي يتصرف حيال المواقف اللى بيقابلها في حياته بشئ من الحكمة مثل التنمية البشرية و البرمجة العصبية..
جزاك الله خيرا على المعلومات و ننتظر المزيد
تحياتي

Sally said...
This comment has been removed by the author.
Sally said...

بوست متميز
انا من المهتمين
بالتنمية البشرية
ودرست عنها

بجد انت اوجزت

حقيقي
انت نتيجة افكارك
نمي أفكارك تنمي العالم

جزاك الله خير ياياسر

اه يا دماغى said...

الموضوع دا جميل جدا
فعلا الواحدعدا عليه حاجات كتير وقال انا كنت غبي
وفعلا المهم شرف المحاولة
وليس الفشل
فعلا الحياه كلمات
وكلماتك جميلة ومعبرة
تحياتى

yasmina said...

موضوع حلو فعلا وهادف

اكثر شيء اعجبني
هو

إحترام رؤية الشخص الآخر للعالم

بما إن خرائطنا تختلف فمن غير المتوقع أن يتصرف الآخرون طبقاً لرؤتنا للأمور
ببساطة ::
خريطة مختلفة تصرفات مختلفة

هذه نقطة احاول دائما التمسك بها
واحب لو تعامل الاخرون معي على اساسها

سلام

Unknown said...

اوبااااااااااااا

جيت ع الجرح يا استاذ ياسر- بالمناسبة ده اسم اخويا
:D

العلم ده انا معاه من اربع سنين من ساعة مادخلت الكلية ومن ساعتها وهو معشش فى ماغى ومش عايز يطلع

وكل شوية اقعد ألخص واقرا فى كتب والخص فيها وهكذا دواليك

بجد العلم ده افدنى جامد جداااااااا
والحمد لله ان ربنا هدانى إليه

جزاك الله خيرا يافندم
:)

عازف الناى said...

شكرا على هذا الايجاز المفيد
احييك على اختيار موضوعاتك الهادفه والمفيده
وبعدين ده عادتك يا ياسر

ياسر سليم said...

اخى الكريم مؤمن

جزاكم الله خيراً على المرور

وشكراً على التعليق

وعليكم السلام ورحمة الله وبركاته

ياسر سليم said...

اخى الكريم سليم
The Manager

ربنا يكرمك .. وبلاش استاذ دى يا عم سليم انا لسه شباب مش فرق كبير يعنى

وعلى فكرة فى حجات لسه فى البرمجة جميلة جداً بس ما اضفتهاش عشان الموضوع ما يطولش .. بس كله على بعضة علم جامد جداً

ياسر سليم said...

غمض عنيك
محمد سمير بلاش سكير دى

هو العلم كله فى مجمله علم بيساعد كتير على التقدم والنجاح

اسعدنى مرورك وتعليقك

تحياتى

ياسر سليم said...

يا مراكبى

شدالقلوع يا مراكبى
ما فييش رجوع يا مراكبى

عجبانى قوى الجملتين دول

انا كمان بحب جداً التنمية البشرية والبرمجة اللغوية ..

بيدى للواحد أمل فى دينا إحباط

ياسر سليم said...

الدمعة

اولا تحيات شديدة للمرور

تانى حاجة .. انا ما جبتش حاجه من عندى يعنى مش فلسفتى لحد يسمعك ولا حاجه يقول انى سارق الكلام ..

ده كله من البرمجه اللغوية

وعلى فكرة اللى عايز ينفذ ومؤمن بقدارته فعلا هينفذ وهينجح بإذن الله

تحياتى

ياسر سليم said...

الحلم العربى

كل علم يساعد الإنسان على النجاح فى الحياه فهو يستحق منا كل تقدير ..

جزاكم الله خيراً على المرور .. وان شاء الله هحاول كل فتره انى اجيب فى المواضيع دى

تحياتى

ياسر سليم said...

بالله المستعان

نعم كلنا نتائج افكارنا

شكرا على المرور

شكراً على التعليق

شكراً على التشجييع

ياسر سليم said...

