Monday, December 3, 2007

مراسلكم من المملكة العربية السعودية

السلام عليكم ورحمة الله وبركاتة
اكتب إليكم هذه التدوينة وانا متغرب فى قطر من أقطار الممكلة العربية السعودية .. وهو الخبر بالمنطقة الشرقية على بعد بعض الكيلو مترات من الدمام
فعندما اتيحت لى الفرصة بالدخول إلى الانترنت فى احد مقاهى الانترنت (الساعة بخمسة ريال) سارعت بالدخول إلى المدونة لأطمنكم علىَّ لعل التدوينة القادمة من اراضى الجماهيرية العربيه الليبية الشعبية الإشتراكية العظمى .. الله اعلم
استودعكم الله الذى لاتضيع ودائعه

Tuesday, November 13, 2007

لن أحزن بعد اليوم




بعد معاناة مع الكتاب الرائع لا تحزن للدكتور الرائع عائض القرنى لمدة تجاوزت الخمسة أشهر من بداية قراءتي للكتاب أتممته بحمد الله .. وهذه المعاناة لم تكن من ناحيتي فقط ، ولكنها كانت أيضاً معاناة للكتاب معي ؛ حيث أني لم أدعه في حاله طوال هذه المدة .. التي يجب أن تكون أقصر من ذلك بكثير .. فهذا الكتاب عندما تبدأ فيه ، تتمنى أن لو تنهيه في يوم البداية .. ولكن قدر هذا الكتاب معي أن أبدأ في قرأته في الفترة التي ليس بها وقت للقراءة ولا للكتابة ولا حتى للأكل .. ولكن مرت هذه الفترة بسلام وانقشعت وأدعوا الله ألا تعود !
الجميل في كتاب لا تحزن ؛ أن من يقرأه لن يُنهي قراءته ويظل حزيناً .. فالدكتور عائض وكأنه يقول : لا تحاول أو تفكر أن تحزن في يوم من الأيام ، ولو أوجدت له سبب للحزن سيجد لك مخرج .. وتحذير مني للناس اللي بتحب الحزن والأحزان أوعى تفكر إنك تقرأ الكتاب ده
- - -
ما زاد إعجابى من هذا الكتاب ؛ بجانب العديد من مميزاته .. كلغته العربية الفصحى الخالية من التعقيد أو بمعنى أصح : الأسلوب السهل الممتنع ؛ أنه جاء في آخر الكتاب بعبارات بسيطة تحمل معاني كبيرة تحت عنوان حتى تكون أسعد الناس وفيها مثلاً :
 
ما مضى فات وما ذهب مات ؛ فلا تفكر فيما مضى فقد ذهب وانقضى .
- - -
اترك المستقبل حتى يأتى ولا تهتم بالغد ؛ لأنك إذا أصلحت يومك صلح غدك .
- - -
الكتاب أحسن الأصحاب ؛ فسامر الكتب وصاحب العلم ورافق المعرفة .
- - -
عش مع القرآن حفظاً وتلاوة وسماعاً وتدبراً ؛ فإنه من أعظم العلاج لطرد الهم والحزن .
- - -
أقتنع بصورتك وموهبتك ودخلك وأهلك وبيتك تجد الراحة والسعادة .
- - -
إياك والذنوب ؛ فإنها مصدر الهموم والأحزان وهى سبب النكبات وباب المصائب والأحزان .
- - -
لا تكن كالذباب لا يقع إلا على الجرح ؛ فإياك والوقوع فى أعراض الناس وذكر مثالبهم والفرح بعثراتهم وطلب زلاتهم .
- - -
إذا اشتد الحبل انقطع ؛ وإذا أظلم الليل انقشع وإذا ضاق الأمر اتسع ولن يغلب عسر يسرين .
- - -
فن النسيان للمكروه نعمة وتذكر النعم حسنة والغفلة عن عيوب الناس فضيلة .


على فكرة دي مش تدوينة دعائية .. أنا ماليش أي علاقة بدور النشر .. وعموماً أنا مستعد إني أقرض الكتاب لأى حزين .. بس يجيب أوراق رسمية إثبات ؛ مختومة من مصلحة الهم التابعة للمجلس الأعلى للأحزان !

