Wednesday, August 8, 2007

نعمة التغيير




كل منا له ميزات كما أن له عيوب ؛ وهناك جملة متداولة على الألسن يقولون : مافيش حد كامل ؛ وبكل صراحة : لا أتفق تماماً مع هذه الجملة .. وقد أرضى بإحلال ( صعب تلاقي ) محل ( مافيش ) .. إذ أنه يمكن أن يُوجد من هو كامل .. ففي الحديث الصحيح يقول الصادق المصدوق – صلى الله عليه وسلم - كمل من الرجال كثير .. فهناك من العلماء من قال أنه بهذا لم يُغلق الباب على أن يصل إنسان إلى الكمال .. فالطريق متاح لمن أراد .. ولكن هل الوصول إلى درجة الكمال سهل ؟ طبعاً ليس الأمر بهين .. ولكن يحتاج إلى جهد جهيد وإلى صبر ومثابرة ؛ يحتاج إلى إنسان أنعم الله عليه بنعمة التغيير .. ونعمة التغيير التي أقصدها .. هي أن يجاهد الإنسان نفسه على ترك عيوبه وصفاته المذمومة والتخلص منها واستبدالها بصفات محمودة .. وأن يتقبل الإنسان أي انتقاد لذاته لكي يحسن من صفاته ؛ رحم الله سيدي عمر بن الخطاب الذي دعا بالرحمة لمن يهدي إليه عيوبه .. فهناك من لا يتقبل أى انتقاد يوجه إليه ، ويكون به ما به من العيوب ، ولا يفكر يوماً أن يصلح من نفسه .. فلا يصارح نفسه ولا يصالحها .. شخصية لا تتعلم من أخطائها فتغير من أخلاقها بل يترك نفسه للهوى ؛ من يريد أن يصل إلى الكمال يحتاج إلى حصر ما يعرف من عيوبه ثم يسأل المحيطين به والمقريبن منه .. ثم يعالج هذه العيوب ويتخلص منها ؛ من يريد أن يصل إلى الكمال عليه أن يتفقد الصفات الحميدة و أن يلزم النفس على اكتسابها وخير مثال على ذلك ، الإمام أحمد عندما كان يئن في مرض موته ، فلما أخبروه أنه يروى عن طاووس أنه قال : أنين المريض شكوى ، ما أنّ حتى مات .. رحم الله الإمام أحمد كان ممن أنعم الله عليهم بنعمة التغيير وسرعة الاستجابة ؛ من يريد أن يصل إلى الكمال عليه أولاً وأخيراً أن يدعوا الله أن يعينه على ذلك ، وأن ييسر له وأن يجعله ممن يستمعون القول ويتبعون أحسنه .

71 comments:

radwa said...

الكمال لله وحده
يمكن للانسان ان يصل لدرجة الكمال
لكن صعب جدا
احيانا قد يواجه الانسان نفسه وعيوبه
ويحاول يغيرها
لكن فى عيوب الانسان مايقدرش يغيرها فى نفسه
بتبقى طابع
والطبع يغلب التطبع
ممكن يصل لاحدى درجات الكمال
ولكنه لن يصل للكمال ذاته
فالكمال لله وحده
دمتم بود

نسيت احط لين التاج المره اللى فاتت
وادينى بحطه المره دى
http://sha2loob.blogspot.com/2007/07/blog-post_31.html

عازف الناى said...

الكمال لله
لايمكن بحال من الاحوال ان يصل انسان الى درجه الكمال
يمكن ان يصل الفرد الى درجه الكمال فى الايمان ويمكن ان ينقصه العلم فلا كمال له
ولا يمكن ان يصل الانسان الى الكمال فى العلم
لقول الله سبحانه وتعالى
وما اوتيتم من العلم الا قليلا
المهم
ان الانسان اذا وصل الى الكمال فى شىء فسينقصه اشياء كثيره
تجعل من الصعب بلوغه الكمال

دكتور حر said...

سلاماتي
أخي الغالي ياسر

حمدالله عالسلامة
فعلا يستطيع الانسان ان يسعى نحو الكمال
ويظل يسعى ما بقى من حياته رمق

ليس المهم نقطة الكمال لكن المهم أن نسعى ونتغير
موضوع مهم ولكن يحتاج إلى خطوات
بورك فيك

Anonymous said...