اه يا دماغك

ايه الكلمات العالية والجميلة اللى ترفع من الروح المعدنية دى

ربنا يخليكى

وتحياتى

ياسر سليم said...

yasmina

نعم .. لو تمسكنا كلنا بهذه النقطة لأختلفت أشياء كثيرة .. ولذابت أختلافات اكثر

تحياتى

ياسر سليم said...

انسانة

اوباااااااااا

كويس بقه انى كتبت عنه
ويابخت اخوكى ان اسمه على اسمى

وانا لله الحمد اعرفه تقريبا من نفس هذه الفتره واحضر فيه محاضرات وأقرأ كتب .. وربنا يفيدنا بيه

وجزاكم .. ده أقل حاجة عندى

ياسر سليم said...

عازف الناى

مرورك هنا يشرفنى

و تعليقك دائما يسرنى

تحياتى

جهاد خالد said...

كم استهواني هذا العلم
تلخيص جيد جدا ومفيد جدا
جزاكم الله خيرا كثيرا أخي

هوندا said...

جزاكم الله خيرا انا بصراحة مكسله اقرا من زمان فى موضوع البرمجة ده بحس انه طويييييييييل بس كده اخدنا فكرة عامه :)

نسرين - أمة الله said...

السلام عليكم
ايه ياعم ياسر الكلام الكبير ده
اولا نتفق فى ان
- تصور العلم يختلف من شخص لاخر
- النيه الاجابيه المقصود بيها ايجابيه فى الفعل نفسه يعنى انها سوف تحدث سواء كان الفعل خير او شر
-نعم تصرف اى شخص فى اى وقت بالنسه لى ليس دليل على شخصيته من المفروض التماس العذر له لعدم معرفه الظروف المار بها الى ان يتبين شخصيته الحقيقه
فانا ارفض مبدء الانطباعه الاولى تدوم

نختلف فى ان
-كل انسان قادر على فعل اى انسان غيره
الانسان قدرات وليس قدره هذا الشخص على فعل الشيئ مثل غيره وهذا ليس تقليل من الشخص الاخر فربما يستطيع هذا الشخص فعل شيئ لا يستطيع فعله الشخص الاول وحتى وان كانت بسيطه
عجبنى قوى الموضوع
بحب قوى البحث فى الذات واستنتاجات وتقدير تصرفات وشخصيات الاخرين

نسرين - أمة الله said...

السلام عليكم
معلش بقى نسيت
البرمجة اللغوية العصبية
ده عباره عن ايه كتاب يعنى
يعنى لو عايزه اعرف فيه اكتر ادور عليه ف ايه

Anonymous said...

جزاكم الله خيرا
معلومات جديه جدا ومفيده جدا

semsem said...

دى اول زيارة ليا
مدونه رائعه
اسمحلى انا حطيت الينك بتعك عندى

مع تمناياتى بمزيد من التقدم فى عالم التدوين

الموضوع رائع واكيد فادنى

تحياتى

mazagat said...

يا سلام يا أستاذ ياسر

أول تعليق لي هنا ألاقيك كاتب عن
nlp

يا سلام على كنوزك المختبئة

بجد أنا سعيد جدا إني بكتب أول تعليق لي هنا

عارف إنه متأخر جدا جدا وعارف إنك زعلان مني لكن سامحني كنت عارف إيه الظروف


أخي وحبيبي

فعلا تحيات الكون كلها لا تكفيك على هذه المدونة الجميلة


واصل يا ياسر فإنك .. واصل





... مزاجات

Anonymous said...

الموضوع ده في لغط كثير و محتاج تنظيم اكثر لكن خلي بالك ان العلوم اللي زي دي بتكون مدروسة على العقليات الغربية اكثر و لازم تتم تطويعها لتناسبنا قليلا

Mirage said...

نقدر نقول انك خليفة ابراهيم الفقى ان شاء الله

بالتوفيق يانجم

رينـــــــــــا said...

ماشاء الله
معلومات موجزة ومهمه
تسلم ايدك

Anonymous said...