Thursday, November 1, 2007

معقولة .. انا بدون تانى

السلام عليكم ورحمة الله وبركاته
أولاً : انا مش مصدق انى بكتب فى المدونة تانى .. بجد كنت قربت انسى التدوين وعالم التدوين
ثانياً : احب اشكر وأعتذر جداً لكل من دخل المدونة وسأل عليا وكان قلقان على طول الغيبة واقولهم ما تقلقوش لو حصلى حاجة وحشة ليا اصدقاء كتير متابعين للمدونات وهيعرفوكوا اى خبر مش كويس
ثالثاً : احب اقولكم .. انى أحبكم فى الله
رابعاً : سبب الغيبة دى بدأت كالآتى .. آخر بوست كتبته شرف ما بعده شرف كتبته بطلوع الروح عشان الجهاز كان عليه كمية فيروسات لا حصر لها وكل فيروس له وظيفة مختص بها فى حصارى والتضييق علىَّ ومش كده بس .. كانت سرعة النت .. سرعة ايه ما ينفعش أقول سرعة .. كان بطىء النت يجيب للكبير شلل أطفال .. فأنا قلت هحرق دمى ليه ؟ وانشغلت فى رمضان اللى يومة على ما ناخد بالنا انه بدأ نلاقيه أنتهى .. لحد ما رضيت عن الجهاز وفضيلته إنى اخلى حد يظبطه ويروقه .. وربنا يسامحه روقهولى على الآخر لدرجة انه لما عجز عن مكافحة كل الفيروسات فرمت هارد من الاتنين .. لأنى مشغل الجهاز بهاردين .. وساعات انا بعتبر ان الحجات اللى على الهارد دى ثروة الواحد .. لأن كل حاجه على الهارد إما تعبت فى البحث عنها على النت وتوصلت ليها وتعبت فى انتظار التحميل .. او تعبت لحد ما لقيتها عن واحد صاحبى وخدت الإم بى ثرى بفيروساته ونقلتهاله وانا خدت منه وقت عشان ينقلى وخدت منه وقت تانى عشان يشيل الفيروسات اللى نقلتهاله فالموضوع مش سهل عشان هارد يتفرمت بالسهوله دى وفى الآخر يعتذرلى ويقول انا حاولت معاه وما لقتش حل تانى .. ولما عرفت .. وكأنى أم فقدت ابنها اللى تعبت فى تربيته وكبر على ايديها فى لمح البصر فكما الموت يأتى بغته .. الفرمتة تأتى بغتة .. وبعدما عاد الجهاز للعمل وانتهى رمضان .. بدأ العيد فمر العيد كضيف خفيف .. ولما فكرت انى افتح الجهاز لأول مره بعد العيد تذكرت مصيبتى فى فقد ثروتى فأقفلت الجهاز وغضبت عليه .. ولكن النسيان نعمة عظيمة من الله .. الواحد مش هيعيش طول عمره عايش بحسرته على الهارد .. والهارد اللى ما اتفرمتش ابقى من الهارد اللى اتفرمت .. وقدرت انى اتغلب على احزانى وارجع للتدوين من تانى عشان احكيلكم على المأساه اللى مر بيها جهازى ..
خامساً : ما أوعدكوش انى هكتب بإنتظام .. يعنى ممكن الغيبة تطول .. عشان انا حالياً مش عايش حياه مستقره من ناحية العمل ولسه بظبط أوراقى وبرتب لشكل حياتى فى المرحلة القادمة وكمان الواحد لازم يشوف موضوع الجواز ده بقه .. أظن كفاية كده
سادساً : كل سنة وانتوا طيبين وعساكم من عوادة

Monday, September 10, 2007

شرف ما بعده شرف

يغفل الكثير منا عن الكنز الربانى الذى اهداه الله لنا
عن الإعجاز العلمى والأدبى الذى بين ايدينا
عن فضل كبير وشرف عظيم فى الدنيا قبل الآخرة
بمناسبة قدوم شهر رمضان خصصت هذه التدوينة لبعض الأحاديث النبوية التى تتحدث عن شرف أهل القرآن وفضل تلاوته وارجوا من الله ان يكون عامنا كله قلوبنا عامرة بالقرآن
-
-
عن عثمان بن عفان أن رسول الله صلى الله عليه وسلم قال ( خيركم من تعلم القرآن و علمه ) رواه البخارى ومسلم
-
-
عن عقبة بن عامر ان رسول الله صلى الله عليه وسلم قال (أيكم يحب أن يغدوا كل يوم إلى بطحان /موضع فى المدينة/ أو إلى العقيق /واد بظاهر المدينة/ فيأتي منه بناقتين كوماوين/أى الناقة العالية السنام/ في غير إثم ولا قطيعة رحم) فقلنا يا رسول الله كلنا نحب ذلك، قال (أفلا يغدوا أحدكم إلى المسجد فيعلم أوفيقرأ آيتين من كتاب الله –عز وجل- خير له من ناقتين وثلاث وأربع خير له من أربع، ومن أعدادهن من الإبل ) رواه مسلم
-
-

عن أنس رضي الله عنه أن رسول الله صلى الله عليه وسلم قال(إن لله أهلين من الناس قالوا: من هم يا رسول الله ؟ قال: أهل القرآن هم أهل الله وخاصته) رواه النسائي وابن ماجه
-
-
عن عائشة رضى الله عنها أن رسول الله صلى الله عليه وسلم قال ( الذي يقرأ القرآن وهو ماهر به مع السفرة الكرام البررة والذي يقرأ القرآن وهو عليه شاق له أجران ) رواه الترمذى
-
-
عن ابى ذر أن رسول الله صلى الله عليه وسلم قال ( يا أبا ذر لأن تغدو فتعلم آية من كتاب الله خير من أن تصلى مائة ركعة ولأن تغدو فتعلم بابا من العلم عمل به أو لم يعمل به خير من أن تصلى ألف ركعة ) رواه ابن ماجه
-
-
عن فضالة بن عبيد أن رسول الله صلى الله عليه وسلم قال ( لله أشد أذناً /أى : استماعاً/ للرجل الحسن الصوت بالقرآن من صاحب القينة /أى المغنية/ إلى قينته )رواه ابن حبان
-
-
عن عبد الله بن عمرو بن العاص أن رسول الله صلى الله عليه وسلم قال( يقال لصاحب القرآن اقرأ وارتق ورتل كما كنت ترتل في الدنيا فإن منزلك عند آخر آية تقرؤها) رواه ابن حبان
-
-
عن ابى ذر أنه قال : قلت يا رسول الله أوصنى؛ قال صلى الله عليه وسلم( عليك بتقوى الله ؛ فإنه رأس الأمر كله ) قلت : زدنى قال صلى الله عليه وسلم ( عليك بتلاوة القرآن فإنه نور لك فى الأرض وذخر لك فى السماء ) رواه ابن حبان
-
-
عن جابر أن رسول الله صلى الله عليه وسلم قال (القرآن شافع مشفع وماحل /أى: مدافع/ مصدق . من جعله أمامه قاده إلى الجنة . ومن جعله خلف ظهره ساقه إلى النار ) رواه ابن حبان
-
-
عن ابى هريرة أن رسول الله صلى الله عليه وسلم قال ( ما اجتمع قوم في بيت من بيوت الله تعالى يتلون كتاب الله ويتدارسونه فيما بينهم إلا نزلت عليهم السكينة وغشيتهم الرحمة وحفتهم الملائكة وذكرهم الله فيمن عنده ) رواه مسلم
-
-
عن ابى شريح قال : خرج علينا رسول الله صلى الله عليه وسلم فقال( ابشروا ؛ أليس تشهدون أن لا إله إلا الله وأني رسول الله ؟ قالوا : نعم . قال : فإن هذا القرآن طرفه بيد الله ، وطرفه بأيديكم ، فتمسكوا به ؛ فإنكم لن تضلوا ولن تهلكوا بعده أبدا ) رواه ابن حبان
-
-
عن على بن ابى طالب رضى الله عنه أن رسول الله صلى الله عليه وسلم قال ( من قرأ القرآن فاستظهره /أى حفظه عن ظهر قلب/ فأحل حلاله وحرم حرامه أدخله الله الجنة وشفعه فى عشرة من اهل بيته كلهم قد وجبت لهم النار ) رواه الترمذى
-
-
عن عقبه بن عامر قال سمعت رسول الله صلى الله عليه وسلم يقول ( الجاهر بالقرآن كالجاهر بالصدقة والمسر بالقرآن كالمسر بالصدقة ) رواه الترمذى
-
-
عن ابن مسعود ان رسول الله صلى الله عليه وسل قال ( من قرأ حرفاً من كتاب الله فله به حسنة والحسنة بعشر أمثالها ؛ لا أقول ألم حرف ولكن ألف حرف ولام حرف وميم حرف ) رواه الترمذى
-
-
عن عبد الله بن عباس ان رسول الله صلى الله عليه وسلم قال ( إن الذى ليس فى جوفه شىء من القرآن كالبيت الخرب ) رواه الترمذى
-
-