طال شوق انتظاري أملا يلوح فى الأفق البعيد
طمّ فى القلب اشتياقا فأبقى الشوق وأفنى الفؤاد
يستنزف الوقت العنادفأقول راض وعلى الله انقياد
أأنا حى؟ ام مع الأموات فى جوف الرقاد
أنا حىّ ميت بلا حياه او معاد
يضيع العمر..وظلت أعدو فهل ألاقى غير الأعادى؟
كل يد مدت إلىّ خلتها تنوى اصطيادى
قل فى الدنيا انتفاعى وفى الأخره كل المراد
ربنا عجل لنا كل خير وأحسن فى الدارين زاد

mo'men mohamed said...

ليس هناك من هو كامل كمال مطلق
فقد يصل الى كمال فى فرع معين و يكون ناقص فى آخر

ويكفينا فى كلامك الطيب قوله صلى الله عليه و سلم
من كان يومه مثل امسه فهو مغبون و من كان يومه أسوأ من أمسه فهو ملعون
جزاك الله كل خير
السلام عليكم

مـحـمـد مـفـيـد said...

كل منا يوجد لديه جوانب خفيه في حياته به قصور لا يعلمها سوي هو
لابد من العمل علي التخلص منها ان امكن

بوست رائع ومدونه محترمه

عصفور المدينة said...

أعتقد أن علم الإنسان بإمكانية التغيير وعلم الإنسان بوجوب التغيير
هو أول وسيلة للتغيير لأنه حينذاك سيسعى لمعرفة الجواب التي يحتاج لتغييرها سواء بدراسة نفسه او بالاستعانة باللآخرين
ومع ذلك كله يحتاج الأمر للعزيمة والصدق

عصفور المدينة said...

أعتقد أن علم الإنسان بإمكانية التغيير وعلم الإنسان بوجوب التغيير
هو أول وسيلة للتغيير لأنه حينذاك سيسعى لمعرفة الجواب التي يحتاج لتغييرها سواء بدراسة نفسه او بالاستعانة باللآخرين
ومع ذلك كله يحتاج الأمر للعزيمة والصدق

مريم said...

جهاد النفس ده هو الجهاد الاكبر
كل يوم بغلط
بس الحمد لله مش بستمرئ الغلط ودايما النفس اللوامة شايفة شغلها تمام معايا
لو موصلناش للكمال ع الاقل المحاولة هتفرق كتير

Anonymous said...

مبارك نجاحك يانجم التجاره
وقلبى فرحلك وزف البشاره
وفرحت بيتك وكل العماره
نجاحك بجهدك دا أول شراره
فى دنيا عايشها وترفع مناره
لدينك وتجبر
بعزم إنكساره
وأملك يهون عليك إنتظاره
ودايما مكانتك فى أعلى مكانه
فى جنه إلهنا وليها اشتياقنا

belal said...

هاتكلم براحتي ..ولا تزعل يا عم
...
تصدق فعلا أول مرة آخد بالي إن الباب مفتوح

غمض عينيك said...

هي دي الدنيا وهي دي الحياة

مفيش حد كامل دلوقتي..واللي مابحاولش يصلح من نفسه ويوصل للكمال ده يبقى مش عايش

تحياتي ليك
محمد سمير

تائهة فى أرض الأحلام said...

المشكلة ان مابقاش فيه بيئة تساعد على رجوع الصفات الحميدة
لان كل شئ حولنا بيساعدنا على اكتساب الصفات السيئة بداية من الغضب لغاية الانانية وحب النفس


تحياتى لك على انسانيتك الرائعة

خالد حفظي said...

صدق الله
إن الله لا يغير ما بقوم حتى يغيروا ما بأنفسهم
كلماتك معبرة أخي الكريم ولها في النفس صدى وأسأل الله أن يعيننا على أنفسنا و رحم الله أبا القاسم الشابي حين قال
إذا ما الشعب يوما أراد الحياة
فلابد أن يستجيب القدر
خالص تحياتي

نـــــــور said...

ماشاء الله البوست جميل جدا
وفيه كلمات درر

فعلا لابد من ان الواحد يشعر انه محتاج انه يتغير ويسعى ويحاول يصل إلى صورة كاملة نوعا ما

وربنا يجعلنا ممن يستمعون القول فيتبعون احسنه ..

بارك الله فيك

مش هنسى said...