بجد معلومات قيمة وتحياتي

اسلام

دكتور حر said...

بسم الله الرحمن الرحيم
وإن من شيء إلا عندنا خزائنه
صدق الله العظيم

الحقيقة يا أستاذ ياسر أجمل ما في البوست هو طريقة عرضه وتلخيصه

لكن أنوه فقط إلى أن أصول علم البرمجة العصبية عندنا في ديننا ومنشأها علم الفراسة وتأملها في سيرة النبي الكريم وتعامله مع أصحابه

وأيضا هذا العلم إذا زاد الإنسان فيه عن الحد المعقول قد يصل إلى جنون أو إلى خلل عقائدي كما حزر الدكتور القرضاوي
لكن جزيت خيرا وواصل إن شاء الله

ولــــــــــو said...

الموضوع رائع واجمل مافيه انه مبسط لدرجه انه انا على الرغم من اني مش باحب اقرا الكلام اللي تحس انه بيخاطب فئه معينه عشان يتفهم لكن طريقه عرضك للموضوع خليتني اتابع الكلام وانا مستوعبه وبالتبعيه استفدت جدا بعد ماخلصت قرايه وده اللي المفروض يحصل لاي حد بيقرا اي حاجه
انا متشكر ليك جدا على الكلام الممتع اللي استفدت بيه واللي ف ظروف اخرى ماكانش ممكن اقراه

مش هنسى said...

ايه المواضيع الجامده دى يا استاذ ياسر
ربنا يكرمك ويخليك لينا

وتتحفنا كمان وكمان

وانته عامل ايه دلوقتى

šσяšαяαα said...

جزاك الله خيرا اخى الكريم

موضوعاتك قيمة وانا بيعجبنى جدا الاسلوب اللى بيكون فيه منطق وعقلانية بالشكل دا

تحياتى ليك ودايما يارب نتطلع عندك على الجديد والمفيد

بهلوله said...

سعيده يابشر
من ساعه ما اللى ما يتسمى بهلول ضربنى بالهون على نافوخى وانا ذاكرتى ضعفت سامحنى يا خويا ....هو انت اسمك ايه؟

ياسر سليم said...

النجمة الصامدة

وجزيتم خيراً على مروركم

وتعلقيكم

ياسر سليم said...

honda

وجزاكم الله خيراً كثيراً

اى موضوع تحسى انه طويل قولى بس عليه وانا اجيبلك من الاخر

ياسر سليم said...

نسرين - أمة الله

بالنسبة للإختلاف .. اللى هو ان كل انسان مش شرط انه يبقى قادر انه يفعل ما فعله غيره

فأنا لست معك فيه

لأن المبدأ ده لو حطه الانسان فى دماغه ممكن يعمل حاجات هو نفسه ما يتخيلهاش ..

انا هقولك حاجه .. كان فى وقت من الاوقات عبور المانش ده من المستحيلات وما كانش حد يتخيل ان هييجى يوم من الايام حد يعبر المانش .. لحد ما جه واحد وحقق المستحيل ده .. وبعد ما الواحد ده عبر المانش ما عداش وقت كتير كان ناس كتيره عدت المانش

تفهمى ايه من الكلام ده

ان اللى جم بعد كده عرفوا ان بدال واحد عبر المانش يبقى احنا كمان نقدر نعبره

وفى امثله كتيره على كده بس عايزه بوست لوحدها

اما بالنسبه انك تقرى فى البرمجه دى فين .. فدلوقتى ناس كتيره بقت تتكلم فى البرمجه .. من اشهرهم الدكتور ابراهيم الفقى
وعندك الدكتور طارق السويدان
وعند قناه سمارت واى او قناه النجاح .. دى هتلاقى عليها ناس كتير بتيجى تتكلم فى البرمجه

ياسر سليم said...

حراس الحقيقة

وجزاكم خيراً على المتابعة والتعليق

ياسر سليم said...

semsem

الفنانة التشكيلية

كلماتك وسام على صدرى

تحياتى

ويارب ديما اكون عند حسن الظن

ياسر سليم said...