هل بعد هذا كله نغفل عن كتاب الله !؟

فاللهم اجعلنا من أهل القرآن الذين هم اهلك وخاصتك واجعل اللهم القرآن العظيم ربيع قلوبنا ونور ابصارنا وجلاء همومنا وأحزاننا .. اللهم علمنا منه ما جهلنا وذكرنا منه ما نسينا وارزقنا تلاوته آناء الليل وأطراف النهار على الوجه الذى يرضيك عنا

Wednesday, August 29, 2007

واستراح الجميع

أمى : ايه اللى مدايقك !؟
انا : قلقان .. ومش مستريح .. مش عارف هدخل الجيش ولا هاخد إعفا .. زى خالو.. احمد ابنه لاهو عايش ولا ميت
أمى : ربنا يقدر اللى فيه الخير
-
-
ويمر الوقت بصعوبة إلى ان يأتى اليوم التالى
واذهب إلى منطقة التجنيد .. ثم يأتى دورى فى الكشف الطبى
-
-
عسكرى : ياسر محمد رضا سليم
أنا : نعم
-
-
ادخل غرفة الكشف .. والدكتور يكشف على عيناى لفترة لا تتعدى دقائق .. ولكنها بالنسبة لى ساعات .. الآن سيتحدد هل سأدخل الجيش أو آخذ معفاة .. وماذا لو دخلت الجيش .. وقد رأيت انا ومن معى أسوأ معاملة ونحن ننهى أوراقنا فقط .. فماذا إذا دخلنا الجيش .. كان تعامل العسكر معنا وكأننا العدو أو مجرمين او اننا مواطنين من الدرجة الرابعة .. كل ذلك دار بخواطرى .. إلى ان رأيت الدكتور يكتب على ورقى غير لائق .. أقل من -4 بالعينين .. ورأيتها وكأننى أخذت شهادة ميلاد
-
لم أرى فى مكان أحد يتمنى ان يكون غير لائق إلا فى التجنيد
-
خرجت مسرعاً لأتصل بأمى
-
-
أمى : إيه الأخبار .. عملت إيه ؟
أنا : (بكل فخر) غير لائق
أمى : يعنى ايه ؟
أنا : يعنى اعفاء
أمى : ألف مبروك
أنا : الله يبارك فيكى
أمى : (ببكاء) طيب تعالى بسرعة عشان احمد مات ياياسر
أنا : طيب حاضر .. سلام عليكم
أمى : وعليكم السلام

-

-

تذكرت .. قلقان .. ومش مستريح .. مش عارف هدخل الجيش ولا هاخد إعفا .. زى خالو.. احمد ابنه لاهو عايش ولا ميت
فى نفس الوقت الذى حصلت فيه على الإعفاء فقد خالى فلذة كبده الذى اكمل الشهادة الإبتدائية هذا العام بعد معاناه فى المستشفيات دامت 21 يوماً .. لم يستطع خلالها الصنايعيه (الدكاترة) أن يشخصوا المرض
-
وأتجهت إلى ركن .. لأفتح المصحف وأقرأ سورة الملك .. ويالها من لحظات .. عندما يلهمك الله تدبر آياته .. أهذه سورة الملك التى قرأتها قبل ذلك مرات ومرات .. ألا يتفكر الإنسان فى المعانى الربانية إلا فى الأوقات العصيبة ألا يتأثر الإنسان بوقع الآيات على نفسه إلا فى سويعات معدودة من حياته .. واحسست انى لم اقرأ قرآنا قبل هذا اليوم
وكان ذلك فى تمام الساعة العاشرة صباحاً تقريباً ولكن هيهات ان يتركونا قبل ان ننال شيئاً من الذل والإهانة .. ولم نغادر منطقة التجنيد إلا بعد الساعة الخامسة مساءاً .. وذلك بعدما باءت محاولاتى بالفشل ان اغادر المنطقة واعود لأكمل اوراقى فى اليوم التالى
-
-
ويدفن أحمد وانا فى منطقة التجنيد