جزاكم الله خيرا كلمات جميلة
بس إنت عارف يامعلم ياسر فعلا نفسى الناس تعرف فضل تقبل النصيحة ومعرفة عيوبها وياغرب ياخد بأيديننا
إيه رأيك فى التعليق يامعلم بدون رياء فى الجون

mazagat said...

رائع يا ياسر


المشكلة ان الناس مش عارفعه نعمة التغيير دي فعلا

وفي أناس عندها عقدة انها كاملة ولو حد قاله انك فيك عيب كذا .. فكأن الشمس طلعت من مغربها

عافان الله من النظرة المستبدة دي


دم طيبا حبيبي



... مزاجات

يا مراكبي said...

لنا أن نحاول دائما ونسعى إلى ذلك رغم إستحالته .. لكن علينا السعي الدؤب والإقتراب من الكمال أكثر وأكثر .. حتى آخر يوم في عمرنا

Sally said...

بجد انا باجي هنا ببقي سعيدة جدا
موضوعاتك ياياسر بتعجبني مووووووت بتفق معاك في كل كلمة

اذا غمرت في أمرا مروم فلا تطمع فيما دون النجوم

حقاالكمال والتكامل بوجهات نظر الاخرين طريق التميز

احياك بشدة

Anonymous said...

التغيير نعمة من المولى عز وجل

هكذا هي سنة الدنيا تجري منذ خلقها الله عز وجل ليرى الخلق تنوع الأفكار وثراء التجارب ...

لكن في وقتنا هذا حدث العطب الذي وجب معه العمل لإصلاحه وإعادته لطبيعته

الرجاء المشاركة معنا في حملة استقبال رمضان

دمت بخير

هاني جابر said...

السلام عليكم
اخي الحبيب ياسر
ربنا يكرمك
فعلا تغيير النفس من اهم الأشياء لاننا لسنا ملائكة مع انه من اصعب الأشياء لان مجاهدة النفس صعبة
ولكن يقول الله تعالي : إن الله لا يغير ما بقوم حتي يغيروا ما بأنفسهم

ياسر سليم said...

اعزائى واحبائى

زوار المدونة الكرام

أعترف بتقصيرى الشديد فى حق مدونتى ومدوناتكم

ولكن هذا لظروف داخله عن إرادتى ثم اصبحت خارجة عن الإرادة

ياسر سليم said...

radwa

يارب ديما منورة التعليقات

بس انتى اتكلمتى فى نقطة الكمال الربانى ودخلتيه فى الكمال الإنسانى .. وده ما لهوش علاقه بده

والكمال الإنسانى موجود وإلا ما كنش الرسول صلوات الله وسلامة عليه ذكرة فى الحديث
كمل من الرجال الكثير

فأنا هنا بتكلم عن الكمال الإنسانى

وانا مش عارف والله تاعبه نفسك ليه بس معايا وعماله بتدوريلى على تاج احله

انا كده كويس والله ومستريح

عموماً قولى يارب

ياسر سليم said...

عازف الناى

استاذ سيد

انا لسه كنت برد على الأخت رضوه فى الموضوع ده

ان فى فرق بين الكمال الربانى والكمال الإنسانى

والدليل ان فى كمال انسانى .. ان الرسول صلى الله عليه وسلم قال .. كمل من الرجال الكثير

وكفا به دليل

ياسر سليم said...

دكتور حر

ولك الكثير من السلامات والتحيات

الله يسلمك

الحمد انته وصلت للمعنى اللى انا عايز اوصله

على الأقل خالص .. ان الإنسان لو حط فى دماغة انه ممكن يوصل فى يوم من الأيام لدرجه الكمال .. فده هيبقى دافع ليه انه يغير من نفسه .. ويحاول انه كل يوم يبقى احسن من اليوم اللى قبله

ياسر سليم said...

محن ومنح

رداً على التعليقين


جزاكم الله خير الجزاء
واسكننى انا واياك فسيح الجنات


قول آمين

ياسر سليم said...

مؤمن

ازيك يا عم مؤمن

ما تحدثت عنه هو السعى نحو الكمال
بالمجاهدة وتغيير النفس

وقد وصل بالفعل رجال إلى الكمال بعد سعى دؤوب

وقال عنهم صلى الله عليه وسلم

كمل من الرجال الكثير

ياسر سليم said...