Mazagat

صديقى العزيز

تعليقك انسانى ما مضى

وغفرت لك ما قد سلف

وما قد انقضى

ياسر سليم said...

احمد المصرى

لله الحمد دخل فى علم التنمية البشرية رجال كثير مسلمين .. وادخلوا البرمجه فى علومنا الاسلامية وانتجت فى النهاية نتاج رائع

ياسر سليم said...

mirage

هههههههههههههه

تعليقك اسعدنى كثيراً

وللعلم انا بحب العلم ده جداً

وبفكر فعلاً انى اتخصص فيه

ياسر سليم said...

رينـــا

مش معقول كده

انتى كل شويه تغيرى الصورة

انا بفتكر مدونة تانية

عموما يا ستى الله يسلمك

ياسر سليم said...

اسلام

شكراً على الزيارة ويارب تتكرر

ياسر سليم said...

دكتور حر

جزاكم الله خيراً على هذا التعليق القيم

ولكن لله الحمد نحن نقف عند الحد المطلوب

وكما تعرف ان استخدام هذا العلم مع الجانب الدعوى يفيد كثيراً

وتطويع التنمية البشرية لمسايرة العلوم الإسلامية يؤدى إلى علم قمة فى الروعة

ياسر سليم said...

ولــــو

شكراً على هذه الكلمات الجميلة المشجعة .. المفرحة

ياسر سليم said...

حسين

ايه يا عم الكلام الكبير ده

انا مش قد كده

ياسر سليم said...

sorsaraa

وجزاكم الله خيراً اختى المشجعة دائماً

ويارب ديما اكون عند حسن الظن

ياسر سليم said...

بهلولة

اسمى ياسر يا بهلوله ياسر

وألف مبروك على افتتاح المدونة انتى وبهلول

اللى مش عارفين من اللى بيشتغلنا ولا انتوا الاتنين بتشتغلولنا

نـــــــور said...

بجد الموضوع مفيد جدا جدا
كل كلمة فيه محتاجة تتقرأ مرة واثنين

جزاكم الله خيرا كثيرا

قلمي الحر said...

السلام عليكم
حلو اوي موضوع البرمجة اللغوية العصبية
أنا كنت خدت دورة فيه وقرأت عنه شويه في كتب دكتور إبراهيم الفقي ..تحفة جدا الموضوع ده ..اتحفنا بقي بكتير من نوعية هذه الموضوعات

Anonymous said...

كلمات بتدي الواحد ثقة ودفعة قوية للأمام .. ربنا يكرمك


::.. عابر سبيل ..::

همسة قلم said...

في الحقيقة انا دخلت هنا اكتر من مرة وقرأت الموضوع اكتر من مرة
رغم انه الكلام مضبوط وكل حاجة ومفيد بجد
الا انى لا احب مسألة البرمجة العصبية والحاجات دي لا تستهويني في الحقيقة

ولكن تلخيص موجز وجيد وعرض راقي لنقاط مهمة بغض النظر عن البرمجة العصبية او الغير عصبية :)

حياكم المولى اخونا الكريم دمتم بخير

ياسر سليم said...

نــور

وجزاكم الله خيراً

وفعلاً هو علم قمة فى الروعة

تحياتى

ياسر سليم said...

قلمى الحر

ان شاء الله لن تكون اخر مره فى البرمجه اللغوية

انتظرى المزيد بإذن الله

ياسر سليم said...

عابر سبيل

ربنا يجعلة فى ميزان حسناتى يوم ان ألقاه

تحياتى

ياسر سليم said...

همسة قلم

ههههههههههههههه
عجبتنى قوى حته البرمجة العصبية والغير عصبية دى

وجزاكم الله خيراً على ترك الشكر فى العلم وشكرك فى التلخيص ..

وهو لم يكن اكثر من مجرد تلخيص

شكراً على التعليق بعد المرور مراراً

رينـــــــــــا said...

بعمل تمويه :D