Tuesday, August 21, 2007

حياتنا كلمات .. مقبرة التاجات

فجأة لقيت هجوم تاجات من حيث احتسب ومن حيث لا أحتسب .. بس الحمد لله كل اللى بعتولى كان عبارة عن تاج واحد بس جاى من مصادر مختلفة من خليك فى حالك مع انه ما رحلهاش بس هى ادتنى اللينك بتاعه عشان احله جزاها الله خيراً ومن بنت ابيها وده كان أول تعليق ليها هنا فى المدونة بتدينى فيه تاج .. ومن رؤية اللى حطانى أول أسم عشان هاخده يعنى هاخده .. وممكن نعتبرة كمان من ظل قلم مع انى ما زعلتش حد فيهم خالص .. لكن مش عارف هما بيعملوا معايا كده ليه
-
-
اسم مدونتك ؟
من أولها أسئلة خصوصية كده .. انا آسف مش هقدر ارد على السؤال ده
-
-
لماذا اخترته ..وماهي نيتك من وراء اختياره؟
ادخل على أول بوست وانته تعرف .. حياتنا كلمات
-
-
هل فكرت فى إغلاق مدونتك ؟ والسبب ؟
اه .. من اسبوعين كده .. والسبب انى بقيت مشغول جداً وما عنديش وقت اتابع مدونات حد ولا حتى اكتب بوست وحتى لو كتبت بوست ما عنديش وقت ارد على تعليقات المدونين .. والمواضيع دى عايزة وقت كبير .. وبعد مشاورات مع نفسى تراجعت عن انى اغلق المدونة .. بشرط ألا يأخذ منى التدوين ما كان يأخذه منى من الوقت
-
-
صورتك في المدونة ورمزيتها ؟؟
صورتى فى المدونة دى صورتى وانا صغير.. قول للزمان ارجع يا زمان .. حد عنده مانع ؟
-
-
لماذا دخلت عالم التدوين من الاساس؟

انا كنت بتابع المدونات من بعيد قبل ما ادخل .. لحد ما وقعت فى الفخ وعملت مدونة
-
-
التعليقات بالنسبه لك اهميتها؟
كل انسان محتاج آراء الآخرين .. لأنى مش عايش لوحدى فى الدنيا وكمان مش انا اللى احكم على كلماتى .. لازم اعمل لآراء الناس اهمية .. وهى إما تدينى تشجيع و دفعة أو تصحح لى وجهة نظرى .. بس للأسف فى ناس بتكتفى بقراءة العنوان وتدخل تعلق تقول تدوينة جميلة جداً جزاكم الله خيراً جعلها الله فى ميزان حسناتك
-
-
احلى بوست كتبته ...ضع اللينك ؛ ثم اذكر لماذا ؟
فعلاً سؤال صعب .. لأن كل حاجه كتبتها عزيزه عليا جداً .. وبحمد ربنا انه وفقنى اكتبها على المستوى ده
-
-
أفضل بوست قرأته؟ وضع لينكه؟
كان موضوع الدكتورة نور ظل قلم كاتباه اسمه لماذا الإسلام كان مكون من اربع بوستات .. وفى كذا بوست قرأته فى كذا مدونة كان اكثر من ممتاز ..
-
-
أفضل مدونة قرأتها؟

ممكن اقول كل المدونات اللى موجودة على الشمال دى مفضلتى .. وطبعاً فى مدونات كتيرة انا لسه ما توصلتش إليها .. يعنى دول اللى توصلت ليهم .. لكن فى مدونة انا مبهور بيها وبصاحبها وبعتز جداً انى تعرفت على صاحبها وهى مدونة
محمد شمــ(الدين)ـــس
-
-
أسوأ بوست أسوأ مدونة؟
انا كذا مرة وأنا بقلب فى المدونات .. ادخل مدونات أحس انى دخلت هنا غلط .. وفى مرة لقيت نفسى فى مدونة امرأة مثلية .. وبصراحة ما كنتش مركز يعنى ايه مثلية دى .. مش عارف جهل منى ولا ايه .. المهم قريت بوست لحد ما فهمت يعنى ايه .. فأنا احب اوصلها هى وامثالها رساله بسيطة .. اذا بُليتم فاستتروا
-
-
هيحصل ايه لإيميلك لما تموت ؟؟
على وزن الكفن مالهوش جيوب
القبر ما فهوش ما سنجر
-
-
اديت الباسوورد لحد قبل كدا؟
أه .. لواحد كان هيكبرلى حجم الإيميل .. وبعدها واحد فلسطينى سرق إيميلى ورجعهولى .. بعدها غيرت الباسورد وماحدش يعرفه دلوقتى
-
-
كانت إيه طبيعة علاقتك بيه؟

اللى اديته الباسورد ؟ ولا اللى سرق الإيميل ؟ ياريت توضح السؤال شويه
-
-
اسمك؟
ياسر سليم
-
-
المشهور بيه وسط اصحابك؟