محمد مفيد

يا مرحا

غالباً دى اول مرة تعلق هنا

منور يا سيدى

وعلى فكرة اى حاجه سيئه عند الإنسان يمكنه ان يتخلص منها بالفعل .. ولكن إن اراد هو

ياسر سليم said...

عصفور المدنية

وهذا ما اردته من هذه التدوينة

ان بمجرد معرفة الإنسان ان هناك امكانيه لتغير النفس .. وعنده صبر على هذه المشقة .. فسيتغير ان شاء الله ان اراد ذلك

لكن هناك من يقول : انا كده

وكأنة سيظل هكذا إلى ان يموت ان اراد او لم يرد .. فلا يسعى الى تغيير الذميم من صفاته

Mirage said...

الكمال ده شىء نسبى

لأنك لا تستطيع تعرف الكمال

فالكمال الذى يبدو فى عينيك كمال قد يبدو فى عين شخص آخر نقص شديد والعكس صحيح

ياسر سليم said...

مريم

والله بجد انا حسيت انك حسيتى بكل كلمة قريتيها

وانا فعلاً كنت عايز الكل يوصل للمعنى اللى انتى وصلتى ليه

اللى هو اننا لو موصلناش للكمال على الأقل اننا نحاول وهيفرق معانا كتير جدا

خالص
تحياتى

ياسر سليم said...

اشياء اخرى

بلال افندى

وادينى يا عم خليتك تاخد بالك

ياسر سليم said...

غمض عنيك

انته قلت معنى بسيط بس جميل قوى

اللى ما بيحاولش يصلح من نفسه يبقى مش عايش

تحيات جامده يا محمد باشا

ياسر سليم said...

تائهة فى أرض الأحلام

انتى لسه تايهة :)

ما هى دى بقه التلاكيك

لا يكلف الله نفساً إلا وسعها

علينا اننا بقدر امكانا اننا نحسن من نفسنا وأخلاقنا .. وما نقولش البيئه والأسرة وبتاع

تحياتى ليكِ

ياسر سليم said...

وطـنى

ده أول تعليق لحضرتك عندى فى المدونة

اللى فات كان دعوة للمشاركة فى موضوع الفتنه الطائفية

يسعدنى وجود تعليقك على كلاماتى

وكلماتك وسام على صدرى

تحياتى

ياسر سليم said...

نـــور

الأول حمدلله على سلامتك من اسكندرية

ويارب تكون كانت ايام جميلة

وديماً انتى رافعة من روحى المعدنية

ربنا يكرمك

ياسر سليم said...

مش هتنسى .. حسين رضا

والله يا معلم حسين كفاية تشريفك لحد عندنا

دى لوحدها فى الجون

ياسر سليم said...

مزاجات

ما هى عشان كده هى نعمة

ربنا انعم بيها على ناس وناس لاء

ناس ما تعرفش اساساً حاجة اسمها انها تغير من نفسها

وتيجى تتكلم معاها

يقول انا كده ..

ياسر سليم said...

يا مراكبى

وده المعنى اللى انا كنت عايز اوصله

وحضرتك وصلت ليه

اننا نسعى .. وده لوحده شرف

شرف محاولة تغيير النفس

ولكن اقولك انها نعمة

هناك من يستطيع ان يغير من نفسه .. وأخر لا يستطيع ولا يتقبل .. عافانا الله

ياسر سليم said...

بالله المستعان

انا سعات بدخل بلاقى المدونة منورة .. من غير كهربا

أقول ايه ده ؟! .. أدخل التعليقات ألاقيكى سايبالى تعليق :)

كلماتك وسام على صدرى

جزاكم الله خيراً

ياسر سليم said...

صاحب المضيفة

اولا مرحباً بيك كمعلق

ثانياً انا سمعت عنك كذا مره وعايز اقابلك

ربنا يكرم ونتقابل قريب

تحياتى

ياسر سليم said...

هانى جبر

وعليك السلام والرحمة

جزاكم الله خيراً على المرور الطيب

وأكرمك الله

Sally said...

ايه الردود الجامده دي بس ياياسر
خلاص بقي متكسفنيش

بس من فضلك اتفضل عندي في المدونة
في تاج وقار مستنيك
هناك

تحياتي وخلاص احترامي

رؤية

الحلم العربي said...