هيبقى تامر مثلاً ؟ ياسر سليم برضه
مش هغير أقوالى
-
-
شخصيتك نوعها إيه؟
من النوع المألوف
-
-
عمرك ؟
23
-
-
برجك ؟
برج الفردوس الدور الخامس
برج الجوزاء .. عشان فى ناس بتزعل وبتقول انى ما باخدش التاجات بجدية .. وانا كله إلا التاجات دى .. ممكن اخد اى حاجه هزار .. إلا التاجات باخدها بتهريج
-
-
السفر بالنسبة لك ؟
بحالات .. يعنى لو دولة تانية بيبقى فيها شىء من المتعة .. وبرضه لو محافظة تانيه فى مصر بحبها بحس ان المشوار خفيف على قلبى عكس ما اكون رايح بلد ما بحبهاش زى طنطا مثلا .. من غير ما حد يزعل
-
-
وقت فراغك بتعمل فيه ايه ؟
ايه ده هو فى حاجه اسمها وقت فراغ ؟
طب ياريت ألاقى .. دا انا عايز حد يسلفنى وقت من معاه
-
-
الأكلة المفضلة ؟
المكرونة البشمل .. بس طبعاً مش بتاعة اى حد .. والكبسة السعودى .. والريش الضانى .. ومن كام اسبوع كده جربت بربور البحر لقيته جامد جداً
-
-
الصفات اللي أخدتها من بابا؟
هو الحاج الوالد لما يبقى مبسوط منى وفرحان بيا يقول ياسر دا هو اللى طالعلى .. ومرة كان فى إختلاف فى وجهات النظر كده زى ما بيحصل فى احسن العائلات راح قالى انته طالع لمين ؟
أقول ايه بقه .. طالع فوق لأستاذ محمد جارنا ؟
-
-
الصفات التي أخدتها من ماما ؟
مش عارف .. ممكن ابعتلها تاج وأسئلها ايه الصفات اللى ابنك ياسر خدها منك
-
-
الإنترنت بالنسبة لك ؟
انا دلوقتى احسن من الأول بكتير .. كان فعلاً ممكن يتقال عليا مدمن نت .. دلوقتى الحمد لله اتحسنت كتير وماشى على العلاج
-
-
اكثر ست حجات بتكرها ؟
التاجات
التاجات
التاجات
التاجات
الخيانة
الظلم
-
-
اكثر ست حجات بتحبها ؟
ادون ومايجيليش تاجات
ما ألاقيش فى التعليق تاج جايلى
ما حدش يمررلى تاج
اعيش من غير تاجات
الأمانة
العدل
-
-
الشغل بيمثلك ايه؟
تضييع وقت
-
-
تمرر التاج لمين ؟
حياتنا كلمات .. مقبرة التاجات

Saturday, August 18, 2007

العريان وراء القضبان

الاسم: عصام العريان
الجنسية: مصري
مواليد 28
إبريل1954 بمحافظة الجيزة مركز إمبابة
مسئول المكتب السياسي لجماعة الإخوان المسلمين بمصر
المهنة: طبيب، وأمين عام مساعد نقابة الأطباء المصريين
كان أصغر عضو بمجلس الشعب المصري عام 1987، وهو المجلس الذي تم حله قبل استكمال مدته الدستورية
تم الحكم عليه بالسجن خمس سنوات في محاكمة عسكرية بمصر عام 1995، بسبب انتمائه إلى جماعة الإخوان
حاصل على بكالوريوس الطب والجراحة كلية طب القصر العينى بتقدير جيد جدا. تخصص في أمراض دم والتحاليل الطبية. وماجستير الباتولوجيا الإكلينيكية بتقدير جيد جدا. وسجل لرسالة الدكتوراة في الطب بجامعة القاهرة وأعيقت بسبب الاعتقال. ثم حصل على ليسانس الحقوق جامعة القاهرة وليسانس الآداب قسم التاريخ بجامعة القاهرة 2000 بتقدير جيد جدا. كما أن لديه إجازة في التجويد. ويستعد للحصول على الإجازة العالية في الشريعة الإسلامية من جامعة الأزهر. ويدرس الدكتور العريان دبلوم القانون العام في جامعة القاهرة
وتم إعتقاله مجدداً .. الجمعة
17 - 8 - 2007

وهذه الحملة مشاركة منى وصديقى مصمم الجرافيك عمرو الندرى تضامناً مع الدكتور عصام العريان
ـ
ـ









Wednesday, August 8, 2007

نعمة التغيير




كل منا له ميزات كما أن له عيوب ؛ وهناك جملة متداولة على الألسن يقولون : مافيش حد كامل ؛ وبكل صراحة : لا أتفق تماماً مع هذه الجملة .. وقد أرضى بإحلال ( صعب تلاقي ) محل ( مافيش ) .. إذ أنه يمكن أن يُوجد من هو كامل .. ففي الحديث الصحيح يقول الصادق المصدوق – صلى الله عليه وسلم - كمل من الرجال كثير .. فهناك من العلماء من قال أنه بهذا لم يُغلق الباب على أن يصل إنسان إلى الكمال .. فالطريق متاح لمن أراد .. ولكن هل الوصول إلى درجة الكمال سهل ؟ طبعاً ليس الأمر بهين .. ولكن يحتاج إلى جهد جهيد وإلى صبر ومثابرة ؛ يحتاج إلى إنسان أنعم الله عليه بنعمة التغيير .. ونعمة التغيير التي أقصدها .. هي أن يجاهد الإنسان نفسه على ترك عيوبه وصفاته المذمومة والتخلص منها واستبدالها بصفات محمودة .. وأن يتقبل الإنسان أي انتقاد لذاته لكي يحسن من صفاته ؛ رحم الله سيدي عمر بن الخطاب الذي دعا بالرحمة لمن يهدي إليه عيوبه .. فهناك من لا يتقبل أى انتقاد يوجه إليه ، ويكون به ما به من العيوب ، ولا يفكر يوماً أن يصلح من نفسه .. فلا يصارح نفسه ولا يصالحها .. شخصية لا تتعلم من أخطائها فتغير من أخلاقها بل يترك نفسه للهوى ؛ من يريد أن يصل إلى الكمال يحتاج إلى حصر ما يعرف من عيوبه ثم يسأل المحيطين به والمقريبن منه .. ثم يعالج هذه العيوب ويتخلص منها ؛ من يريد أن يصل إلى الكمال عليه أن يتفقد الصفات الحميدة و أن يلزم النفس على اكتسابها وخير مثال على ذلك ، الإمام أحمد عندما كان يئن في مرض موته ، فلما أخبروه أنه يروى عن طاووس أنه قال : أنين المريض شكوى ، ما أنّ حتى مات .. رحم الله الإمام أحمد كان ممن أنعم الله عليهم بنعمة التغيير وسرعة الاستجابة ؛ من يريد أن يصل إلى الكمال عليه أولاً وأخيراً أن يدعوا الله أن يعينه على ذلك ، وأن ييسر له وأن يجعله ممن يستمعون القول ويتبعون أحسنه .

Monday, July 30, 2007

وقفة مع النفس



لماذا أنت موجود على الأرض ؟


ما هى أكبر قضية وجدت لأجلها ؟


ما هو هدفك ؟


ما هو الطريق الذى سوف تسلكه للوصول إلى هدفك ؟


ما هى الخطوات التى سوف تمشى عليها ؟


ما هى العقبات التى سوف تواجهك ؟ وكيف تتغلب عليها ؟

.

.

ملحوظة : هذه الأسئلة ملطوشة للإستفادة وده مش تاج لحد يفهم غلط



Sunday, July 22, 2007

يوم مختلف



بدأ العام الدراسي الجديد .. وأصبح بالفرقة الثالثة .. وعند دخوله باب الجامعة تذكر العامين الماضيين وأخذ يتساءل ..

هل سأمضي عامي هذا مثل سابقيه .. نفس أصدقائي وبنفس طريقة حياتي .. نهاراً في الجامعة نتسامر مع الفتيات ..ومساءاً فى المقهى نلعب الطاولة وفى أيدينا الشيشة .. وعند تغيير المكان نذهب إلى النادي ومعنا إحتياجاتنا من السجائر لنتحدث في ماتش الكورة وأنواع السيارات والموبايلات .. ونتكلم أيضاً عن البنت الفلانية ماذا قلت لها وماذا قالت لي .. ثم نضحك كثيراً

وبهذا ينتهى اليوم .. ليبدأ يوم جديد مثله تماماً مع اختلاف الكلمات التي نقولها
وإذا به يحدث نفسه

ألا تحب أن تمضي يومك بشكل آخر على سبيل التجربة
وليه أجرب !؟ هو فى أحلى من الحياة اللي عايشها ؟صديقك محمود الذى كان يرافقنا دوماً .. ألتزم .. وترك صحبتنا بلا عودة
هي دى عيشة اللي عايشها !؟ حارم نفسه من كل حاجة .. دا حتى النادى ما يجيهوش
على سبيل التجربة أسبوع واحدأسبوع.. لاء كتير .. أنا هجرب يومين بس
وبالفعل أتصل بمحمود واتفقا أن يصليا العصر في مسجد بالقرب منهما ..
وفي الموعد المحدد ..
دخل المسجد .. وعندما جاء ليتوضأ .. تذكر أن هذه أول مرة يتوضأ فيها منذ ثلاث سنوات أو أكثر .. وصلاة الجمعة التي كان يصليها .. كان يصليها بعد ما يسمية بـ ( دُش الجمعة ) .. فأصبح في حيرة من أمره .. إلى أن تذكر تقريباً كيفية الوضوء .. ثم التحق بالصلاة .. وبعد صلاة العصر .. قام ليصلي ركعتين .. وفي الركعة الثانية جاء رجل ليصلي صلاة العصر خلفه .. فقام بقراءة سورة الفاتحة جهراً ثم سورة الإخلاص .. فأخذ الجميع فى المسجد ينظر إليه باندهاش ..

وعند انتهائه من الصلاة

سأله محمود : إنت كنت بتصلي إيه ؟
فرد قائلاً : كنت بصلي ركعتين سنة العصر
محمود : العصر مافيش بعده سنة
فرد قائلاً : عشان كده الناس كانوا بيبصوا عليامحمود : لاء طبعاً .. الناس مش عارفه إنت بتصلى إيه .. الناس كانت بتبص لأن صلاة العصر مافيهاش قراءة جهرية
تعالى نقرأ قرآن

أخذ المصحف .. ودارت بداخله مشاعر نحو المصحف لأول مرة يستشعرها وهي خليط من الرهبة والحب والخوف والتعظيم
محمود : هيا لنقرأ سورة ق
قرأ محمود 15 آية وقال له هذا دورك .. أقرأ
فبدأ يقرأ ليُكمل ما قرآه محمود وإذا به يتعتع في القراءة .. ولكنه مستشعر كل آية يقرأها و كأن الله أعطاه نعمة الفهم والتدبر
إلى أن وصل إلى الآية 30 فلم يستطع أن يتماسك أكثر من ذلك وانهمرت دموعه

Monday, July 16, 2007

مثلث الرعب



الفقر
-
الجهل
-
المرض
-
عند إجتماعهم فى بلد أو دولة معينة فهذه الدولة تستحق لقب متخلفة بجدارة
وفى الفترة الأخيرة احتلت مصر مرتبة متقدمة بين الدول المتخلفة وبجدارة
فإذا تكلمنا عن الفقر فى مصر .. فحدث ولا حرج
والجهل .. فإنتشاره واضح حتى بين المتعلمين .. نعم هناك الكثير من المتعلمين على قدر عالى من الجهل
أما بالنسبة للمرض .. فكل شىء من حولنا يجلب الأمراض
و الذى استفزنى وجعلنى اكتب فى هذا الموضوع .. هو رسالة جاءتنى على بريدى الإليكترونى وسأترككم معها