اللهم اجعلنا ممن يستمعون القول فيتبعون أحسنه
آميييين

جزاك الله خيرا

The Manager said...

تلاقى فى الكتب القديمة قوي
مكتوب عليه (كتبه العالم الكامل فلان الفولاني ) المقصود كمال بشري نسبي طبعا
ربنا يرزق ويرزقنا جميعا الكمال :)

دة طريق طويل جدا وزي ما قلت اوله انك تدعي ان ربنا يعينك وكمان هتبدأ طبعا فى مجاهدة نفسك ومخالفتها

بوست جميل قوى
تحياتى ليك :)

radwa said...

حمدالله على السلامه يا اخ ياسر

ولــــــــــو said...

ياريت الاول نحاول اننا نجاهد انفسنا وان استطعنا التغلب عليها يكون فيه امل اننا نتحسن ونتقدم ونبقى ناس جديره بالحياه
تحياتي ليك وللبوست الرائع
واسف على التاخير

gohayna said...

طبعا كل الاخوه قالوا الكمال لله وحده


وانا معاهم في كدا

وطبعا كلنا بنسي انننا نحاول نصلح من عيوبنا

صحيح منتبعش الاتكاليه علي المبدأدا ابدا

اننا مش كاملين كعذر عشان يبرر اخطائنا

انما نحاول ونجاهد نفسنا

وربنا يكرمنا يارب ان شاء الله


صحيح فيه عيوب بتكون صعبه تغيرها

لكن مش مستحيله اكيد

ربنا يعينا ويعينك يا ياسر

بعتذر عن تاخيري والله

تحياتي ليك

yasmina said...

هو احنا دايما لازم نسعى للافضل ونتعب عشانه
بس طبعا في النهاية الكمال لله وحده

تحياتي

فن الحياة said...



التغير للاحسن .. والتعلم صفة ملازمة للانسان العاقل اغلب الوقت .. لازم يغلط ولكن احسنهم ئلي بيتوب

كل ابن خطاء وخير الخطائين التوابون :)

جزاكم الله كل خير اخي فعلا بوست رائع :)

FadFadA said...

أعتقد يا ياسر اننا نحتاج للتعرف على أنفسنا جيدا
فعندها نستطيع أن نتغير للأفضل
و نستطيع أن نغير إلى الأفضل
محمد

جهاد خالد said...

أولا : جزاكم الله خيرا على البوست المميز بالفعل

وشخصيا فإنني دائما ما أقول
أن الكمال هو الشيء الوحيد الذي أوقن أنني لن أصل إليه
ولكنني مع هذا أسعى إليه بكل ما أملك


ثانيا بقى :

ياريت تقبل الدعوة دي وتشاركنا

هيا نعد إلى الله

هيا نتمسك بأطواق النجاة

هيا نرتاح من زحمة هموم الحياة

هيا ..... نستعد لرمضان

ليكون رمضان .. ميلاد جديد

تابعونا على ...

المضيفة
www.almadiafa.blogspot.com
صمود
www.somood.blogspot.com

Anonymous said...

حتى ولو لم يكن هناك إنسان كامل
فلم لا نسعى إلى الكمال ربما نقترب منه
ربما نرتقي ونحفظ أنفسنا من الانحدار أكثر
وإن الكمال صعبا فربما يكون كمالنا في جانب أسهل فلنحرص على الكمال أو على الأقل القتراب من الكمال في علاقتنا بالله وفي ديننا ونحسن أنفسنا في الجوانب الأخرى

ahmed mefrh said...

ااسف اذا قلت بان الكمال لن يأتى ابدا فى هذا العصر لان مقوماته غير متوفره و لن تجد من يستحق ان يلقب بالكمال
تحياتى
ابو مفراح

ياسر سليم said...

بالله المستعان

ردود ايه بس ده اقل واجب

وانا فعلاً كنت فى زيارة لمدونتك ولقيت تاج .. ولما بشوف تاج بقول ربنا يستر ومايكونش مبعوتلى .. فلقيتك باعتهولى .. قلت بقه بدال جاى من سالى مش هكسفها المرة دى

بس لو حصلت تانى هكسفها :)

ياسر سليم said...