-
-
إضغط على الصورة لتكبير حجمها





أنا لن أعلق عليها .. وأترك التعليق لكم
لأن كل جزء فيها يحتاج إلى تدوينة خاصة بها .. بداية من كتابة الآية القرآنية خاطئة .. إلى التحدث عن الشخص الذى قام بكتابة هذة الورقة بخط يده ثم طوعت له نفسه أن ينشرها
ولم تكن هذه أولى الرسائل .. فكمية الأحاديث غير الصحيحة المنتشرة بين الإيميلات وفى الرسائل لا تعد .. ولا يكتفى من يرسلها بأن يرسلها فقط .. إنما يستحلفك بالله ان ترسلها لكل من تعرفة .. ثم يحسب لك كم الحسنات التى سوف تنالها من وراء إرسال هذه الرسالة .. وبحسن نية لا يتأخر من تأتى له الرسالة أن يرسلها لمن يعرفة وهكذا .. إلى ان تصل لى وعندها يحترق دمى حزناً على شباب المسلمين المتعلمين الجاهلين

Monday, July 9, 2007

ما دورنا !؟

مع بداية ظهور الإنترنت وظهور المواقع الاسلامية التى تنشر الدين الإسلامى ظهرت عدة مواقع تعادى وتسىء للدين الاسلامى وفى الفترة الاخيرة زادت هذه الإساءة من خلال بعض المدونات بل وتعدى الأمر إلى الإرسال لأعداد كبيرة على بريدهم الإليكترونى وقد تلقيت الكثير من هذه الرسائل وتيقنت أنه ليس مجهودآ شخصياً من معادٍ ولكن الأمر اكبر من التصور

ما دورنا تجاه هذه المواقع والمدونات ؟
ـ
ـ
أولاً
ترك هذا الموقع فور معرفتى بأنه من هذه المواقع وحتى عدم التحاور معهم
قال تعالى ( وَقَدْ نَزَّلَ عَلَيْكُمْ فِي الْكِتَابِ أَنْ إِذَا سَمِعْتُمْ آيَاتِ اللَّهِ يُكْفَرُ بِهَا وَيُسْتَهْزَأُ بِهَا فَلا تَقْعُدُوا مَعَهُمْ حَتَّى يَخُوضُوا فِي حَدِيثٍ غَيْرِهِ إِنَّكُمْ إِذاً مِثْلُهُمْ إِنَّ اللَّهَ جَامِعُ الْمُنَافِقِينَ وَالْكَافِرِينَ فِي جَهَنَّمَ جَمِيعاً ) النساء/140
ـ
ـ
ثانياً
عدم نشر الموقع بنية التحذير منه .. لأنك بهذا الفعل انت تساعدهم على زيادة عدد زوار الموقع وأخاف ان تكون ممن قال فيهم الله تعالى
" إِنَّ الَّذِينَ يُحِبُّونَ أَنْ تَشِيع الْفَاحِشَة فِي الَّذِينَ آمَنُوا لَهُمْ عَذَاب أَلِيم "
ـ
ـ
ثالثاً
التيقن بأنهم لن يتفلتوا من عذاب الله
قال تعالى ( وَمِنَ النَّاسِ مَنْ يَشْتَرِي لَهْوَ الْحَدِيثِ لِيُضِلَّ عَنْ سَبِيلِ اللَّهِ بِغَيْرِ عِلْمٍ وَيَتَّخِذَهَا هُزُواً أُولَئِكَ لَهُمْ عَذَابٌ مُهِينٌ ) لقمان/6
ـ
ـ
رابعاً
الثقافة المضادة .. بنشر حديث صحيح لرسول الله والتأكد من صحته بنفسك
قال رسول الله(بلغوا عني ولو آية، وحدثوا عن بني إسرائيل ولا حرج، ومن كذب علي متعمدا فليتبوأ مقعده من النار). صحيح البخارى
وأخيرا احب أن أختم بهذا الحديث
قال رسول الله صلى الله عليه وسلم"توشك أن تتداعى عليكم الأمم كما تتداعى الأكلةُ إلى قصعتها، قالوا أومِن قلةٍ نحن يومئذٍ يا رسول الله؟، قال: لا بل أنتم يومئذٍ كثيرٌ ولكنكم غثاءٌ كغثاءِ السيل، ولينزعنَّ اللَّهُ المهابةَ من قلوبِ أعدائِكم، وليقذفنَّ في قلوبِكم الوهن، قالوا وما الوهن يا رسول الله؟، قال: حب الدنيا وكراهية الموت" صدق رسول الله صلى الله عليه وسلم