الحلم العربى

آمين

ربنا يتقبل الدعاء

وجزاكم الله خيراً على المرور الجميل ده

ياسر سليم said...

the manager

والله دى معلومة جميله جداً بتاعه العالم الكامل

وفعلاً هو طريق طويل وشاق جداً

وليس سهلاً إلا لمن سهل الله له

شكراً على هذا المرور العطر

ياسر سليم said...

radwa

الله يسلمك يا أخت رضوة

ياسر سليم said...

ولـــو

فعلاً الطريق بيبدأ بمجاهدة النفس

والتغلب عليها

تحيات كبيرات

ولا يهمك على التأخير

انا اللى آسف انى مقصر جداً

ياسر سليم said...

gohayna

انتى تقريباً وصلتى للى انا عايز اللى يقرا البوست يوصله

وهو اننا يكفينا شرف المحاوله والتغيير

لكن ما يكفيناش اننا نقول اننا مش كاملين وعشان كده نبرر اخطائنا

جزاكم الله خيراً

وانا اللى آسف على التقصير فى متابعة مدونتك ومدونتى

ياسر سليم said...

yasmina

انا معاكى ان الكمال لله وحده

بس انا ما بتكلمش على الكمال الربانى

انا بتكلم على الكمال الإنسانى

اللى الرسول قال فيه

كمل من الرجال الكثير

ياسر سليم said...

فن الحياة

يااااااااااااااه

ليك وحشة

عامل ايه

جزاكم الله خيراً على كلماتك الجميلة

ياسر سليم said...

fadfada

ده حقيقى

احنا ما نعرفش نغير فى نفسنا إلا لما نعرف نفسنا ونعرف عيوبنا

ونسأل اذا ما كناش عارفين

ياسر سليم said...

النجمة الصامدة

أولا : وجزاكم خيراً كثيرا

وهذا هو ما اردته .. السعى نحو الكمال

وان شاء الله اشارك معاكوا فى الإستعداد لرمضان

ياسر سليم said...

بهاء

جزاكم الله خيراً على هذا التعليق الجميل

الذى اردت ان يصل اليه كل من يقرأ هذه التدوينة

تحياتى

ياسر سليم said...

ابو مفراخ

سامحنى

عذر اقبح من ذنب

وذا اعتمدنا على كلماتك هذه فلن نتقدم

تحياتى

بنت أبيها said...

تدوينة جميلة ... وواقعية

لان فعلا الانسان لما يحس انه عايز يغير نفسه ... وانه مش عاجبه وضعه الحالى

اكيد هيتغير وتغير كبير كمان

والموضوع متاج ثبات ومثابرة على التغيير


على فكرة انا مررت لحضرتك تاج

سلام عليكم

اروي الطويل said...

جزاكم الله خيرا كثيرا ياأستاذ يوسف
علي البوست الرائع دا
فعلا بوست جمييييييل جدا جدا

gohayna said...

هو مفيش جديد ولا ايه؟


ايه الكلام دا بس

مستنينك

Anonymous said...

اولا انا اول مرة ادخل المدونة بتاعتك حقيقي مش عارفة اقولك ايه غير ان المواضيع كلها مفيدة ورائعة لاني مؤمنة بكل كلمة انت بتكتبها وبتعبر عنها انت بتلمس المشاكل اللي الناس بتنغمس فيها واخطر قضيه التغيير انا كتبت مقالة عنها وكأنك بتعبر عن اللي انا عاوزه اقوله وحساه عموما انا عايزة اطلب منك انك ياريت تكمل خطوات التغيير وتقول ازاي نتغير وايه شروط التغيير ويبقي جزاك الله خيرا

Anonymous said...

انا كمان عندي تعليق بسيط علي رضوي انا مش معاكي ان الطبع يغلب التطبع جملة الناس كلها بتعمل بيها وده غلط المفروض ان احنا بنعالج كلمات وحياتنا ماهي الا كلمات منها الصح ومعظمها الخطأ فلو كل واحد قال كده مش هيكون فيه تغيير انا شايفة ان اللي عاوز يتغير لازم يكون صادق وعنده روح روح الثقة والايمان
انا طبعا بوضح كلام مش اكتر علشان محدش يزعل
فاللهم ياخالق الكون والسما بلا عمد انعم علي وعلي امتك بنعمة لاتزول فانت رب القلوب وتعلم مابها فانعم علينا بالتغيير الايماني والروحاني واكتبه في ميزان حسناتنا
قولوا امين