Tuesday, July 3, 2007

أنا والكورة وأسبانيا

ـ
ـ
كل كام يوم أسمع أن فى النهارده ماتش مهم قوى وحاسم وفاصل وعلى أساس الماتش ده هيتحدد مصير الأمة قصدى الفريق .. وكل اللى ممكن أعمله أسأل الماتش بين مين ومين وإذا اهتميت قوى أسأل فى نهاية الماتش هو انتهى كام كام .. وبصراحة من كام سنة كده عديت خطوطى الحمرا مع الماتشات وأتفرجت على الأهداف اللى حققها الفريقين فى ماتش كان مهم قوى
ـ
ـ
كيف بدأت حكايتى مع الكورة !؟
ذكرياتى مع الكورة كانت ذكريات مريرة .. انا حاولت كتير ابقى من المهتمين بالماتشات وأسامى اللعيبة والحجات الهبلة دى .. بس الحمد لله فشلت
ـ
ـ
لما كنت أفكر ألعب كورة وانا صغير .. كانوا يوقفونى جون .. وأفتكر ان فى مرة من المرات جت الكورة فى وشى ووشى نمل وحالتى بقت حالة .. من بعدها كانت اى كورة تيجى ناحيتى اوسع لها الطريق علطول وكانت حاجة من الاتنين .. اما تطلع برة .. مصلحة يعنى .. او كانت هتدخل جون .. وكنت اقول فيها ايه لما تدخل جون ما كله لعب .. المهم ان الكورة ما تجيش فى وشى تانى وده كان مبدأى .. بس مبدأى ما كنش للأسف هو مبدأ فريقى .. كان الفريق بيطلع خسارته عليا .. وكأن أنا السبب فى الهزيمة
ـ
ـ
كبرت وكبر معايا كرهى للكورة وذكرياتى الأليمة .. وكان حظى حلو إنى نشأت فى عائلة ليس بها مشجعين للكورة ولا مهتمين بها من الأساس
ـ
ـ
وعرف أصدقائى كرهى للكورة واللى بيلعبوها وإستهيافى للى بيتفرجوا عليها
ولما سألت أحد زملائى مره .. الماتش الساعة كام ؟ وكان من الماتشات المهمة قوى .. اللى ما بيعديش يومين ونلاقى ماتش مهم قوى .. قالى هوه انته ليك فى الكورة .. قلتله خلاص .. من النهاردة وجاى هيبقى ليا .. أنا بندم على كل ماتش فات فى حياتى وما أتفرجتش عليه
ـ
ـ
ولما كان أصدقائى المقربين جداً لهم ميولاً قريبة من ميولى ومالهومش فى الكورة .. سألت احدهم مش هتتفرج على الماتش بتاع النهاردة المهم قوى .. قالى هو أنا أهبل أضيع ساعة ونص من عمرى قدام ماتش كورة
ـ
ـ
وأيضا أخى مثلى تماماً فى بغضه للكورة وكان يومها ماتش مهم قوى برضه .. قلتله مش هتتفرج على الماتش .. قالى إيه هى هيفت ولا إيه !؟
ـ
ـ
وفى نهاية كل ماتش مهم قوى بين الفريق الأحمر والفريق الأبيض اللى مش عارف بيلعب لية .. وعمره ما فرح قلب جماهيره المخلصة .. اللى ما شافتش فريقها غلب فى يوم من الأيام وبرضة بتشجعة .. نلاقى الشباب الهايف كلة لبس احمر ومسك العلم الأحمر وضرب الكوتشى الأحمر وفجأة نلاقى الشوارع كلها أحمر فى أحمر.. وكأننا إستعدنا اسبانيا .. اسبانيا اللى ماضاعتش من المسلمين إلا عشان الهيافة

Thursday, June 28, 2007

NLP البرمجة اللغوية العصبية

ـ


البرمجة اللغوية العصبية علم جديد لا يزيد عمره عن عشرات السنين ويُطلق عليه البعض ( علم النجاح ) وقد وفقني الله أن ألخص بعض إفتراضيات هذا العلم في هذه السطور
ـ
ـ
- الخريطة ليست هي المنطقة

الخريطة : تصورك ، والمنطقة : العالم الحقيقي
وتقوم على إفتراض : ما هو تصورك عن العالم ؟
فتصورك عن العالم يختلف عن تصوري .. يختلف عن تصور شخص آخر
كم شيء تود تغييره إلى الأفضل أو بما يتفق مع رغباتك ؟
:: ببساطة  ::
بتغيير عقلك .. يتغير العالم
ـ
ـ
- إحترام رؤية الشخص الآخر للعالم

بما إن خرائطنا تختلف فمن غير المتوقع أن يتصرف الآخرون طبقاً لرؤيتنا للأمور
:: ببساطة  ::
خريطة مختلفة = تصرفات مختلفة
ـ
ـ
- توجد نية إيجابية وراء كل سلوك

أنت لم تدخل في نية أي شخص ولا تعرف
( لماذا فعل ما فعل )
وتذكر دائما :
أي تصرف لأي شخص في أي وقت لا يعبر عن الشخصية الكلية لهذا الشخص

فلا تدع تصرف ما لشخص ما في وقت ما .. يكون تصورك أو إدراكك الكلي لشخصيته .
ـ
ـ
- يبذل الناس أقصى جهودهم طبقاً للمصادر المتاحة لديهم

هل مررت بتجربة ما ثم قلت بعدها
(  أنا كنت غبي ياريتني فعلت كذا  )
لكنك لم تتذكر أنك حينما أقدمت على هذا الفعل كنت تتصور وقتها أن هذا هو أفضل تصرف ممكن ! أليس كذلك ؟
وهذا لأن المعلومات التي توفرت لك وقتها كانت تدفعك إلى هذا التصرف ولو توفرت لك المعلومات الكافية التى توفرت لك فيما بعد لأختلف التصرف ..!
لو طبقت هذا المبدأ على الأخرين ستمتنع عن إصدار أحكام مباشرة .. لأنهم يتصرفون طبقاً لما لديهم من معلومات .
:: فقط عليك أن :
تساعدهم أن يتفهموا أوضاعهم وأحوالهم بشكل أفضل .
ـ
ـ
- لا وجود للفشل وإنما هناك تراكم خبرات

لا يوجد شىء فى حياة الإنسان يسمى فشل
وكما قال اديسون عندما قيل له : لقد فشلت .. حاولت 999 مرة أن تصنع المصباح ولم تنجح .. أنت فاشل ؛ فقال : إننى لم أفشل .. أنا فقط إكتشفت 999 طريقة لا يمكن صنع المصباح بها ..!
:: وهناك مثل صيني يقول :
يأتى النجاح من القرارات الصائبة .. والقرارات الصائبة تأتي من الخبرة ..
والخبرة تأتي من التجارب .. والتجارب تأتى من التقدير الخاطىء للأمور!
ـ
ـ
- إذا تمكن شخص ما من فعل شيء ما .. فإن أي شخص آخر من الممكن أن يفعل الشيء ذاته

العقل لايضع ضمن أهدافه .. أهداف مستحيلة
إذا كان في مقدور شخص أن يفعل شيئاً .. فتأكد أنه في متناولك أيضا مهما كان هذا الشيء
ثق بقدراتك .. فأنت شخص فريد من نوعك ولا يوجد شخص آخر يشبهك .. لا هنا ولا فى مكان آخر
وأبذل أقصى جهدك لترتقى بحياتك .. وتكن كما تحب أن تكون .
ـ